السلام عليكم
كثرت هده اﻷيام الهدرة على مية فرنك تاع بكري التي تحمل صورة تراكتور
و كل واحد واش يقول
واحد يقولك راهي تسوى خمسة ملابن
واحد يقول فيها واحد المادة غالية بزااااف
ما مدى مصداقية هاد الكلام اللي يداولو فيه الصغار و الكبار
كل مرة واش نسمعو
القرميد الزجاجي القديم
نوكيا 1100
واليوم الدينار
مازال ما سمعتش بيها؟؟؟؟؟؟؟؟؟!!!!!!!
واش هو القرميد الزجاجي زيدولنا شوية ثقافة
لا أظن أن لها أهمية كبيرة … عندي مدّة لم أرها، أظن أن بنك الجزائر يقوم بسحب هذه العملة من السوق
هذا هو البؤس بعينه
كل مرة كذبة جديدة لالهاء الشعب
اخرها ان الرقم 6 للسيارات مصنوع من الفضة
مثل ما قال القرميد وزالزجاج
……………..
هههههههه حتى انا ولدي هبلني الايام هاذي لاني عندي رزمة تاع المياوات خبيتهم لاني نلم العملات
وقالي قالولي يخدمو بيهم الر صاص
وتاني جارتي قاتلي قالها راجلها يبيعوالناس في المهراس فيه الزئبق من القعر تاعو وتاني يبيعو نوكيا 1100 وتاني الفريجيدارات القدم خلاص
بصح لا اعرف ان كان حقيقة او لا لاني لا اعرف احد شخصيا قام ببيع شيء
وانا شخصيا اذا ملكت اي حاجة لن ابيعها لصنع الرصاص او الزئبق
صح يقولو بلي هاتف نوكيا 1100 يهرو بيه لوكان يلقاوه يشريوه حتى بعشر ملايين
السبب لان الرادارات الامريكية لا تقدر اكتشاف المواد المهربة عبره
كل هذه اشاعات لا اساس لها من الصحة
غريبيييييب جدا انتشار مثل هذه التفاهات بهذه السرعة الفائقة في 48ولاية!!!!!!!!!!!!
مازال مسمعناش بيها
شعب مهبول على الدراهم؟؟؟؟؟
راني سمعت بهذه الخرافات , قالها لي ولدي يدرس في الثانوي , ماما عندك مهراس قلت لو ههههههههههههههههههه
المهراس راح بكري في عهد جدة و جدي , رانا في عهد الروبوات ,يا أمي قل لي ما رانيش نتمسخر و الله يبيعو فيهم
ب 50مليون ,صدقي و لا ماتصدقي , قلتلو ندبر عليك يا بني روح تقرا باش تدي الباك و كذلك سمعت بالميا تفرنك
في الخدمة ههههههههههههههههههههههههههه و الله شعب يضحك مسكين من كثرة الفقر و الميزيرية يصدق كل شيئ.
انا اشك انها فيها امور للسحر والعجيب في الامر ان هناك اشخاص اصدقائي باعو المئة فرنك ب20 الف عقلي لم يتقبلها لان الدولة هي من صنعت هده النقود وكون جاءت صح كاينة منها اام ربحوا لي خدموهم ولم يصلوا الينا ابدا
وزيد لقيت شئ اخر وهو المهراس لي فيه نجمة ب50 و40 مليون والناس كامل ام يحوسوا على مهارس امهاتهم وجداتهم يقلك كي تحط الهاتف بقربه الريزو يروح وكون توجهو نحو المصباح يتفلق ولله عجب العجاب عيش تسمع وعيش تشوف