عندي بعض les napperons صفارولي مانيش عارفة علاه يا ريت اللي تعرف طريقة مجربة تنحي الصفورة تقلي عليها وربي يجازيها 
اغسليهم بصابون الطرف او الحجرة وشليهم مليح وقابليهم للشمس قاوية اذا نفعك مليح اما اذا الصابون والشمس ما نفعوكش حاجة ما تنحي الاصفرار
شكرا ليك أختي سأجربها
اذا كانو بيوضة ديريهم يتشمخو في ماء و جافيل يولو يشعلو
انشاء الله أختي رايحة نجرب ونردلكم الخبر
كاينة وحد المادة يقولولها كريستو كانو امهاتنا يستعملوها بكري في بلاصة الجافيل ومازالت موجودة سلفتي د ارتو وخرجتلها لاناب تاعها
شكرا ليك رايحة نحوس عليها
مام انا دارتلي الصفورة فوحايد من لي نابرون ان شاء الله نجرب الطرق هاذو و يصلحولي
كائن اختي طريقة ممكن تنفعك لانها تنفع في بقع الدم و هي نقعيهم في مشروب غازي كيما الكوكا كولا ونشاء الله تنفعك
galihom fy maa wsaboun hajra ywaliw ych3lou
شكرا جزيلا أختي
انا كان عندي تروسو تاع دراوات ولثيت فيهم بقع صفرا ياك حكيتهم بالقرص و الصابون الحجرة و خليتهم ربع ساعة و عاةدت غسلتهم خرجو يشعلو
شكرا لك اختي
انا اختي كانت تغطسهم في خليط من المايزينة والماء
استعملي الناصح راه يبيضهم ماديريش الجافيل يرشاولك