ماسبب المرارة تاع البصل في المحجوبة 2024.

اخواتي من عادتي نعمل ديما المحجوبة وتجيني مثل ما نحب لكن مؤخرا عملتها كم من مرة لما نقطع لبصل ونحب نخدم لحشو تجيني فيه طعمة المرارة في اخر الذوق يعني اريارقو مر من البصل ومن بعدها رجعت خدمتو بالروبو نفس الطعم وهكذا ماعرفتش واش من سبة تخلي البصل يطلق المرارة تاعو
الي تعرف السبب تقولي والله راني نتعب مع المحجوبة وفي الاخير تجيني فيها المرارة من البصل وراني متاكدة ماشي من حاجة اخرى لاتوابل ولا شيء اخر

شوفي حنونتي أم ظافر
ممكن تكون من نوع البصل اللي شريتيه مش مليح
أنا شخصيا تجيني مرارة فالمرقة الحمرا ولقيت السبة الماء مالح و كي بدلت الما تطيب حلووووووووة
إن شاء الله يفيدوك البقية

اقتباس:

المشاركة الأصلية كتبت بواسطة ام ظافر اخواتي من عادتي نعمل ديما المحجوبة وتجيني مثل ما نحب لكن مؤخرا عملتها كم من مرة لما نقطع لبصل ونحب نخدم لحشو تجيني فيه طعمة المرارة في اخر الذوق يعني اريارقو مر من البصل ومن بعدها رجعت خدمتو بالروبو نفس الطعم وهكذا ماعرفتش واش من سبة تخلي البصل يطلق المرارة تاعو الي تعرف السبب تقولي والله راني نتعب مع المحجوبة وفي الاخير تجيني فيها المرارة من البصل وراني متاكدة ماشي من حاجة اخرى لاتوابل ولا شيء اخر

shofi okhti ana kif sratli w kanat saba bsal ta3 lhab lhamra koun l basla bida mliha hlowa wala basla twila kif yjiw mhajab ta3ha haylin
w rabi y33inak mara okhra nchallah

اختي انا استعملت اوراق البصلة الخضراء هما يعطيو الذوق المر

جربي كي قطعي الحبة على زوج وديريها في ماء بارد مدة ربع ساعة و لا قدرتي كتر وكي تطيبي ضيفي ملعقة طماطم مركزة وهكدا تروح لمرورة و جي حلوة او نعرف بلي كي نزيدو الزرودية تتنحى مرارة البصل بصح في الجواز و لا كي تكوني تقلي ارمي حابة زرودية و في الاخير نحيها

اه كي تطيبيهم ابعتلنا هههههه

حرارة عالية يجعل البصل مريرة.

عندما القلي البصل ، ودائما استخدام الحرارة المنخفضة أو المتوسطة

السلام عليكم اختي ام ظافر انا تاني راني مع مشكل الدوق المر في المحاجب منعرفش علاه خاصة وانو خطيبي يحب المحاجب لازم نلقاو الكود يا ام ظاافر توحشتك بزااااااااااااااااااف ونحبك من قلبي يا اختنا الكبيرة وتوحشت الغرفة السرية

ممكن فعلا من البصل الاحمر الي يتباع هذو الايام ويكون حار اما البصلة الخضراء تاع الورق لم استعملها في المحاجب واذا على النار من عادتي نقلي البصل على نار هادية دائما
والاخت نصيرة ربي يرزقك ما تتمناي اذا على المحاجب ارواحي نعملك اخرين وان شاء الله يكونو مافيهمش المرارة
اختي فرح ربي يسعدك كيما اسعدني ردك كثيرا

oui, c’est vrai , l’onion vert des foie il a un mauvai gout, et cela est du à la qualité de l’onion, la faute n’est pas dans la cuisson mais de la terre, ,ya des région ou les agriculteur récolte un onion amer,,,,,,,, il faut juste savoir choisir quoi achter

الله يخليك حبيبتي

اختى انا صراتلى مره و السبب عرفت انو من الجهة الخضراء تاع البصلة استعملى غير الجهةالبيضاء تاع البصل

اخواتي انا لم استعمل ابدا البصل تاع الحشيش كيما نقولولها الي تتباع ربطات وانما نستعمل بصل الحب الكبارالي تتباع بالميزان ولكن لونها فعلا موف واحمر

نوع البصل اكيد اختى ام ظافر صراتلنا خطرة عند بيت شيخى

البصل لا يقلللللللللللللللللللللللللللللللللللللللى في زيت ساخن_البصل نحطوه في زيت بارد ونبدا القلي