كيك ممزوج بالشكولاطة ياسر بنيين

تحية طيبة إلى أصحاب الكلمات السامية والعقول النيرة والأنامل الذهبية إليكن مبدعات منتديات الجلفة أحلى مساء اليوم أقدم لكم كيكة بالشكولاطة مجربة ولذيذة نبدأ على بركة الله بالمقادير

المــــــــــــقاديــــــــــــــر

04 بيض
كاس سكر عادي
طابلة شكولاطة من النوعية الجيدة
(Ambassadeur)
60غ زبدة
كاس ونصف فرينة
1 باكي خميرة القاطو
1 فاني اختياري

طريقــــــــــــــــــــــة التحــــــــــــــــضير

نفصل الصفار عن البياض، نخلط بالباطور الصفار مع كاس سكر عادي مليح حتي يولي كرام، بعدها تذوبي طابلة تاع الشكولاطة زائد 60غ زبدة في حمام مائي ونضيفه (ملاحظة نخلي الخليط يبرد مانضيفوش او هو سخون) إلى خليط الصفار والسكر زائد الكأس والنصف تاع الفرينة أكيد مخلط معاهم الباكي تاع الخميرة
ومن جهة أخرى نطلع بياض البيض مع قرصة من الملح ونضيفو للخليط الأول بشوية ونخلط من تحت إلى فوق بعدها ندهن المول بالزبدة ونرشو بالفرينة وندخلها للفرن على نار متوسطة 180°
التزيين كيما حبيتو أنا نخلط كمية من الشكولاطة تاع الميزان ونصف علبة من الشكولاطة الجيدة مثل اومباسادور ونزاود شوية الحليب باش نتحصل على صوص ونشربها وتقدري تزينيها ب دانات شكولاطة وشهية طيبة للجميع
اليكم الصور