نكره البسباس 2024.

حبيت ندير غراتان ولا أي أكل تاع البسباس انا نحبو غير سلاطة وقلت نجرب كاش اكلة أخرى بالاك نولينحبوااا ساعدوني

والله يااختى نعرف نديرو غير سلاطة وكاين اللي يطيبوه مع الجلبانة مرقة

دريه بالحمص والكفته على شكل مرقة

انا نحضر المرقة بالحمص والبصل والطماطم مرحية مع ملح فلفل زعفران واللحم طبعا
كي يطيب اللحم والحمص نكون فوت البسباس نرميه على المرق مدة عشر دقائق وشوي قسبر والكون في الاخير
هاذا طبقي اختي جربيه

السلام عليكم اختي و الله انا اولادي ما يحبوش البسباس و لكن كي نديرلهم هذا الطبق ما يخلو والو ههههههههههههههه نقي البسباس و اعمليلو ثقب في الوسط اي كيما نديرو للبطاطا دولمة ديريه يفور في كسكاس مع القليل من الملح بعدها انزعيه و تكوني حضرتي صوص طماطم و ايضا لحم مرحي مع الثوم و المعدنوس و فلفل اسود و ملح و حبة بيض عمري البسباس انتاعك و ضعي الصوص طماطم في طبق فرن و ضعي حبات البسباس و زيدي صوص الطماطم من فوق و ادخلي للفرن يجي روعة جربيه و قوليلي و اذا حضرته ساضعه في موضوع حتي تستفيد جميع الاخوات تحياتي عزيزتي و موفقة باذن الله

حتى انا اولادي يكرهو البسباس
و انا نعملو مرقة بيضاء مع البطاطا
قلي اطراف الدجاج مع بصل و ثوم و زبدة
و ملح شوية فلفل اسود زعفران و راس الحانوت
بعد ذلك مرقي بحوالي لتر ماء و خليها على نار ذليلة
لما يقرب يطيب الدجاج
قصي البطاطا بالطول على 4
حطيها فوق الدجاج و حطي فوقها البسباس كذلك مقصوص على 4
و حطي فوقها شرائح القارص المصبر
و الله ما تتشبع

انا ماندخلوش لداري خلاص

أنا طريقتي المفضلة هي كيما تطيبي طاجين زيتون مع أي نوع لحم تحبي و الكثرة و الله ما ندير اللحم باه ما نزوخش عليك من الأحسن طبعا مع الجزر نظن تعرفي الطريقة ، المهم في الأخير ما تخليهش يطيب بزاف بزاف، بالملعقة ارفدي هذوك القطع بالعقل خليهم يبردوا ، مرمديهم في الفرينة ثم في البيض المخفوق قليلا و اقليهم في الزيت و إذا حبيتي من بعد البيض عاودي مرمديهم في لا شابلير chaplure قبل ما تقلي، حطيهم على حواف دائرة الصحن و في الوسط ديري هذيك لا صوص البيضاء اللي يكون فيه الجزر و الزيتون و بلا ما نقولك قطعي شوي معدنوس، صدقيني البنة و الشكل و الله انشاء الله ما تندمي. و أي استفسار راني هنا.

البسباس نطيبو ا مع الجلبانة والقرنون و مربعات صغار من الجزر ومربعات صغار من البطاطا مرق ابيض مرة دجاج ومرة لحم فى الاخير قرن حار لما يطيب الحار نضرب بيضة معالمعدنوس وخليها تعقد عند التقديم ديرى عصرة قارص و بالصحة والراحة

أنا نحب البسباس و طريقتي هي أنه نغلي البسباس في الماء بالملح و الفلفل لكحل و كذلك رأس الحانوت ( التوابل ) و بعدها نصفيه

وأكون وجدت أي مرقة انا هذه المرة المرقة تاعي درت فيها البصل ( مفروم ) + جزر مبشور جربيه + بطاطا مقطعة قطع صغيرة + الملح + الفلفل لكحل + التوابل

بعد ما صفيت البسباس وجدت خلطة تاع بيض + ملح + فلفل لكحل + التوابل المشكلة + المعدنوس المقطع صغير و ضعت البسباس في الخلطة و قليتو في المقلة و أجي بنين بنين و هايل جربيه تولي تحبي البسباس
ذلك نديرو سلاطة و عندي وصفات بزاف هايلة بالبسباس في الأيام القادمة نديرها و نضعهالك بالمنتدى إنشاء الله

[IMG]http:/[/IMG]

[IMG]http:/[/IMG]