السلام عليكم خياتي دقت مرة صابلي فيه كريمة زبدة دوق شكولا ونيكافي خفيفة كون تاكليها بالمغرف تهبل تهبل قالولي فيها كريمة شانتي يا ريت لعنها كاش معلومة تفديني وربي يجازيكم
زبدة
سكر ناعم
شوية عسل
نيسكافي
+
كريمة شونتيي مطلعة بالحليب
اخدمي الكريمة الأولى ، و طلعي لاشونتيي ، أومبعد أمزجيهم مع بعض بالباتور
تخرجلك احلى كريمة ☺ ان شاء الله
200 غ زبدة يفضّل تكون " ستار " + نصف كاس سكر ناعم ( ملعقتين و نصف أو 3 ) أنتِ و ذوقك ، المهم ديري في بالك بلي لاشونتيي حلوة ، يتسمى باش تعدلي الحلاوة نقصي من كمية السكر + شوية عسل ( إختياري ) يضيف كثافة للكريمة و يعطيها قوام مليح …. خلطي كل شي مع بعض بالباتور حتى تتحصلي على كريمة ، و ممكن تتحكمي بالمقادير ، يعني زيدي السكر ، الزبدة ، العسل ، حتى تتحصلي على الكريمة الي راكي حابتها ، ثم نكهيها باش تحبي
باش تكون ألذ و أخف ، نزيدولها كريمة الشونتيي ، لكن هاذ النوع من الكريمات الي فيها لاشونتيي ، مالازمش اطول … يعني تستهلك في أقرب وقت ممكن ، و ماتتخباش لوقت طويل ، و يستحسن تتخبى في مكان بارد شوية ، على الأقل مايكونش ساخن مثل المطبخ ….
نطلعو لاشونتيي بالحليب ( 100 غ + كأس حليب تع 200 ملل ، يعني متوسط الحجم ) المهم انتِ شوفيها حتى تولي كثيفة و حاكمة روحها …… خليها تبرد شوية ، أومبعد خلطيها مع الكريمة الأولى …
في هاذ الحالة اذا حبيتي ذوق النيسكافي يكون قوي ، استعملي 2 أكياس ، ما يعادل تقريبا 3 ملاعق أكل …..
الكريمة بعد التحضير خليها تبرد شوية أومبعد اخدمي بيها ، أو ممكن تستعمل مباشرة بعد التحضير …
و بصحتكم ☺ ♥
merci c gentil
مممممممممممممممم منعرف
يعطيك الصحة
Yaatik essaha okhti