هل انت المفضل او المفضلة عند الاهل ؟ 2024.

السلام عليكم
موضوعي اليوم سهل و بسيط و من دون اي تعقيدات
كما نعلم ان الام او الاب دائما يقولون انهم يحبون اولادهم و لا يميزون بينهم و لكن في الحقيقة يوجد الابن المفضل او البنت المفضلة للاب او الام في بعض الاحيان كليهما يحبان ولد او بنت معينة و في احيان اخرى كل واحد له ابن مقرب و حبوب اكثر من الاخرين ….
هل كنت و مازلت المفضل عند الوالدين ؟ان لم تكن انت فمن ؟؟
عن نفسي لم اكن المفضلة …….. ربما كنت احس بالغيرة في بعض الاحيان
و لكن لم احمل الحقد في نفسي فالبعض يتعقد من التمييز
او حتى يكن الكره لاخيه او اخته و هاذا كان بعيدا جدا عن تفكيري
و الحمد لله …
انتظر مشاركاتكم الكثيفة

نعرف واحد في عائلتو حرت يحبوه كل والديه خصوصا يماه تموت عليه رغم انها عندها 4 بنات كبارات مانعرف علاه تموت عليه كي يروح يخج او يغيب او يروح يخوس تولي مهبولة عليه مافهمتش علاه عندو 22 سنة فقط وجامعي صراحة تقلق عليه اكثر من البنات وتحبو اكثر منهم رغم ان البنات عاقلات تحير علاه وقال لي قاتلو لو تتزوج وحدة مانرضاش عليها راح مانتهناش لول وهو حاير يحب وحدة وماعلابلوش الا تقبل يماه بها او لا لاتعرف بعد القصة والطفلة حسب ماقيل لي صراحة تبوجي وطاخت في الانسان هدا ولد فامليا تاع الصح وفحل
مانعرف ردة امو كي تشوفها وووو تسمع عليها

انا مفهمتش انا المحبوب او العكس
لاكن معنديش الغيرة كيفك

موضوع جميل انا في اهلي المفضل عند الاب ربما لاني الابن الاكبر(جانب المسؤولية) اما عند الام فاخي الاوسط تفضلو بشكل فاضح حتى انو حدثتلها مشاكل مع خاوتي لخرين نظرا للتمييز الفاضح لكن لها عذرها ربما فاخي هذا علاقتو معاها و كانهم اصدقاء (حلو معاها بزاف)

اقتباس:

السلام عليكم بما اني الصغيرة في المنزل فاني انا المقلشة والمدللة بالاكي تغيري مني:d

الاثر الجميل
بصحتك حنونة صحيح آخر العرجون دائما ما تكون لديه محبة خاصة من طرف الاهل
ابدا لن اغار منك يا اختي

شكرا الاخ ميلانوا
ربما هته الام لديها ولد واحد لذلك تحبه كثيرا حتى لو لها عشرة بنات فالصبي له معزة مميزة نوعا ما فتجدها تدلله و تحبه اكثر من البنات و تترك له الشيئ الغالي و الثمين و تطهوا له الاطباق التي يحبها و تسال عنه في كل دقيقة
صديق اخي كذلك الولد الوحيد للعائلة وسط سبع بنات الام و الاب انتظروا مجيئه بفارغ الصبر لذلك فهو مدلل العائلة و الصغير كما قلت ختى اليوم هو المحبوب عند ابويه رغم انه تزوج و عنده اولاد لكن يبقى دائما طفلا في عين والديه……
الام تحبه كثيرا فاكيد سترضى عن الفتاة ان شاء الله

seddik 3223
هاهاهاهاها لما كنت صغيرة اما الان لم تعد هناك غيرة خلاص
كيف لا تعلم ان كنت محبوبا ام لا ؟؟

papinoشكرا جزيلا على الاثراء
الله ابارك لديك مكانة خاصة عند الاب الابن الاكبر كذلك له نصيب في التمييز فهو الاول في العائلة و ليس بالضرورة يكون الافضل عند الام كما في حالتك ربي يحفظ والديك و اولياء جميع الاعضاء

[center]مراحب
بلاصتي واحد ما يديها ني الصغير ني الوسطاني والو هههههههه بحكم اني البنت الكبرى مكانتي محفوظة والحمد لله واثقة ربي يدومها ان شاء الله وربي يخليلي والديا واخوتي والله لايفرق بيناتنا
تحياتي مشكورة عزيزتي [/center]

اقتباس:

مراحب بلاصتي واحد ما يديها ني الصغير ني الوسطاني والو هههههههه بحكم اني البنت الكبرى مكانتي محفوظة والحمد لله واثقة ربي يدومها ان شاء الله وربي يخليلي والديا واخوتي والله لايفرق بيناتنا تحياتي مشكورة عزيزتي

رندة نهاد شكرا جزيلا اختي
ربي ادومها محبة حنونة و ديما تقعدي بنة الدار كيما يقولوا هادا زوج اختي عندوا ابنوا الصغير احبوا بزاف اقولوا بوست ديالي
الحاجة لي يطلبها البهالوا ربي يحفظهم كاملين

اللهم امين ويحفظلك حبابك

اناااا المازوزية نتاع الداااار و انى المفضلة
الدلال و التقلاش راكي عارفة المزوزي
حتى و الحمدالله كامل خاوتي يموتوا عليا

لااعلم ان ترضي علي المرا لي يجيبها الله اعلم هي قاتلو مانتهناش حتي نشوفك نتزوج ودراري قدامي يلعبو الور ماعلابالهاش راهو في علاقة مع وحدة صراحة تبوجي شويا حسب ماسمعت وخفيفة بزاف وهو يحبها وطايح فيها وهي حابة تتزوجو والام ماتعرف والو يخاف امو ترفضلو الطلب ياويلي