اليوم جربت هذي الوصفة تع البيزا المقلية و خرجت روعة حبيت تشاركونا فيها و قولو رايكم بكل صراحة هي وصفة ساهلة و بسيطة مثل الالبيتزن اللي نديروها موالف لكن الجديد فيها انها مقلية ماشي في الفور المهم نخليكم مع الوصفة
العهي كل واحد واش يدير انا بالنسبة ليا نستعمل المقادير تع الاخت فلة و اللي هي
*5كيسان فرينة
*نص كاس زيت
*2ملاعق كبار خميرة الخبز
*1باكي لالوفوغ levure chimique
*فنجال سكر
*ملح حسب الرغبة
*ماء دافي و نخلوها تخمر مليح امبعد نشكلوها كويرات صغار قد الحبة تع البيض و نخلوهم يخمرو هنا طبعا بعد ما خمروا (في الحقيقة كانت عندي العجينة في الكونجيلاتور)
و نحضروا صلصة الطماطم كل واحد وطريقته
امبعد نحلو العجينة ماشي رققةبزاف مليجة كيما البيتزا تع موالف
و نحطوا الصلصة في الوسط وواش نحبو نزيدو انا استعملت التون و الزيتون اخضر و الفرماج ابيض و ندهنوا الجوانب بالماء باش كي نحطوا العجينة الاخرى ما تنحلش في المقلاة
امبعد نزيدز نحلوا عجينة اخرى تكون قد الاولى في الحجم و نحطوها من الفوق و نضغطوا بالاصابع على الاطراف مليح باش ما تنحلش
و نقلوها في زيت طبعا نكونوا سخناها من قبل
كي تحمار من جهة نقلبوها للجهة الاخرى و كي اطيب نقطروها مليح في الكسكاس امبعد نديروها في papier بابي تورشون هذه الخطوة مهمة لازم تنف من الزيت
وهذا الشكل النهائي كي طابت
و هذه لاول وحدة ترد
لا تبخلوا بالردود فدعوة لاخيك بظهر الغيب مستجابة
hadi liyaa hhhhhhhhhhhhhhhhh
ye3tiik sa7a bayna beli Bniiina
شكلها يشهي يعطيك الصحة ان شاء الله نجربها
والله شهتينا يا اختي
امممممممممم باينة تهبل بارك الله فيك .قيد التجربة
فكرة جديدة يعطيك الف صحة
يعطيك الف صحة وعافية شكراااااااااا
وااو اتشهي وفكرة جديدة ربي يعطيك ما تتمني
شكراااااااااااااااااااااااا
جمييييييييييييييلة، شكرااااااااااااا