من فضلكم أسدلوا لها نصيحة لعلكم ترشدوها للطريق الصحيح
لي زميلة تعمل معي تقدم شاب لخطبتها والمعروف عليه أنه ولد عايلة مربي خاطيه المشاكل ….الخ يعني محبوب من عند ولاد حومته والكل يشكر فيه
لكن المشكل ألي أرق زميلتي هو…………………………….. مستواه العلمي لأنه عندما ماربحش الباك راح للعمل في مجال اختاره.
وهي لديها ماجستير.
المهم كاين ألي يقلها كيفاه أنت أستاذة جامعية تقبلي بواحد الباك وماعندوش؟
وكاين ألي يقلها طماع في سواردك مع العلم هو قال كي جا يخطبها العمل كيما تحبي تخدمي ولا تقعدي في الدار وشهريتك مانحتاجهاش راني خدام وقادر على داري وسواردك ديري بيهم وش تحبي لا دخل لي فيهم
وكاين ألي قاللها كي تزوجي بيه متتفاهموش في النقاشات ودائما يقلك أنت شايف روحك……………الخ
وراكم تعرف هذا الكلام
المهم هي في حيرة بين أنها معجبة به وبشخصيته وبين الكلالالام الطالع والهابط نتع ألي من حولها مع أن الحديث الشريف معروف ، الدين والاخلاق أهم شرط في الرجل.
فهل قدمتوا لها النصيحة من فضلكم
صح عيدكم وكل عام وأنتم بخير
بسم الله
انا رجل متزوج ونصيحي الوحيدة الاخلاق هي الشيئ الوحيد الذي يهمك كم من شخص لديه مستوى ثقافي عالي ولكن الطبع -شين-
توكلي على الله وصلي صلاة الاستخارة وادعي الله وسوف تجدين الحل انشاء الله
الحل بالنسبة لي هو صلاة الإستخارة و الإكتار من الإستغفار و سوف ترى النتيجة بإذن الله ، إدا كان إنسان مليح ربي راح يسهللها معاه وإذا كان شخص قبيح راه يبعده عليها ، و لي فيها الخير ربي يجيبها.
قولها تديه و ماتخافش إذا علمت أنه على خلق و دين و استخارت الله،
المهم ليس في المستوى التعليمي، إنما في الخلق، فأنا أعلم من يملكون دكتوراه و ليس لهم أخلاق، و على العكي، لدى أنصخها ألا تجعل المستوى التعليمي جاحزا أو معيارا لرفض الزواج من هذا الأخ الكريم، فلعلها لن تجد مثله…
|
المشاركة الأصلية كتبت بواسطة mous830
 بسم الله
انا رجل متزوج ونصيحي الوحيدة الاخلاق هي الشيئ الوحيد الذي يهمك كم من شخص لديه مستوى ثقافي عالي ولكن الطبع -شين- توكلي على الله وصلي صلاة الاستخارة وادعي الله وسوف تجدين الحل انشاء الله |
ربي يبارك فيك وفي عائلتك
شكرا أخي الكريم على النصيحة
|
المشاركة الأصلية كتبت بواسطة loulou02
الحل بالنسبة لي هو صلاة الإستخارة و الإكتار من الإستغفار و سوف ترى النتيجة بإذن الله ، إدا كان إنسان مليح ربي راح يسهللها معاه وإذا كان شخص قبيح راه يبعده عليها ، و لي فيها الخير ربي يجيبها.
|
ربي يسترك دنيا وآخرة
|
المشاركة الأصلية كتبت بواسطة djeriou
قولها تديه و ماتخافش إذا علمت أنه على خلق و دين و استخارت الله،
المهم ليس في المستوى التعليمي، إنما في الخلق، فأنا أعلم من يملكون دكتوراه و ليس لهم أخلاق، و على العكي، لدى أنصخها ألا تجعل المستوى التعليمي جاحزا أو معيارا لرفض الزواج من هذا الأخ الكريم، فلعلها لن تجد مثله… |
حقيقة عندك حق كاين ألي بالرغم من مستواهم العلمي لكن لا أخلاق
ربما زميلتي هذه خايفة من كلام الناس تعرف يقولوا قرات ودات واحد مش قاري….الخ
ربي يعطيك ما تتمنى
كيما يقولو اعطيهلي فاهم والله لا قرا …
تلقايهم عندهم مستوى عالي مي والله راسهم فارغ
قلها استخيري ….. وربي يجيب الخير
|
المشاركة الأصلية كتبت بواسطة staifia
كيما يقولو اعطيهلي فاهم والله لا قرا …
تلقايهم عندهم مستوى عالي مي والله راسهم فارغ قلها استخيري ….. وربي يجيب الخير |
مشكورة حبيبتي
لكن لا تزال مترددة والمشكل مش في الخاطب هي مش حاب يقولوا قرات قرات وما دارت فيها والو
راكي تعرفي العقلية كيفاه
هي أكيد صلات صلاة الاستخارة
لكن حبيت نزيد نشوف أراء الاخوة والاخوات- ما خاب من استشار-
بارك الله فيك
|
المشاركة الأصلية كتبت بواسطة إلينا 19
تقدم شاب لخطبتها والمعروف عليه أنه ولد عايلة مربي خاطيه المشاكل ….الخ يعني محبوب من عند ولاد حومته والكل يشكر فيه
|
الناس تبكي على هذو يا اختي
الاخلاق اختى هى الامان فعندما يغلق الباب عليكما لوحدكما فهناك رجل وامراة لا ماجستار و لا غيره و ربى يسهل ليك
مشكل البنات دايما خصوصا في الزواج التقليدي ، يشوفو لكلام الناس و من بعد يندمو ، إدا كان قاري ماشي شباب ، و إدا كان شباب ماشي خدام ، و إدا كان خدام ماشي قاري ، و إدا كان خدام و قاري و شباب ما تقبلش بيه لخطر متشدد ، و لما تلحق لسن 30 تقبل بهداك لماشي شباب و ماشي قاري و ماشي خدام
لزم قبل ما تتزوج تتعرف عليه أكثر ، لأن الكلام الناس ( مدح و لا دم ) ما يهمش بقدر ما يهم رأيها فيه ، صحابتها ، جيرنها ، فامليا نتاعها ماشي هما لراح يتزوجو و يقضو حياتهم معاه ، هي لراح تتزوج ، تتعرف عليه أكثر و تتحرى مليح و ما تقلقش هدا مصيرها
|
المشاركة الأصلية كتبت بواسطة jissi
الناس تبكي على هذو يا اختي
|
شكرااااااااااا على مرورك الطيب
عيدك مبارك
|
المشاركة الأصلية كتبت بواسطة amolas45
الاخلاق اختى هى الامان فعندما يغلق الباب عليكما لوحدكما فهناك رجل وامراة لا ماجستار و لا غيره و ربى يسهل ليك
|
عندك حق لإن في الزواج تزول كل تلك الرسميات وووو
ربي يبارك فيك حبيبتي
|
المشاركة الأصلية كتبت بواسطة yarmoracen
مشكل البنات دايما خصوصا في الزواج التقليدي ، يشوفو لكلام الناس و من بعد يندمو ، إدا كان قاري ماشي شباب ، و إدا كان شباب ماشي خدام ، و إدا كان خدام ماشي قاري ، و إدا كان خدام و قاري و شباب ما تقبلش بيه لخطر متشدد ، و لما تلحق لسن 30 تقبل بهداك لماشي شباب و ماشي قاري و ماشي خدام
لزم قبل ما تتزوج تتعرف عليه أكثر ، لأن الكلام الناس ( مدح و لا دم ) ما يهمش بقدر ما يهم رأيها فيه ، صحابتها ، جيرنها ، فامليا نتاعها ماشي هما لراح يتزوجو و يقضو حياتهم معاه ، هي لراح تتزوج ، تتعرف عليه أكثر و تتحرى مليح و ما تقلقش هدا مصيرها |
والله غير عندك حق
وفي هذي النقطة نقول الناس دائما يخرجوا النقص سواء في البنت أو الولد، ويبحثوا على النقص بكل الطرق
هذا طويل بزاف، رقيق، مش شباب وبلاك ألي يهدروا هكذا مجاهم حتى واحد
هذه قصة
صرات لزميلتي عندما كنا في آخر سنة قبل التخرج (ليسانس) جاءها خاطب وكان يعمل شرطي ومازال على التخرج شهر ونصف أنا قلتلها أقبلي بما أنه خدام لاباس بيه وزيد يعرف أخوك، لكن ألي حولها قالولي وش زربك مزال الحال بلاك يجيك واحد خير منو، وهذا خدام بعيد وووو….. تعرفوا خرجوا فيه ألف علة، والله رضخت لكلامهم وما قبلتش، تعرفوا لحد الآن لم يتقدم لخطبتها ولا أحد، صحيح الزواج مكتوب ربي مي حتى الناس ربي يهديهم خدمتهم يصمطوا عليك الحاجة
ولي زميلة أخرى فبالرغم من أنها طبيبة مختصة قبلت بشاب عاطل عن العمل وذلك لأن أخلاقه محط إعجاب الناس، الان راه يخدم في اطار عقود ما قبل التشغيل والحمد لله لاباس بيها ورزقت بطفل، تقلي الحمد لله كي ما درتش برايهم.
ربي يرزقنا الخير ويهدينا أجمعين
صح عيدكم