نداء الى فيفي,و كل خبيرات الكروشيه .انضموا انضموا

السلام عليكم و رحمة الله

كيف الحال يا شطار …..ان شاء الله لاباس

المهم العيد فات و الشتا جا و حان وقت العمل …….هههه……..لازم نبداو نخدمو على روحنا

مادا بينا نتفاهمو على دورة الكروشيه

وكتا نبداوها ؟

كيفاه نقسمو الدروس ؟

وش هي الورشة لي نبداو بيها ؟

و طبعا لابد ان يكون تنسيق بين الخبيرات و كل وحدة تحكم مهامها ههههه

في اتنظار ردودكن و ارائكن

تحياتي الحارة

يا اهلا بيك اميرتي انت هنا تدوري فقتلك

على فكرة راني ميتة على زوج حوايج
محرمة نتاع الشعر
وشوصون يتلبس يغطي الرجل كاملة
ههههههههه

اهلا ب ريم
مشكورة حبيبتي على هادي الروح الاخوية
انا من جهتي راني معاك كشما تحتاجي
مي لازم نتفاهمو نبداو بورشتك ولا بحاجة اخرى اسهل
انت وش تقولي ؟

[/QUOTE]

فيفي و كل الخبيرات انا نقترح اقتراح و انتم اعطيوني رايكم اوكي ؟؟

و انتم وش تقولو ؟؟؟

فكرة مليحة و الكل يستفيد

من جهتي راح نراقبكم من بعيد و ين نقدر نساعد اكييييييد

مشكورة اميرة ربي يجازيك

أنا راني معاكم

أختي اميرة انا نشارك معاكم ،،ندير ورشات نتاع كروشي ،،مثلا ندير نابرون ونشرح بالتفصيل وبالصور خطوة بخطوة كيفاه يتخدم
واللي يشاركو مجبرين باه يوريولي اعمالهم بعد ما يصوروها هكا باه ننصححلهم وزيدي باه نتشجع ونزيد نمد اْكثر

اهلا اهلا بندية ………………….الورد الجوري

هادي غيبة يا غاليه ؟؟؟؟؟ ان شاء الله راكي لاباس

بالنسبة للدورة لنا كل الشرف ان تكوني واحدة من الخبيرات اللواتي يقدمن دروسا جيدة

بحثت لك عن الباترون و لم اجده…….ان وجدته ساضعه لك

تحياتي الحاره لك

اقتباس:

المشاركة الأصلية كتبت بواسطة ليلى الجزائرية1 أختي اميرة انا نشارك معاكم ،،ندير ورشات نتاع كروشي ،،مثلا ندير نابرون ونشرح بالتفصيل وبالصور خطوة بخطوة كيفاه يتخدم واللي يشاركو مجبرين باه يوريولي اعمالهم بعد ما يصوروها هكا باه ننصححلهم وزيدي باه نتشجع ونزيد نمد اْكثر

اهلا بليلى …………….. معرفة خير اخيتي الحبيبه ان شاء الله
يشرفنا ان تقدمي دروسا في الدورة و نتعاونو كامل باه يستفادو الاخوات ….
مادا بينا يكون هناك تنسيق بيناتنا كل وحدة تقدم درسها و الاخريات يعاونوها بالشي لي كاين

اقتباس:

المشاركة الأصلية كتبت بواسطة amira19 اهلا بليلى …………….. معرفة خير اخيتي الحبيبه ان شاء الله يشرفنا ان تقدمي دروسا في الدورة و نتعاونو كامل باه يستفادو الاخوات …. مادا بينا يكون هناك تنسيق بيناتنا كل وحدة تقدم درسها و الاخريات يعاونوها بالشي لي كاين

أختي اميرة أنا ثاني نتشرف بمعرفتك
في رايي نكونو فريقين فريق يتخصص بتقديم ورشات للمحترفات في فن الكروشي وفريق يتخصص في تقديم ورشات للمبتدئات في الكروشي كل واحدة والا كل ثنائي يتخصصوا في مجاال
مثلا في الفريق الخاص بالمحترفات ::أنا نحكم المفارش وواحدة اخرى تحكم التلايق مثلا واخرى تحكم الالبسة وواحدة تحكم الاْفرشة وواحدة تحكم التروسوات والاخرى تحكم الديكورات نتاع الكوزينة وأخرى تحكم نتاع الحمام وهكاا كل واحدة تمشي على روحها واللي تحب تنضم لورشة تنظم على شرط تلتزم بتقديم الواجبات نتاعها

شوفوا راني مبتدأة برك وراني حاصلة في واحد الامور نعرف الغرز ولكن خدمتي تجي مزيرة مع اني نرخف يدي
مدابية نكون معاكم خطوة بخطوة وش تتفاهمو عليه راني معاك ان شاء الله
المهم كما تتفاهموا تحط الاخة المشرفة موضوع مثبة فيه كل البرنامج بش نقسم وقتي ان شاء الله
سلامي