السلام عليكم جميعا
لا يوجد انسان لم يتعرض إلى موقف محرج صادفه في حياته.فهلا رويت لنا ماحدث لك وكيف واجهته وهل مازال أثره سار إلى حد الان.تحياتي الخالصة اليكم جميعا أخوكم حكيم
في احد المرات اتت صديقتي لزيارتي فقلت لاختي قولي بانني غير موجودة فجأة يدخل ابي فيسالها من تريدين فبرايك ماذا يقول لها.. انها في البيت فناداني ولانني اخاف ابي فخرجت لها هذا الموقف لن انساه ….زعفت مولاتش تحكي معايا
سنة ثانية ثانوي انا قاعدة في رحمة ربي حتى تكسر بيا الكرسي هههههههههههه
غير كيما نلقى روحي مرمية في الارض ما فهمت وااااااااالووووو
و الكل يضحك عليا بالاستاذ بالتلاميذ ههههه
صراولي عدة كمواقف محرجه
نحكيلكم مرة في الجامعة خدمت مليح في امتحان الاخير لمقياس الرياضيات خارجة فرحانة خطراش خدمت و نتناقش انا و زميلاتي و هوما حازنين خطراش ما خدموش و جينا حابطين الدروج
بفففففففففففففففففففففففف
نلقا روحي طايحة في لرض جبتها من الدرجة الاولى للدرجة الاخيرة
و الغاشي ميت بالضحك عليا وجهي ولا احمر
نضت و نفضت ملابسي وواصلت مشواري
كي روحت للدار نحكيلهم و نضحك علا البخصة لي ديتها في الجامعة
ضربوني بعين صحيحة ههههه
أشكركم جمييييييغا
أكثر موقف محرج صادفته في حياتي هو أنني لم اتحصل على علامة جيدة في مادة الفلسفة و الاستاذ غضب منّي كثيرا ……لأنني كنت من الأوائل…..ذالك الأمر أحرجني كثيرا و أصبحت اخجل من ذالك الاستاذ……لكن بعدها أخبرني الاستاذ انه لم يغضب و انما أراد مني فقط ان أتفوق………..ههه
بارك الله فيكم
السلام عليكم ورجمة الله
صح تصرا مواقف لي تخليك تتمنى لاارض تنشق وتبلعك وانا مواقفي كثير لاكن لا اتدكرهم
كي كنت نقرا في الليسي ماما كانت ضد الطفلة لي تقرا وتلبس الطالون ايا درت وركبت راصي وشريت صندالة حاشاكة فيها دومي طالون وكاري بالزيادة رحت نزوخ بيه وفي حصة الفيزياء كنا نديرو في تجربة التصبن نسمع في واحد قاعد جنابي قالي شوفي صباطك طار لقيت الطالون راح جيهت المصطبة وياك هاديك التبهديلة سمرهولي الاستاد ههههههههههههههههه من تم جامي لبست الطالون في القراية ولا الخدمة غير فلعراس هههههههه
السلام عليكم و رحمة الله وبركاته
المواقف المحرجة التي مررت بها كثيرة ولا تحصى بعضها عندما اتذكرها اضحك و بعضها الاخر ….
اكثر المواقف احراجا لي هو يوم خطبتي اين قامت اخوة عريس الغفلة بتملقي بازدراء وكاني سلعة كاسدة ""راح يدرح فيها خوهم "والله تمنيت اثناءها لو ان الارض تبتلعني على ان اواجه موقفا مثل ذاك , فانا التي كرامتي راس مالي ، المهم انتهت القصة وذهب كل لسبيله وجرحت كرامتي واحرجت جدا امام عائلتي .
في السنة الثانية جامعي كان عندنا بحث وكانت أيام العيد من بعده مباشرة نكونوا حنا اللي نلقوا البحث……المشكل أننا ما درناش البحث نسيناه كامل.
المهم قال صاحبي نعرف واحد يخدمه بالأنترنات وهذا سنة 2024 المهم قال جيبوا الدراهم وساي ……كانت الأنترنات عزيزة بزاف .
المهم جاب البحث ….قريناه ف الليل و الصباح بديت أنا نلقي فيه …..تخيل أنه كان خارج الموضوع بكل ماتعنيه هذه الكلمة …المهم تكلمت أحد الطالبات و قالت كلام ماشي مليح وكبرت الحالة…المهم كان أسوء بحث.
في السنة الرابعة رجع الأستاذ يقرينا ….وديت بحث أنا واحد آخر ……و الله صدقني كان أحسن بحث و أعلى نقطة…….لكن مازالني نشوف ذاك الموقف و كي نشوف السيد اللي دارلنا هاك أي صاحبي نتقلق ……..تحياتي