السلام عليكم زوار صفحتي ان شاء الله تكونوا ملاح 
كيما علابالكم البارح كان بارد الحال وماما كانت مريضة 
قاتلي جدة ديريلها "الحسوة" ممكن تكونوا تعرفوها بطريقة اخرى او اسم آخر
ولكن بلاما نطول عليكم هادي هي طريقتنا في تحضير هذا الطبق الشتوي الحار والاقتصادي خاصة عند وجود مريض او كبير في السن ميقدرش ياكل الحوايج الخفاف والناشفين ههه كيما حنا 
ويحب ياكل برك المرورق هههههههه 
باسم الله
اولا المقادير:
مقادير العجين
1- كيلو دقيق اللي نديرو بيه الكسرة
2-ملح حسب الحاجة
3- ماء دافي للعجين
مقادير المرق
1- حبة بصل
2- سنينات ثوم
3- حبة طماطم حنا ماما متقدرش تاكل الطماطم المصبرة مدرناهاش إذا حبيتي تديري ديري
4- فول أخضر
5-فلفل اخضر
6- حبة بطاطا حنا مدرناهاش
طريقة التحضير
العجين: نضع في قصعة السميد والملح
ونعجن بالماء حتى الحصول على عجين مثل عجينة الكسرة لكن تكون يابسة عليها ماشي طرية بزاف
حنا استعملنا حوالي كأس ماء
وكل ما كانت يابسة احسن وتعجنيها ملييييييييييييح بين اليدين
من بعد شكليها قرص صغار كيما الكسرة واداهنيهم بالزيت العادية من كل الجهات
حنا دهنا القرصة الاولى وحطينا فوقها الثانية وزدنا دهناها بالزيت تاني
خليها تريح شويا
بيد ما تحضري المرق
قطعي البصل قطع صغيرة جدا وكذلك الثوم قليهم في زيت وملح
قطعي الطماطم مربعات صغيرة جدا والفلفل الاخضر دوائر رقيقة وضفيهم إلى الطنجرة
غطيهم وخليهم يتقلاو مليح من جهة اخرى حطي في كسرونة الماء و2 قطع جمبو دجاج أو خروف كيما حبيتي واذا مزدتيش مش مشكل حنا درنا تاع الجاج ههههه وخليهم يغليو حوالي 10 دقائق
في هذه الأثناء قطعي الفول قطع صغيرة كما يلي:
من بعد ما يغلي مرق الدجاج وتتقلى المكونات السابقة ضفي المرق للطنجرة وخليه يغلي جيدا وذوقي الملح
ضفي الفول
ضفي الكسبر والثوم مرحيين حنا نشروهم مرحين غبرة هاهي:
ضفي تاني ملعقة أو إذا كنت تحبي الحار زيدي شوية فلفل احمر حار واللي عندها مشكل مع الحار تدير فلفل عكري
وخليه يطيب مليح
والآن عودة إلى العجين هههههه ياخي منسيتوهاش؟؟؟؟؟؟؟
نجيبو شويا دقيق عادي ونرشو بيه القرصة الاولى
ثم نبدأ نحللها بالحلال
من بعد نزيد نرشها بالسميد ونطبقها على زوج
ونحللها باش ما تلسقش في بعضاها
من بعد نحاول نفتحها غير بالعقل باش منقطعوهاش
من بعد نرش بالسميد ونعاود نطبقها على زوج ونزيد نرش السميد ونطبقها على اربعة ونحللها بالحلال متنسايش ترشي السميد في كل مرة أوكي مهم جدا باش متلسقش في بعضاها
من بعد زيدي حللي الجوانب مليح لازم تكون رقيقة جدا كل ما كانت رقيقة تجي احسن 
ثم ابداي تلفي فيها من الجوانب إلى الوسط هكذا
ثم الجهة الاخرى هكذا
فتتحصلين على هذا الشكل
والان نقطعوه في الوسط هكذا
هاهي من الداخل لاحظي ماهيش لاسقة في بعضاها
ثم نقطعها إلى قسمين في الوسط هكذا:
ونتحصل على هذه القطع نستفوها في قصعة ونزيدو القرصة الثانية مثل الأولى
وكآخر مرحلة نقطعها بسكين حاد ونحاول ان تكون القطع رقيقة جدا هنا اذا رايحة تستعملي المشينة تولي ماهيش حسوة زمان ههههه لكن يمكن ان تستعمليها لاكن لا تلفي العجين طبعا كما فعلنا ديريها كيما الرشتة
وهذي صورة اقرب لعملية التقطيع
هاهو سمكها شوفي رقيقة حوالي 2 ملم فقط
هنا بعد ما كمانا كلتا القرصتين هههههههه هاهي الحسوة
نجوزوها في السيار اللي شباك تاعو واسع الثقوب باش نتخلصو من الدقيق الزائد
لاحضي ماكانش الدقيق الزائد
ثم نضيفها إلى المرق اللي يكون يغلي ولازم تكون فوق الطابونة ماشي الكوزينيار لانو لازم تكون نار قوية جدا باش متلسقش في القاع
نضيفها دفعة واحة وليس على اقساط
ونحركها فقط لتتغطى بالمرق "نحركها بحذر كي لا تتكسر"
هاهي مغطاة بالمرق
ثم نخفض النار وننتضرها حتى تعمل هذه الفقاعات:
هنا معناتها طابت وراهي واجدة نخليها تربد قيلا ثم نفرغها في صحن التقديم حنا درناها في قصعة صغيرة لانها تقليدية اكثر زعمة ههههههه
وهاهي واجدة عن قرب
وهادي الملعقة لكل وحدة متحبش هاد المواكل هههه واش رايحة ترجعيها في وجهي هيا كواي راي متأكدة باللي تولي تحبيها هههههههه اما اللي يحبوها طبعا نهديلهم القصعة كاااااااملة
في امان الله نتمنى تعذروني على الاطالة لكنني لست بارعة جدا في الشرح مالا درت بزاف الصور
باي
والله نتي نضيفوك لحراير زمان يعطيك الف عافية هي قريبة لوصفة المقطعة في ناحيتنا اما انا مستحيل انديرها بصح الماكلة ما نقولش لالا خلاص خاصة في هذه الايام الباردة .شكرا على المجهود في العمل و في التصوير .ما حقكمش ما تردوش عليها واش تحبوا غيرles gratins ؟
mmm ya3tik essah ghaliati raw3a
اييه يعطيك الصحة
انا مانعرفهاش هاذ لماكلة
بالصح هاني عدت نعرفها هههه مشكورة على الشرح المفصل
|
المشاركة الأصلية كتبت بواسطة ام البنتين
 والله نتي نضيفوك لحراير زمان يعطيك الف عافية هي قريبة لوصفة المقطعة في ناحيتنا اما انا مستحيل انديرها بصح الماكلة ما نقولش لالا خلاص خاصة في هذه الايام الباردة .شكرا على المجهود في العمل و في التصوير .ما حقكمش ما تردوش عليها واش تحبوا غيرles gratins ؟
|
ربي يحفضك ويعطيك ما تتمناي
|
المشاركة الأصلية كتبت بواسطة oumraja
mmm ya3tik essah ghaliati raw3a
|
بصحتك واقبلي هادي المغرفة من يدي هههههههههههه
يعطيك الصحة وبصحتكم حنا نقولولها قطع وارمي
يعطيك الصحة هايلة هذي نموت عليها احنا نقلولها مقطعة شكرا
|
المشاركة الأصلية كتبت بواسطة ريم الفلى
ربي يحفضك ويعطيك ما تتمناي
|
انا نحب اكلاتنا التقليدية …..وما هيةش مجاملة مني لما انقولك راكي فور يعطيك الص
السلام عليكم ورحمة الله وبركاته والله أول مرة نشوفها ونسمع بها مع أني من محبي الاكل التراثي سلمت اناملك
بارك الله فيك..ريم الفلا ..والله غير درك طفيت عليها درتها للعشاء لانني عشيت مزكومة شويه ..بصح احنا نسموها لمقطعة ونعملوها بالفرينة ماشي السميد .صحيتي اختي ..
معنديش يومين ملي كليتها عند ماما بصح احنا نديروا الفول اليابس والدبشة تزيد فيها النص والعدس
شكرا يعطيك الصحة
حنا نسميوها المقطعة
machallah ya3tik asaha w bchfa l mamak hanouna