السلام عليكم اخواتي
حبيت نطيب رشتة بصح مانعرفش كيفاش 
رجااااءا اعطوني الطريقة بالتفصيل الممل
و شكرا مسيقا
راني نستنىىىىىىىىىىىىىىىىى
وحدة ماتعرف دير رشتة ؟؟؟؟؟؟؟؟؟؟؟؟؟؟ هههه درتو العجب غير الرشتة ماحبيتوش توروهالي
************************************************** *****************
شوفي حنونة
نبداو بالمرقة هي تحب اللفت ديري البصل قليه مليح وديريلو الملح والفلفل لكحل وقرفة وزيت نسيت
ومرقي وماتنسايش اللحم ولا الدجاج والحمص المهم تجي مرقة بيضا
وخليها تطيب
شدي الرشتة نتاعك افتحيها في قصعة وديريلها شوية زيت برك وحركيه مليح للداخل ومن بعد فوريها غير تفور نحيها ورشيها بالما كي الكسكس
ومن بعد خليها تنشف وزيدي فوريها حتان تشوفيها طابت قبل الفورة الاخيرى رشيها بشوية من مرقتها باش تجي بنينة وخليها تفور مالازمش تتعجن
وكي تكمل ادهنيها بالزبدة
وبصحتكم
واذا تحبي خضرة واحداخرى ديريلها على حساب كل واحد واش يحب
ان شالله تكوني فهمتي
|
المشاركة الأصلية كتبت بواسطة مونية ك
 شوفي حنونة
نبداو بالمرقة هي تحب اللفت ديري البصل قليه مليح وديريلو الملح والفلفل لكحل وقرفة وزيت نسيت ومرقي وماتنسايش اللحم ولا الدجاج والحمص المهم تجي مرقة بيضا وخليها تطيب شدي الرشتة نتاعك افتحيها في قصعة وديريلها شوية زيت برك وحركيه مليح للداخل ومن بعد فوريها غير تفور نحيها ورشيها بالما كي الكسكس ومن بعد خليها تنشف وزيدي فوريها حتان تشوفيها طابت قبل الفورة الاخيرى رشيها بشوية من مرقتها باش تجي بنينة وخليها تفور مالازمش تتعجن وكي تكمل ادهنيها بالزبدة وبصحتكم واذا تحبي خضرة واحداخرى ديريلها على حساب كل واحد واش يحب ان شالله تكوني فهمتي |
فهمممتك مونية الزينة ربي يخليك ختي اذا حبيتي اعطيلي طريقة العجينة تع الرشتة
شكرا و ربي يعطيلك كوزينة كيما الي في توقيعك هههه
الله يسلمك حنونة
مانكذبش عليك جامي خدمتها موالفة نشريها واجدة تتياع الكيلو ب200 د اذا مازادتش عندي شحال مادرتهاش والبلاد اللي راني فيها مايعرفوهاش قع
المهم نحوسلك عليها في النت ونمهالك ان شالله
|
المشاركة الأصلية كتبت بواسطة مونية ك
الله يسلمك حنونة
مانكذبش عليك جامي خدمتها موالفة نشريها واجدة تتياع الكيلو ب200 د اذا مازادتش عندي شحال مادرتهاش والبلاد اللي راني فيها مايعرفوهاش قع المهم نحوسلك عليها في النت ونمهالك ان شالله |
ma3lich nechriha w ndirha
ntia mn win w sakna win
هذي صورتها درك نوليلك ونكملك قع الصور راني لقيتهالك اصبري علي نروح نغسل لمواعن قبل مايروح الما ونرجعلك ماتروحيش
|
المشاركة الأصلية كتبت بواسطة مونية ك
هذي صورتها درك نوليلك ونكملك قع الصور راني لقيتهالك اصبري علي نروح نغسل لمواعن قبل مايروح الما ونرجعلك ماتروحيش
|
rabi ykhalik
ana ani kharja doka nraweh rani khadama
nahkiw f lile wla ba3ed lftour ani sayma
انا من بويرة وتزوجت لبجاية
ماعليش صح فطورك كنت صايمة البارح ونهار اللي قبلو ومن بعد حسيت جاتني……… فينالمون فطرت اليوم هكذاك برك واقبلا راني بالحمل درت التست لقيتو ايجابي معناها هذاك هو
غدوة نكمل صيامي ماعليش روحي تخدمي وكي تجي تلقايني حطيتلك قع الوصفة خاطرش طويلة وتصاور بزاف
|
المشاركة الأصلية كتبت بواسطة مونية ك
ماعليش صح فطورك كنت صايمة البارح ونهار اللي قبلو ومن بعد حسيت جاتني……… فينالمون فطرت اليوم هكذاك برك واقبلا راني بالحمل درت التست لقيتو ايجابي معناها هذاك هو
غدوة نكمل صيامي ماعليش روحي تخدمي وكي تجي تلقايني حطيتلك قع الوصفة خاطرش طويلة وتصاور بزاف |
mabrok 3lik w rabi ythabat hamlek
merci hbibti rabi ykhalik
salaaaaaaaaaaaaaaaaaaaaaaaaaaaaam la3chia nchalah
راني وليت مي لاكوناكسيون بزاف ثقيلة
انشالله برك ماتخلينيش في النص
بسم الله نبداو
نعجن كمية من السميد و القليل من الفرينة و الملح
حتى نتحصل على عجينة يابسة و ليست طرية
نشكل كرات بحجم حبة الجوز
نغطي الكريات بغطاء بلاستيكي و نتركها تستريح نصف ساعة
نأخذ كرية نفتحها قليلا
ثمّ نفتحها في الماكنة في الرقم 6
نرتب 5 أو 6 شرائط فوق الطاولة و ندهنها بالزيت كما في الصورة
ندهن من جهة واحدة
ثم نأخذ كل شريط و نفتحه من الجهة المخصصة
كما في الصورة
نضعها مباشرة تفور و لا نحركها حتى تتفور قليلا
ثمّ نحركها ببطئ بالفرشاة كما في الصورة و نتركها تفور
ثم نضعها جانبا في إناء
و نعيد بنفس الطريقة مع 5 أو 6 كريات
ملاحظة لا يجب ملأ الكسكاس و إنما نفوّر بكميات قليلة
حتى لا تلتصق مع بعضها
يمكنك سيدتي الإحتفاض بها في الفريزر في أكياس .
و عند الحاجة خذي الكمية التي تحتجينها و أتركيها تذوب ثمّ
ندهنه بالزيت و نفوّ ر
ثم ننزعها من الكسكاس و نفتحه و نرشها بقليل من الماء و نعيد تفويرها
نحضر المرق كالتالي
المقادير
قطع من الدجاج
بصلتين كبيرتين
ملعقتين زيت و ملعقتين زبدة
لفت حبات
فلفل أسود ملح
زعفران
و قطعة صغيرة من القرفة
كمشة حمص منفوخ
نفور الرشتة للمرة الأخيرة بعد أن نرشها بالمرق الجاهز
و نتركها تفور
نضعهافي صحن التقديم و نسقيها بقليل جدا من المرق
و نرتب اللفت و الحمص من فوق و نزينها بالبيض
و لا ننسى الفلفل الحار
ان شالله نكون افدتك
ادعيلي ربي يقومني بالسلامة
يعطيك الصحة يا مونيا ك راكي فحلة ، ساهلة يا منى لازم تولي تخدميها انا كنت نخدمها ومرة شتهيت وقلت كامل الجارات يشروها هذه المرة والله غير نشريها كانت مناسبة وانا فرحانة مريحة وقت الطبخ انا حليتها وانا نصيب صغار الصرصور 2 معبزين مع العجينة كانت هذه المرة الاولى والاخيرة واختي وجدت فيها الزجاج مكسر ،مع العلم شريناها من مكان موثوق