هل هذا المبلغ معقول؟ 2024.

بسم الله الرحمان الرحيم
تقدم أخي لخطبة فتاة وإتفق معها أن يدفع لها مبلغ 20 مليون دينار (مهر+ ذهب) نقدا لتفعل بهم ما شاءت مع العلم أنه إشترى لها خاتم الخطوبة فهل هذا المبلغ معقول؟

عادي يا اخي هو كريم وهي تستاهل المهم في الامر ان يتم كل شيء بالتراضي وليس بسياسة الضغط ولي الذراع …يعني مثلا انا عندي وبخير عليا وحاب نكرمها ونعطيلها 50 مليون عادي جدا لكن الاسوا في الامر عندما تشترط عليك كذا وكذا وانت تكون في وضع غير مريح ..هنا تنقص النية واتحس روحك راك ادير في صفقة وتكره جدها قبل ما اجيبها والسلام عليكم.

بارك الله فيك أخي لكن حاب نعرف هل هذا المبلغ قليل؟

طبعا معقول جدا, حتى لو كان اقل من 20, عادي ,كل شخص وضروفه.

المهم الفتاة متحطلوش شروط تعجيزية كيما راهم يديرو الان البعض منهم.

قال النبي صلى الله عليه وسلم في الزوجات " أيسرهن مهرًا أكثرهن بركة "

السلام عليكم

اختي هذا شئ معقول قررته الأعراف
أختي قدم لها خطيبها 20 مليون + خاتم الخطبة – 12 مهر مثيلاتها بالمنطقة ’ 4 ملاين للفاليزة ، 4 ملاين ذبيحة
وهي لي جهزاتو ضعف هذا المبلغ
– في المقابل خويا قدم 16 مليون + ( خاتم الخطبة + مليون ): 12 للمهر و 4 ملاين للذبيحة وهي أكيد جهازها يفوق هذا المبلغ بالضعف ان لم يكن أكثر
وهذا الشئ ولاوحدة شرطت إلا أن مرت خويا ما عندهمش في عاداتهم شئ اسمو الفاليزة

خاصة أن كل واحدة منهن ستسكن ببيت مستقل

قليل
عندنا 20 مليون مهر بلا ذهب
و الجهاز يدي كثر من 20
بصح كل واحد كيفاه

ربي يسهل و يتمم على خير

اقتباس:

المشاركة الأصلية كتبت بواسطة hansali_33 بسم الله الرحمان الرحيم تقدم أخي لخطبة فتاة وإتفق معها أن يدفع لها مبلغ 20 مليون دينار (مهر+ ذهب) نقدا لتفعل بهم ما شاءت مع العلم أنه إشترى لها خاتم الخطوبة فهل هذا المبلغ معقول؟

السلام عليك
المبلغ معقول
وانت انظر حسب عادات و تقاليد منطقتكم كدلك
ربي يهنيكم

كل حسب ظروفه
انا مهري كان 6 و سنسلة مع القورمات تاعها
و خاتم خطوبة و كبش
و الحمد لله راني متزوجة في داري و قريب نولد ان شاء الله

اقتباس:

المشاركة الأصلية كتبت بواسطة farachati طبعا معقول جدا, حتى لو كان اقل من 20, عادي كل شخص وضروفه. المهم الفتاة متحطلوش شروط تعجيزية كيما راهم يديرو الان البعض منهم. قال النبي صلى الله عليه وسلم في الزوجات " أيسرهن مهرًا أكثرهن بركة "

:1 9:

نورمال و الله غير المهم يكون متراضيين و ماكانش المشاكل فيما بينلتهم

و 20 مليون تبالي انا بزاف و الحمد لله ربي يكمل ان شاء الله

يا اخي معقول كي يكون داخل فيه كلش م الكبش و الفاليزة و االذهب بلاك تفوت 20 مليون
ربي يكملو الف مبروك على اخوك

السلام عليكم
وليت نخلع لما نقرا هنا نلقاكم تقولو واحد 15 مليون ولاخر 20 مليون علاه هذا كامل إحنا عندنا يا ربي 8 ملاني وخاتم الخطبة هذا شروط اهل الطفلة اما الراجل هو واش حاب يزيد لمرتو كان عندو كان ماكانش الهنا هو كل شي ومن الاول الرجل يقول قدراتو لأهل الطفلة واكيد يتفهمو الموضوع في منطقتنا اغلب البنات هكذا راهم يتزوجو ما فهمتش بالتحديد واش من منطقة راكم تطلبو بال 20 مليون
خوك عندو ربي يقدرو وحب يمد لمرتو عادي ربي يهنيه أما هي تطلبها هذي إحنا ما عندناش ربي يهنيه وما يصراولوش مشاكل كيما إنت وخطيبتك ويولي يدخل ويحكينا مشاكلو ههههههههه امزح الف مبروك