معظله أم عين حاسد أم اختبار الاهي؟ و ما الحل؟

السلام عليكم
ادا كانت بنت دخلت دار راجلها بكل نيه صافية و على عكس كل العرايس لخرين اللاتي سارعن قبل وصولها الي الفصل عن عجوزتهم للعيش مستقلين في البيت الواحد فادا وصلت تلك العروس الجديدة بكل نيه لتجد أنها الوحيده التي سوف تعيش مع عجوزتها ,,,,,,,,,,,
لكن كانت الصاعقة أن العروس الجديدة كانت جد فرحة أنها سوف تعيش مع عجوزتها و هنا كانت الصدمة للكناين لخرين اللاتي بدأن بالتباهي أمامها لأنهن مستقلات و يتمتعن بالحرية و و و و و
و لكن العروس الجديده لم يكن يهمها اي شيء سوي الاجتهاد في ترضية عجوزتها اللتي أحبتها حبا جما وصل الي تغير اسم العروس الجديدة الي اسم يوحي بالحب الشديد ,,,,,,,,,,,, و هنا بدأ الشيطان يلعب دوره و بدأ يوسوس للكناين السابقات ليوقعن بالعروس الجديده,
لأكن كل محاولتهن باءت بالفشل و هنا قررن أن يبدأن بالتواصل و التمثيل المستمر على عجوزتهن و الامور الى حد الساعه كلها في العادي لاني تمنيت لوكان كنا كامل محبوبات عند عجوزتنا و نكونو يد واحده
و لكن كان تقربهن من أم أزواجهن لسبب أخر ايضا و هو بالعاميه باش يدخلو تحت راسها و يدوروها عليا,,,,, بالاك تقولو ميقدروش بويسك عجوزتي تحبني,,,,,,,,,,,,,,,,,,, أنا تاني كنت نقول هكدا و هادا لي طمني و خلاني نخليهم يديرو واش حبو بويسك ضامنا عجوزتي ,,,,,,,,,,,,,,,,,, مرات نقول هادا الخطأ لي وصلني,,,,,,,,,,,,,,,
بصح هوما قدرو يدورو عجزوتي عليا…………. كيفاش؟؟؟؟ ولاو بفسرولها أي تصرف نديرو بتفسير شيطاني و كل تفسير يزيد الطين بله مع العلم عجوزتي من النوع ماشي فطن و يأمن بلخف و كي يأمن يزدم ديراكت,,,,,,,,,, و يا حسرتاه,
بدات عجوزتي تتبدل معايا في التصرف,,,,, مره معاني,,,,,,,,,, مره تعيط عليا قدامهم,,,,,,,,,,, مره تحشمني,,,,,,,,,, و أنا وليت دايتها غير بكي و ولات حياة راجلي نقمه و أنا ركبني مرض و قالي الطبيب كلو من القلق,
راجلي كان يمعني ليماه برك و بالضحك باش تفهم,,,,,,,,,,,, و مرات يجرب يعاملني باحترام كبير قدامها باش تفهم هي و تحترمني تاني,,,,,,,,,,,,,,,
وصلت يماه لدرجه و لات تحرش راجلي عليا و أنا وليت نحسو يقول كلام ماشي كلامو قاع,,,,,,,,, و كل هادا يصرالي و أنا ماتي فاهمه والو,,,,,,,,,,, بصح ربي كان معايا
أنا من هاد المشاكل و ليت منخرجش من شمبرتي بويسك لوكان نخرج تديرلي يماه جات و أنا نولي نبكي و تغيضني عمري و راجلي يجي يلقا المشاكل,,,,,,,,,,,,,,,,, يعني دايره مغلقة
و هنا ولا التحراش كتر أني غير مبلعه في شمبرتي و كانو العرايس لخرين مغتانمين الفرصه في غيابي و يقربو ليها أكتر
وصلت المشاكل للنهار المشؤوم. مع أنو عجوزتي كانت تضرني بصح كلو بطريقه غير مباشره و لكن هاد المره جات لشمبرتي و بهدلتني,,,,,,,,,,,,,,,,,, علاش؟؟؟؟ و قاتلي كلام جارح بزاف و واحد مور لاخر كأنها حافضاتو, بعني متفاهمين عليه…
طيحت بقيمتي بزااااف,,,,,,,,,,,,,,,
هنا راجلي قرر باش يرياجي بصح هبت الرياح بما لا تشتهي السفن,,,,,,,,,,,,,, في نفس النهار جات أختو و دارت مشكل و ولات تعيط باش تخوفني و هو طردها و هنا ولا كامل المشكل أنو راجلي طرد أختو على جالي و مشكل لي كنت حكيتو كامل متجبدش,,,,,,,,,,,,,,,؟؟؟؟؟؟؟؟؟؟؟؟,,,,,,,,,,,,,,
علابالكم كيما يقولو مصائب قوم عند قوم فوائد,,,,,,,,, هنا كامل الاخوه و الكناين كانو مداورين علي عجوزتي و يبكو معاها و التمثيل,,,,,,,,,, أنا كنت واقفه و مدهوله والله العضيم أني مكناش مدهوله من المشكل ,,,,,,,, و لكن وليت نشوف في كامل الاخوه و نسائهم قناعاتهم تسقط الواحده تلو الاخري,,,,,,,,,,, موقف لا يحسد عليه
و طبعا علابالكم أنا كيفاش كنت نبان………….. ماشي متربيه و عروس جديده على جالها ناض العياط في الدار,,,, الحمد لله
أنا رحت لأني مانيش منافقه و منعرفش نمثل؟؟؟؟؟؟؟؟؟ و منقدرش نروح نعنق عجوزتي و نبكي لاني مغلطتش و هوما غلطو في حقي و معطاونيش فرصه اصلا باه نحكي………… راجلي كي شاف يماه تبكي قتلو روحلها فهمها بشويه و لكن هي ولات تتهرب و تقولو برك تبدلت,,,,,,,,,,,, راجلي ديما يقول علاش النسا يطلقو السم من التحت لتحت و يحسبو الراجل ماهوش فايق و كي يرياجي يولو يبكو,؟؟؟؟؟؟
شاءت أقداري انو المساله تبقى معلقه لحد الساعه يعني لا أنا حكيت و لا هوما سقساو,,,,,,,,,,,,
يماه هودت تعيش التحت عند عروستها لخري طبعا باش تبان مليحه و كامل ولاداها و كناينها مداورين بيها كأنهم مصدقو قلعوني من القائمه,,,,,,,,,, و أنا قعدت و حدي و كنت في حالة دهول برك و قعدت 5 أيام مناكلش لاني حشمت ندير لاكوكوت و يسمعوها يقولو يعني كانت برك حابه عجوزتها تخليها وحدها و كأني فرحت دوكا,,,,,,,,,,, و هوما كامل ملمومين و الضحك و صدقوني صح ماشي فلم……….. مع العلم أنا وحيده هنا,,,,,,, منعرش لا البلاد لا العباد,,,,,,,
يما عيطت لعجوزتي باه تقولها المشكل الحقيقي و لاكن عجوزتي ركزت برك على بنتها لي تطردت……… و لكن و بنات الناس؟؟؟ و الطامه الكبرى كي قالت عجوزتي انو أنا ماشي متربيه و أمي و أنا حرشنا ولدها؟؟؟؟؟؟؟؟؟ تخيلو الموقف
يعني ما بين ليله و نهار كلش راح , كلو من حسد و غيرة النساء
لحد الساعه راني وحدي يعني لوكان نموت ميجيبوليش خبر حتي يجي راجلي على 6
أختو راهي تجي نورمال و تجي حتي لعند بابي و تهدر في غياب زوجي باش تبين بلي راهي تجي يصح السؤال المطروح هل عندي مشكل معاها؟؟؟؟
أكتر حاجه تضرك أنك تنضلم م يشوهولك صورتك و مام با ميخلولكش الفرصه باش تدافع على روحك,,,,,,,,,,,,, الحمد لله
كامل سلافاتي و لا واحده منهم جات حتى سقسات عليا و لا قاتلي واش كاين؟؟؟؟؟؟؟؟؟؟؟ أكيد جبدو رواحهم كامل لانهم وصلو لغايتهم مع العلم كامل كنت مليحه معاهم و واحده الي كانت وراء هاد المشكل وحمتها و وصلت بيا سيقتلها شمبرتها كي كانت حامل و هي دايره رجل على رجل ,,,,,,,,, أحتسبته كله لله
اخوانه و لا واحد منهم حاول يتدخل بالعكس كامل ستشفاو فيه لانه كان هو المحبوب عند أمه و بهاد الفرصه كل واحد يحاول يتقرب منها أكتر كانهم يبرهنو أنهم الاكتر خوفا عليها و حبا لها,,,,,,,,,,,,,,
و الان المشكله راهي داخله الشهر التالت و نحن بهاد الحال,,,,,,,,,,,,,,,,,,,,,
أنا في معضله و الحمد لله
راجلي ماهوش يحكي مع أمو و امو زادت كرهتني أكتر لدرجه مره شافتني سبتني,,,,,,,,,,,,,,
مهما حللت راجلي ياه يروحلها قالي مانيش معدب فيها و لاكن لازم نخليلها الوقت يفطنها بواش دارت,,,,,,,,,,,,لانها مآمناتوش واش كان يحكي لدرجه حلفلها المصحف و لاكن سمعت و آمنت و فضلت ناس وحدوخرين, قالي لوكان تحليها انت تزيدي تركبي التهمه على روحك و تبينيلها بلي انت صح ماشي مليحه و عرفتي غلطتك و جيتي تحلي,,,,,,,,,,,,
أنا ميهمونيش لعباد حتي و ادا مرات تغيضني أنو كل واش درتلهم و خاصه عجوزتي لي كانت تنادي الماسه وصلت بيها تسبني,,,,,,,,,,,,, علاش الناس ولات متخافش ربي؟؟؟؟؟؟؟؟؟ و علاش في دقيقه ينساو كامل واش دارلهم هاد الانسان؟؟
أنا الحمد لله على حاجه هي لي مخليتني نرقد هانيه أني لحد الساعه مازال مسمعتش مني عجوزتي حتي كلمه جارحه,,,,,,حتى كي ضرتني جبدت روحي برك
دوكا علابالكم خدايم السلافات,,,,,,,, الضحك و ووووو لدرجه أنها هاديك الي وحمتها نحتلي البارح ضو كان في جيهتي و دارتو فوق في جيهتها و أنا كنت على الضلمه حتى جا راجلي يعني ضو و حافاوني فيه يعني مكفاهمش كي راني وحدي هنا معندي حد غيرهم,,,,,,,,,,,,,, حسبي الله و نعم الوكيل
أنا يهمني ربي سبحانه,,,,,,,, ادا كانت قد جرت الاقدار ضدي ,,,,,,,,,, و أنا نيتي صافيه من الاول و لاكن كيما يقولو طلاوني بالحموم,,,,,,,,,,,, آسكو يحاسبني ربي؟؟؟؟ و على واش

ربي يكون معك ختي انتي بينة بنت فاميليا وكلي امرك لربي وتحسبي عليهم مكانش قد هدي الكلمة اما الغيرة اديرا اكتر من هاك متتخلعيش

أكتر حاجه تضرك أنك تنضلم م يشوهولك صورتك و مام با ميخلولكش الفرصه باش تدافع على روحك,,,,,,,,,,,,, الحمد لله
هذا صدق الحق رجع باطل واالعكس…..أعانك الله أخية على هذا الستوتات والله لغيرة أ ختي عندها ماتدير… تهلاي في روحك وفي راجلك هو الصح ….وأخطيك من الغاشي الراشي ههههه

rabi ykon m3ak malkit wech n9ol
ldolm ana wlh manhamlo nti rabi 3tak lsbar

ya3ni rabi rah m3ak w zidiii ed3i lrabi dimaaaa matekarhich rir ed3i wlh rir tefroj 3lik w tchofiha tweli hmatek ki ldeba thayel fik

fi rayi dalmok pask j pense babak metwefi!!! yek heka

alor wlh rir rayha tefroj 3lik khatar raki ytima w f blad ghriba w rabi mayerdach bedolm

اقتباس:

المشاركة الأصلية كتبت بواسطة sarra5 rabi ykon m3ak malkit wech n9ol ldolm ana wlh manhamlo nti rabi 3tak lsbar ya3ni rabi rah m3ak w zidiii ed3i lrabi dimaaaa matekarhich rir ed3i wlh rir tefroj 3lik w tchofiha tweli hmatek ki ldeba thayel fik fi rayi dalmok pask j pense babak metwefi!!! Yek heka alor wlh rir rayha tefroj 3lik khatar raki ytima w f blad ghriba w rabi mayerdach bedolm

شكرا اختي ساره
ابي ربي يطولي في عمرو بصح ما حبش يتدخل احتراما لاصرار زوجي لي حاب هو يوقف المشكل و لوكان بتدخل ابي يصغر زوجي
كامل حشمتنا و تربيتنا و في التالي ولينا ماشي متربين
أنا في كامل هاد السفاهة تاع هاد العايله شادني زوجي برك
لوكان ماشي هو ماتشوفهمش كامل

هدي بزااااااااااف و انتي عروسة جديدة

الله غالب هدا كيد النساء…لكن بردي قلبك من جيهتهم وخلاص
المهم راجلك ماعمرش راسه بزاف و ماتخلاش عليك…..ولكن حاولي انك تناقشيه في الموضوع ويكون حوار بيناتكم لازم يسمعلك و يولي يحكي مع ياه مهما كانت لازم رضايتها حتى وتكون غالطة
ولا حاولي تعرضيها لعندك و قولها تسمعلك تخليلك فرصة تحكي معاها

ماتعمريش راسك بزاف………ربي راه يشوف كل شي

اقتباس:

المشاركة الأصلية كتبت بواسطة sali-sali هدي بزااااااااااف و انتي عروسة جديدة الله غالب هدا كيد النساء…لكن بردي قلبك من جيهتهم وخلاص المهم راجلك ماعمرش راسه بزاف و ماتخلاش عليك…..ولكن حاولي انك تناقشيه في الموضوع ويكون حوار بيناتكم لازم يسمعلك و يولي يحكي مع ياه مهما كانت لازم رضايتها حتى وتكون غالطة ولا حاولي تعرضيها لعندك و قولها تسمعلك تخليلك فرصة تحكي معاها ماتعمريش راسك بزاف………ربي راه يشوف كل شي

أسكو تحب أصلا تحكي معايا ادا كانت أخر مره شافاتي سبتني؟؟
كيفاش نروح عندها و مانيش ضامنه واش تقولي؟ تزيد تشوهلي صورتي كتر,
هي من النوع لوكان نحلوها تزيد تامن بلي صح غلطنا و تولي تحقرني اكتر
هم من النوع لي ان لم تستحي ففعل ما شات
ادا كانت امي و ما حشمتش منها؟؟؟؟؟؟؟؟؟؟؟
حسبي الله

اقتباس:

المشاركة الأصلية كتبت بواسطة oprah أسكو تحب أصلا تحكي معايا ادا كانت أخر مره شافاتي سبتني؟؟ كيفاش نروح عندها و مانيش ضامنه واش تقولي؟ تزيد تشوهلي صورتي كتر, هي من النوع لوكان نحلوها تزيد تامن بلي صح غلطنا و تولي تحقرني اكتر هم من النوع لي ان لم تستحي ففعل ما شات ادا كانت امي و ما حشمتش منها؟؟؟؟؟؟؟؟؟؟؟ حسبي الله

روحي ليها انتي و زوجك ….هكدا ادا حشماتك قدامه يعرف الام نتاعها كيفاش تتعامل
و هكدا حتى وادا كان دايرة فكرة انك انت احد اطراف النزاع ينحيها

وادا ماقدرتيش خليها حتى تتحل وحدها

المهم ماتقلقيش روحك

اقتباس:

المشاركة الأصلية كتبت بواسطة sali-sali روحي ليها انتي و زوجك ….هكدا ادا حشماتك قدامه يعرف الام نتاعها كيفاش تتعامل و هكدا حتى وادا كان دايرة فكرة انك انت احد اطراف النزاع ينحيها وادا ماقدرتيش خليها حتى تتحل وحدها المهم ماتقلقيش روحك

المشكل مافي في راجلي كامل
ديجا مو كرهاتو بويسك جا معايا تتخيلي لدرجه مو وصلت بيها أنها ماكانش فارق معاها لوكان نطلق و أنا جديده؟؟ هادي قتلتني علاه التحراش برك يدير كامل هاك؟؟؟؟؟؟؟؟؟
راجلي قالي وقفت معاك ماشي بويسك مرتي بصح تفاهمو كامل عليك و ضلموك

سبحان الله يا أختي متخافيش حتى ولو كان مهدرتوش انت وزوجك مع أمه الأيام رح تفطنها وتخليها تعرف الظالم من المظلوم لأنه العباد اللي دارو بيك و كاين هذا الحقد والشر في قلوبهم يدورو بيها وفي هذاك الوقت تفطن حسبي الله ونعم الوكيل في كل ظالم

يا أختي هذا الشئ لي صرالك راه كاس كلنا نشربو منو .الا من رحم ربك
و انا صرالي كيفك و اكثر . النفاق داير حالة يضحكو في وجهك و من الوراء راكي خايبة و موسخة و متعرفيش طيبي متعرفيش تهدري متعرفيش تحكي
و راكي جايحة انتي تستناي فيهم يجوك وهما كانو يباتو يخطوا باه يديرولك هكذا

المهم منطولش عليك . انا صارلي كيفك ولدرجة قاتلو يماه طلقها منسحقهاش ’هاهاهاهاها.. قالها راجلي : علاه جبناها من الشارع
دالي داري وحدي وانا عروسة 8 اشهر هاهاهاها
وليت نروح ليها ولات تحبني و تعرضني للعشاءو تشريلي اللبسة ….الخ
بصح عاودو دخلوا بيناتنا و خلاوها
و مانيش روح ليها دوك ابدا و متوحشتها بزاف
بصح من المشاكل منيش نروح
يا اختي واش نقولك اذا رضيتها دوك رايحين يعاودولك نفس السيناريو مدورش يتبدلو

السلام عليكم

ربي يكون معاك

الله يحسن عونك

و انا نقرا في موضوعك حكمتني الخلعة

ربي يجيب الخير و يهنيك مع زوجك

و يهدي أهله و يبعد عنكِ آذاهم

السلام عليكم ورحمة الله وبركاته

ربي يكون معاك الاخت

هذه بلاصة النساء كيما يقولو صعيبة

لازمك تصبري وافضل حل تخرجي انت وراجلك اكريو ولا اشريو باش تبعدي على حسهم لان الامور رايحة وتتازم مادامهم ناويين الشر هذا راكم بريسانكم نهار لي تجيبو لولاد توقع الطامة الكبرى ويكبروا المشاكل هذا اذا ما داروش مجازر والعياذ بالله

الناس ما يخافوش ربي وما يعر فوش معنى الظلم ولا دعوة المظلومة حاولي تكوني جبل قدامهم يعني اصبري هوما يديروا الشر وانت ديري الخير حاولي ترجعي راجلك لامه والبقية وكلي ربي عليهم وما تقيميهومش كامل بمعنى احسبيهم ما كانش وما تعمريش رسك

اذا خرجتو من الدار اقعدي شهر ولا شهرين وابداي انت ثاني في عملية الجدب لعجوزتك يعني اطوي الصفحة وانساي واش قالت وديري فيها الخير باش تكسبيها (عرصيات وكادوات قندورة مليحة معها قرعة ريحة وفولار …الخ ) وثاني تكبري بروحك قدام راجلك ويزيد من احترامو ليك

ربي يشفيك الاخت وما تقلقيش روحك
اخرتها موت

ربي يفرج عليك