السلام عليكم أود أت اسألكم من جربت مخبز بالفلون على شكل قلوب أن على حيرة إن جربته و هو أكيد ناجح 100/100 من فضلكم من جربته تقول أنا في الإنتظار 
والله هذا ويـــــــــن كملتوا,او بالأحرى,مازال مزربع فالطابلة,درتو انا على شكل عرايش بالطابع,وأذا حبيتي اديريه على شكل قلب عادي,ابسطي العجينة وخليها شوي سميكة,حوالي 2سنتم وقطعي (هذا في حال كنتي راح اديريه بالطلية) أذا كنتي راح اتغبريه من الأحسن اديريه مقروطات
شكرا لك بصح جاك مليح
راهم مخوفيني قالولي ما هوش شباب
يجي لاباس بيه,مش المرة الأولى والا الثانية اللي نديرو
باكي مغرين
2فلان
نص كاس سكر قلاصي
فاني
2خماراتمبشور 3 او 4ليمونات
3بيض
ولميه بالفرينة
راني راح نجربوا على رقبتك ههههههههههههه إذا جا بنين راني ندعيلك و شكرا أنا راني على حيرة و قيلا يجي كي بوسولا تمسو
هو بوسو لا تمسو,بشحمه ولحمه !!اذا غبرتيه يكون بوسو لا تمسو,واذا طلتيه يكون مخيز …!!
المخبز تاع صح يكون باللوز.,هذا المخبز تاع الزواولة,كيفي وكيفك.بالفرينة
هههههه ماشي هاكاك و الله والو ربي يكون معانا أختي و مسبقا صح عيدكم
وين راكم زيد شكون لي جرباتو
انا جربته ومعجبنيش عملته على شكل وردة
انا جربتو معجبنيش في الشكل ولكن الذوق لاباس بيه من الاحسن ديريلو القلاصاج من فوق اذا كان الفلان فراولة دير القلاصاج وردي بذوق الفراولة ايجيك شباب وزينيه بورود من عحين اللوز اجيك هايل
انا جربتو مرة ومعجبنيش يعني ماهوش فور فور فهمتيني
لا لا محوش شباب تخسري فيه الصوالح برك انا درته اليوم مخرج شباب ديري شيء اخر