السلام عليكم ورحمة الله وبركاته
عندي طفل يبلغ من العمر 3 سنوات و 3 شهور، يعاني من تأخر في الكلام (فقط يستطيع قول ماما و بابا و دادا و نانا) ويجد صعوبة شديدة في نطق بعض الكلمات، علماً بأن سمعه سليم 100%، ولا يعاني من مشاكل توحد، أو تخلف عقلي، ولا يشتكي من أي مشاكل عضوية.
عرضته على أخصائي سمع ونطق، فنصحني بإدخاله للروضة حتى يختلط مع الأطفال، وأعطاني برنامجا أقوم به لتنشيط الحصيلة اللغوية لديه، كتعليمه أسماء الأشياء المحيطة به، والألوان، والأحجام، والأرقام، مع الإكثار من قراءة القصص له.
فهل ما نصحني به الطبيب له جدوى في تحسن حالته وبماذا تنصحونني؟
مع العلم انه لي طفل عمره 6 سنوات و يتكلم جيدا
بارك الله فيكم.
عادي لاتخافي أنا كمان عندي نفس المشكل إبني عندو الآن 4 سنوات تحسن شوي الآن أصبح يعمل جمل متقطعة لكن مفهومة في الأول كنت إلآ أنا إلي نفهمو لكن الآن الحمد للله
و أنا لا أنصحك بالروضة إلا إذا كنت تعرفين طريقتهم في التعامل مع الآطفال لأنو تخافي إذا يعقدوهولك
أنا وليدي مادخلتو والو كيكان عندو3 سنوات هاذا وين دخلتو لمدرسة قرآنية2 سوايع فليوم
العلاج هو الصبر و الوقت وراح تلاحظي أنو كاين حروف كانت تجيه صعبة للنطق و بالوقت و لا ينطقها و للعلم أنا وليدي كنت نقريه شوية ماشي قراية تع المدرسة لاكن كنت نوريلو الحيوانات و نقلو أسمائها بالعربية الفصحى و الفرنسية و لاحظة أنو الفرنسية كانة تجيه ساهلة
ونصيحة الطبيبة في محلها
عادى اختى ننصحك بالروضة او المسجد
ta3 bekri y9olo jibilo 7, lsanat ta3 lakhrouf bah yweli yahdar
ya3ni 9rib l3id ta9adri tjarbi balak kayna menha
اختي انا ابني عمره اربع سنوات ونفس المشكلة دخلتو العام لي فات للروضة زادت عليه يتكلمو معاه بالفرنسية تخلطت عليه لكن هذا العام دخلتو للمدرسة القرانية الحمد الله لا أنصحك بالروضة انتظري العام الجاي ودخيله للمسجد
ماتتقلقيش اخختى بزاف لولاد مايتكلموش بكري عكس لبنات يهدرو قبل.
السلام عليكم ، لقد عانيت أنا كذلك من هذا المشكل و لكن تخطيته بفضل إحتكاكي المتواصل مع ابني
و ذلك من خلال سرد قصص ، الحوار المتكرر ، إفهامه بواسطة الصور ، اللعب معه و بألعابه ، أرجو أن تستفيد من تجربتي .
جربي تاع 7 لسان تاع الخروف انا شخصيا مجربتها
لازم عليك كأم تتكلمي مع طفلك كثيرا و تحاولي تنطقيه
مثلا تشريلو لعب و تقوليلو واش هاذي
و مثلا تشريلو بطاقات فيها صور حيوانات او فواكه أو اشياء و تقوليلو واش هاذي و لما يقولك تصفقيلو بحرارة و تحضنيه و تفرحي قدامو و مرات تعطيلو جائزة راح وحدو يتشجع و يجيبلك البطاقات و يقولك هاذي و هاذي
و ربي يعينك اختي و انشاء الله يتحسن نطقو
و نصيحة اختي ما تديش ولدك للروضة راح يتعلم القباحة و السبان بدل ما يتعلم ينطق
اختي انا نقولك ولد اختي عمره 6 سنوات كان عندو نفس المشكل العام هدا بدا يتكلم داتو للاخصائيين قالولها خليه ما عندو حتى مشكل مع الوقت يتكلم و بالفعل العام هدا يتكلم لاباس بيه لكن انا ننصحك حطيه يقرا في مسجد خير