رمضان كريم حبيباتي وكل عام وأنتم جميعا بخير….
طيبت اليوم ملوخية تحضيرا لرمضان وحبيت نشاركم الطريقة . ونمتنى أنها تنال اعجابكم
كمية الملوخية هي نفسها كمية الزيت أنا استعملت 3 فناجين كبار ملوخية + ثلاثة زيت . ونخلطهم مليح وهم باردين .
ولما يمتزجوا مليح نحطهم فوق نار هادئة . وفي هذا الوقت نحضروا ثوم + رند وأعواد الرند + طماطم + جومبو + توابل 6+ فلفل . نخلطهم مليح ونحكوا بيهم اللحم
كمية الملح مرهونة بالجومبو .. أنا ما استعملتش الملح لأني استعملت 3 جومبو . 2 في البداية وواحدة في نص الطياب
لما تخرج الملوخية عيون كأنها فقاقيع نضيفولها اللحم ونخلطوا مليح
ثم نمرقوا بالماء ونخلوها تطيب على نار هادئة جدا . قد تستغرق حوالي 8 ساعات ولما تطلع زيتها على السطح يعني أنها طابت.
وإليكم الصور لمزيد من التوضيح :
هذا الفنجان اللي كيلت بيه
تقبل الله منكم الصيام والقيام
انتظروني في مائدة اليوم الأول
سلااااام
بارك الاه فيك جامي ذقت الملوخية ما نعرف إذا بنينة ولا ما نتجرأش ناكلها
بصحتكم
|
المشاركة الأصلية كتبت بواسطة mary1987
 بارك الاه فيك جامي ذقت الملوخية ما نعرف إذا بنينة ولا ما نتجرأش ناكلها
بصحتكم |
الله يسلمك حنونة
ان شاء الله تجربيها وتعجبك
صح سحورك وربي يتقبل 
ماشاء الله عبيك اختي نتمنى ندوق الملوخية لاني جامي كليتها وما نعرفش نطيبها وسمعت يقولو انها دوا
|
المشاركة الأصلية كتبت بواسطة صبرينة40
ماشاء الله عبيك اختي نتمنى ندوق الملوخية لاني جامي كليتها وما نعرفش نطيبها وسمعت يقولو انها دوا
|
الله يسلمك حبيبتي
فعلا الملوخية مفيدة جداااااا للجسم وخاصة الجهاز الهضمي
وكما شفت الطريقة سهلة ..
جربيها وان شاء الله تنال رضاك
بارك الله فيك ام الفرسان باينة بنين نموت عليها الملوخية
وعجبتني ثاني الحنة ههههههههههههه تهبل
الملوخية…..أمممممم…..ما هيش من تقاليد منطقتي بصح….نحبوها ونطيبوها في دارنا….وجبتها وحببتها لأولادي…..شراوهالي من بسكرة….وما نطيبهاش بالزيت نحلها في الماء…ونحرج القدر عادي باللحم والبصل والتوابل وكي يغلي الماء نردها فيه ….وعندك الحق تطول في طيابها بصح بنينة……..
نجرب طريقتك….بصح كمية الزيت خوفتني…….
وكيما قالت الاخت دائمة الحمد….عجبتني الحنة…..يا ريت تديريلنا دورة….هههههه بصحتك أستاذة…..
انا من تبسة نعرف نطيبها كيما نديروها احنا ربي يبارك فيك قوليلي تعيشي لحنة تعاك تهبل كيفاش خرحيتليك هكدا
الله الله يا أم الفرساان علاش مذوقتينيش اممممم عندك مخالفة هههههههه … روعة انموووت عليها
رانى نستنى فى حقى يجينى رانى نموت عليها و ﻻزم يجيبهالى حمزة خاطر راكى عارفه عمك فى رمضان لو كان نقولو رايحة نجيب الملوخية فى الخفجى راكى عارفة الرد هههه
|
المشاركة الأصلية كتبت بواسطة دائمة الحمد
بارك الله فيك ام الفرسان باينة بنين نموت عليها الملوخية
وعجبتني ثاني الحنة ههههههههههههه تهبل |
الله يسلمك حنونة ويبارك في صحتك
|
المشاركة الأصلية كتبت بواسطة نبض الفؤاد
الملوخية…..أمممممم…..ما هيش من تقاليد منطقتي بصح….نحبوها ونطيبوها في دارنا….وجبتها وحببتها لأولادي…..شراوهالي من بسكرة….وما نطيبهاش بالزيت نحلها في الماء…ونحرج القدر عادي باللحم والبصل والتوابل وكي يغلي الماء نردها فيه ….وعندك الحق تطول في طيابها بصح بنينة……..
نجرب طريقتك….بصح كمية الزيت خوفتني……. وكيما قالت الاخت دائمة الحمد….عجبتني الحنة…..يا ريت تديريلنا دورة….هههههه بصحتك أستاذة….. |
الله يسلمك حبيبتي .. أنا تاني كنت ندير نفس طريقتك لكن ورتلي عمتي هذي الطريقة ربي يبارك فيها وتخرج ألذ ومايخوفكش الزيت مبعد مايبانش طول
والله يخليك ويطول عمرك ويبارك فيك أختي 
|
المشاركة الأصلية كتبت بواسطة ghzala
انا من تبسة نعرف نطيبها كيما نديروها احنا ربي يبارك فيك قوليلي تعيشي لحنة تعاك تهبل كيفاش خرحيتليك هكدا
|
يسلمك حبيبتي
بالنسبة للحنة لازم يكون نوعها مليح امزجيها مليح مع عصير القارص .. أنا نعصر القارص ونزيدولها والقشور نطبخهم في الماء وبعدين لما يبرد الماء نخلط بيه الحنة .
لكن السر مش هنا لأنك بعد ما تنحيها من يديك تكون حمرا .
هنا جيبي لمونياك اللي تتباع في محلات الأعشاب والحلويات زيديلها مربى التمر أو معجنون الأسنان تولي كأنها كريمة
وحطيها على الحنة بلا ما تغسليها
يعني تنحي الحنة وماتغسليهاش ومبعد تحطي عليها كريمة المونياك والمعجون
وتديري يديك ورجليك في ساشيات وتصبري حتى يتحول لونها أسود
وبصحتك
نتمنى أنك فهمتيني
وأي سؤال أنا في الخدمة
|
المشاركة الأصلية كتبت بواسطة lyllia30
الله الله يا أم الفرساان علاش مذوقتينيش اممممم عندك مخالفة هههههههه … روعة انموووت عليها
|
تستاهلي يا عمري وانا عتندي منك زوج…..
|
المشاركة الأصلية كتبت بواسطة أم أمير 30
رانى نستنى فى حقى يجينى رانى نموت عليها و ﻻزم يجيبهالى حمزة خاطر راكى عارفه عمك فى رمضان لو كان نقولو رايحة نجيب الملوخية فى الخفجى راكى عارفة الرد هههه
|
والله سبقتيني بخطوة يا الحبيبة
كنت نقول ليليا
تجي لعندك تستاهلي والله
بصح بعد الفطور ان شاء الله .هههه انا تاني واش يحركوا قبل المغرب 