حضرتها لسلفتي اللي روحت من كندا لانها تحبها واللي عجبتها نعطيها المقادير
نظرا لطلباتكم حبيباتي نحطلكم المقادير وآسفة على التاخير
5صفار بيض تحطيهم في صحن غامق تضربيهم مع كاس اينوكس غير زوج صباع سكر عادي وكاس غير زوج صباع زيت ونصف كاس حليلب ونصف كاس قهوة ثقيلة جدا او نصف كاس ماء ساخن مدوب فيه ثلاث ملاعق ناسكافي تخلطي الكل مليح بالباتور ثم زيدي زوج ملاعق كبار كاكاو وزوج ملاعق كبار مايزينة وكاس ونصف فرينة وزوج خميرة نتاع الحلوى وقرصة ملح خلطي بالملعقة مليح ثم صبي الخليك في مول مدهون بالزبدة ومرشوش بالكاكاو ودخليها لفرن متوسط حتى تطيب
في هدا الوقت طلعي بياض 5بيضات مع قرصة ملح وثلاث معالق كبار سكر عادي او قلاصي و كثري شوية من الفاني يعني ثلاث قطرات وملعقة عصير ليمون وكي تخرجي المسكوتة مباشرة ادهني الوجة ببياض البيض وخلي منه قيس ثلاث ملاعق سقمي الوجه بسكين او سباتولا ورديه للفرن من فوق فقط حتى ياخد المورانق اللون الدهبي خرجي المسكوتة وخليها تبرد مليح
في صحن حطي الثلاث ملاعق مورانق او بياض بيض اللي بقات زيديلها علبة من الفلان اللي يجي بالكرمال اللي علبتو مثل نتاع الكرام ديسار راهو ينباع ب15 دج خلطي الكل بالباتور او فرشيطة حتى يولي كريمة صبيها على الوجه وخليها تزيد ترتاح وقدميها بعد ماتقطعي مقروضات
ملاحضة من الافضل انها تبات ليلة ثم تقدم رح تلقاوها هشة جدا وتتفتت
الكريمة اللي تجي من فوق من اختراعي قلت نغير شوية وراهي ماتجمدش وهداك اللي يزيد المسكوتة بنة على بنة
يلا يا الشاطرات راني ننتظر تطبيقاتكم
يعطيك الصحة
لو سمحت المقادير
تسلم ايديك ممكن المقادير من فضلك
ارجو ان تكتبي لي الروسيت
ازا بتريدي المقادير….تحياتي
ممممم عجبتني اذا ممكن المقادير
روووووووووعة يعطيك الصحة
هايلة الله يبارك ان امكن المقادير
مشكورة
شكرا عجبني لقلاصاج روووووعة
علاه ماحطيتيش الوصفة و الله نكره حياتي كي نشوف حلويات جميلة و تشهي و مولاتها تتقلش هههههههههه و الله خرجتيلي قلبي
المقادير لو سمحت حرام عليك هايلة
تبان شابة في إنتضار المقادير
جميلة شكرا
حلوووووووووووووووووووووة
يا حبيباتي اسمحولي على التاخير راني حطيت المقادير في الصفحة الاولى مع الصور
واي استفسار انا في الخدمة
|
المشاركة الأصلية كتبت بواسطة fati-es
 المقادير لو سمحت حرام عليك هايلة
|
ياحبيبتي راني حطيت المقادير سامحيني تاخرت عليك