من ينطبق عليه مثال من أمثلتنا الشعبية يقولنا و يشرحلنا بدون خجل …. و راح نبدا بنفسي المثل الذي ينطبق عليا هو البس قدك ايواتيك …. أو كما نقول ما عنديش مايلزمنيش
و انتوما اشكون الي يخرج عليكم؟
الضيف ما يتشرط أو مول الدار ما يفرط
الزين اسلالة من العمة للخالة
الي اصله دفلة عمرو ما يحلا و الي اصله تفاح عمرو ما يتلاح
البس قدك إيواتيك
السر إلى فات زوج افضيحة خذ هذي مني نصيحة
حابس يابس على قلبك كابس
كول التبن،و ادهنْ فمك بالسمن ،وإلبسْ الفَنْ
قهوة العشية خير من نعجة مشوية
اتمسكن حتى تتمكن أومن بعد فرعن
ما ينطق اسفيه غير بلي فيه
الي تعرف جده ما تخاف منه
فاطيمة بنت الدرب باعت الدربوكة واشرات كلب
قالت البنت لي أمها مزين النقا يا أمي لوكان يبقى قالت لها داوميه بابنت الحمقة ويبقى
اللي ابغى يكبر شانه يحرث مع قراينه
ما هي بشطيح ما هي برديح ،هي بالسعد لمليح
نية لعمى في أعصاته
دارت السحر وارجع عليها ابغاتو يبغيها أهرب و خلاها
خروج الليالي انعايم وخروج الصمايم انقايم
الي ما قدرت تكون نجمة في السما اتكون شمعة فيدارها
أنت سيدي و بن سيدي أرا الي في يدك واحراماعليك الي في يدي
الزين زينة أو العقل نشريه لك
جاري يا المرايا إلى ما شفت وجهي اتشوف اقفايا
الله يجعل مالنا في جيبنا ماشي في قلبنا
خبي زينك إلى يتشاف و خبي عيبك إلى يتعاف
امَّالين الميت صبرو و العزايا كفرو
الراحة من بعد التعب راحة او الراحة من بعدالراحة اجياحة
عندي مثل نحبو ياااسر ههههه
منعرف وعلاه وهو : ….
لا دير لامان في رجال لأنهم كي ماء في غربال
واممم عندي واحد تاني
لا تغطي الشمس بالغربال
ادا راك خراز تبع النفذ
الليلة الظلمة تبان من مغربها
إدا صاحبك عسل ما تلحسوش بكل ههه
عندي مثل يقتل
ينقال عدنا في واد سوف وهو :
السوفي يوزن القط من ذيلو هههههههه يعني عينو ميزانو ههههههه روووعة
الميت يكذب الغطاس
هههه بعض من هادي امثلة نعرفها وبعض نسقسي في ماما
الحديث عليا ومعنى على جارتي …….
زييييييدوووو
تعبت
|
المشاركة الأصلية كتبت بواسطة racha souf
 عندي مثل نحبو ياااسر ههههه
منعرف وعلاه وهو : …. لا دير لامان في رجال لأنهم كي ماء في غربال واممم عندي واحد تاني لا تغطي الشمس بالغربال ادا راك خراز تبع النفذ الليلة الظلمة تبان من مغربها إدا صاحبك عسل ما تلحسوش بكل ههه عندي مثل يقتل الميت يكذب الغطاس هههه بعض من هادي امثلة نعرفها وبعض نسقسي في ماما الحديث عليا ومعنى على جارتي ……. زييييييدوووو |
السلام عليكم
واش يا رشا جايا تتحدايني ولا تبيني في شطارتك يا السوفية ….. ههههههههه هذا وين فهمتك جايا تطبقي فيا المثل تاعكم السوفي يوزن القط من ذيلو ….. و الذي لم تفسريه جيدا فأنا بنت أولاد حميد السوافة القح راح نشرحهولك
هذا واحد مزابي فتح محل بين محلين لسوفيين فأرواد السوفيان أن يبينو له شطارتهم و يتحديانه حتى لا يجرؤ على منافستهم فأخذ أحد التاجرين السوفيين قط و مسكه من ذيله و قال يوزن 1300غ فاخذه السوفي الثاني و قال بل يزن 1250غ و أخونا لمزابي يسمع فأخذ أشيائه و رحل قائلا ماعنديش رزق بين السوافة الي يوزنو القط من ذيلو
عرفتي قصة المثل يا السوفية المزيفة …….. هههههههه راني ماغير نمزح معاك
وباه تثبتي سوفيتك صح عاوديلي لحكاية بالسوفية
نحنا نقولو قلب البرمة على فمها تطلع الطفلة لامها
الي ميشبعش من القصعة ميشبعش من لحيسها
الي لقا دار خير من دارو يدعي على دارو بالخلا
العرق جباد
يتمسكن حتى يتمكن
شكرا لكم الف شكر
اختي اريج هذا ممكن ينطبق عليا عجبني بصح ما نعرفش نشرحه خليتلك المهمة تشرحيه
وبما انك تحبي الامثال شوفي هاذ الروابط معاك
https://www.djelfa.info/vb/showthread.php?t=988104
https://www.djelfa.info/vb/showthread.php?t=982277
https://www.djelfa.info/vb/showthread.php?t=976295
https://www.djelfa.info/vb/showthread.php?t=977065