اتمن ان تكونوا بخير
اليوم طلب ابني ان اعمل له المسفوف
لبيت لابني طلبه وبالمرة قلت اصور المراحل لاخواتي في المنتدي
هدا الكسكسي الدي يستعمل
نضع فيه قليل من الزيت وشويه ملح ونخلط مليح براحة اليدين
نسقيه بكمية مليحة من الماءمخلط بماء الزهرمثل الصورة
نغطيه ونتركه يتشرب من ربع الي نصف ساعة
نغسل التمر والزبيب وننزع للتمر النوي ونتركه جانبا
في هده الاثناء نعود للكسكسي نجده شرب كل ماءه واصبح ناشف
نضعه في كسكاس يتفور
بعد ما يتفور نصبه في القصعة ونضيف له السمن وهوسخن ونخلط مليح
ثم نضع التمر والزبيب يتفورو
بعد ما يتفورو حتي يطراو مليح نضيفهم للكسكسي
ثم نضيف كمية من السكر ونزيد نخلط مليح لاتضبفي السكر والكسكسي سخون لانه سيدوب ويصبح ماء خلي الكسكسي يكون دافيء
هدا شكله النهائي
وهده طريقتي في تقديمه
وهدا كاس لبن معه لكل وحدة يعجبها المسفوف واتمن ان اعرف ان كان له اسم اخر في مناطق الوطن
تسلم الايدك والله شهتيني باين بلي بنينن
اممممممممممممم سخفتيني ام راضية
جاك هاااااااايل سلمت يداك
ربي يحفظلك وليدك
ربي يسلم يديك
لكن من غير تمر وأحنا نديرو فيه الزبدة ماشي السمن والكاوكاو
بصحتكم وبارك الله فيك على المجهود والإفادة
شكرا أختي ام راضية أول مرة نشوف هذا النوع من الكسكس حنا عندنا المسفوف هو الطعام بالجلبانة
طريقتنا هو نفوروه 2 مرات ثم ندهنوه ونزيدولو الجلبانة و الفول في فصل الربيع أو الزبيب في الأيام العادية مرة أخرى شكرا أختي لعلمتينا نوع جديد من الكسكس
|
المشاركة الأصلية كتبت بواسطة habiba12
 تسلم الايدك والله شهتيني باين بلي بنينن
|
الله يسلمك حبيبتي
ان شاء الله وديتك ما شهيتك
|
المشاركة الأصلية كتبت بواسطة مقدسية
اممممممممممممم سخفتيني ام راضية
جاك هاااااااايل سلمت يداك ربي يحفظلك وليدك |
ربي يحفظك اختي مقدسية ويحفظ ما عندك
لو كان بيدي نجيبهولك لدارك وما تسخفش اختي
|
المشاركة الأصلية كتبت بواسطة amel5
و الله غير سخفتينا اختي ام راضية هههههههه
ربي يسلم يديك |
سامحوني لم يكن قصدي نسخفكم كنت نحسب غير في ابني الاصغر يحبه
ربي يسلمك عزيزتي ويحفظك
|
المشاركة الأصلية كتبت بواسطة اية الرحمن1988
هايل تقريبا نعملو بنفس الطريقة
لكن من غير تمر وأحنا نديرو فيه الزبدة ماشي السمن والكاوكاو |
شكرا حبيبتي علي المرور الطيب
صحيح هو يتعمل بالزبدة او بالسمن هدا اختياري كل واحد واش يحب
لكن عندنا الاساس هو التمر والزبيب اما المكسرات اللي عنده يزين بيهم
|
المشاركة الأصلية كتبت بواسطة الصوامعية
شكرا أختي ام راضية أول مرة نشوف هذا النوع من الكسكس حنا عندنا المسفوف هو الطعام بالجلبانة
طريقتنا هو نفوروه 2 مرات ثم ندهنوه ونزيدولو الجلبانة و الفول في فصل الربيع أو الزبيب في الأيام العادية مرة أخرى شكرا أختي لعلمتينا نوع جديد من الكسكس |
مشكورة جدا اختي الصوامعية علي المرور الطيب
الجزائر كبيرة وشاسعة وكل منطقة وتقاليدها ونحن هنا لنتبادل تقاليدنا ونتعلم من بعضنا
صراحة انا كدلك اول مرة اسمع بالمسفوف بالجلبانة والفول والزبيب هل تعملوه حلو
هناك من يعمله بالرمان لكن انا لم استسغه
وريلنا طريقتكم اختي الصوامعية
اما التفوار نحن كما رايت نرشوه نسقوه مليح ويتفور مرة واحدة لانه رقيق جدا كون نديرولو تفويرة اخري يولي عجين
بارك الله فيك امنا الغالية
مشاء الله يشهي
ربي يخليلك وليدك وبنتك راضية
choukran laki oum radia maa el ilm ani jamais maklitou hna ndirou taam mesfouf jelbana maa el foul wela jalbana wahadha wela zbib ou nfawrou taam 2 khatrat ama kima dertih anti tarika jdida liya machkoura mara okhra rabi yahfadlak radia nchalah ou wlidak yaklou besaha
تسلم اديك أختى نموت عليه انت من الغرب يظهرلي هما يديروه هايل مشكورة