مرحبا حبيباتي
جبتلكم وصفة نتاع كيكة القارص تهبل وهشوشة ومنعشة
والي يميزها امها مسقية وطرية
نتمنى تجربوها والله ماتندموا
احضرت لكم الطريقة دون صور الا الصور النهائية وكي نعاودها نحط الخطوات
3 بيضات
كاس سكر
كاس غير ربع زيت
كاس غير ربع حليب
ملعقتين عصير ليمونة
كمية مليحة مبشور الليمون
وحدة ونصف خميرة كيميائية
2 كؤوس فرينة مغربلة
عصير حبة ونصف ليمون
كمية من سكر قلاصي
الطريقة
نسخن الفور على درجة 160 وكل وحدة والفور نتاعها
نطلع البيض مع السكر ومبشور الليمون
نضيف الزيت ثم الحليب والعصير
نضيف الفرينو مغربلة مع الخميرة لى دفعات ونحرك بهدوء
نتحصل على خليط متجانس
ندهن الصينية ونحطها تنضج حوالي 40 الى 45 دقيقة حتان تحمار
ننزعها من الصينية
وفي الوقت الي طيب فيه نحضر العصير الي نسقيها بيه
نعصر الليمونة ونصف ونضيفلها سكر قلاصي حسب الرغبة
انا نحبها حامضة خاطر نموت على القارص
انت اضيفي السكر وحركي مليح وذوقي كي توصلي للبنة الي حابتها حبسي
بعدما بردت الكيكة قليلا ماشي بزاف احكمي الفرشاة واسقيها ملييييح
ورشي فوقها كمية وفيرة من نوادكوكو
وخلاااااص نتمنى نكون وفيت في الشرح جربوها
راهي خفيفة وريحتها تهبل وبنتها حامضة روعة
هاهي كي كملتها
هايلة بصحتكم
يعطيك الصحة الريحة والذوق وصل هنا راني ديت سهمي يعطيك الصحة هايلة
اممممممممممممم ياتيك الصحه حنونة نهال نحب كلش فيه القرص اي الليمون
تسلم الأيادي
الله يعطيك الصحة حبيبة ممممم باينة رووووعة بصحتك
تبارك الله يعطيك الصحة شكرا على الوصفه
صحيتي نوال وين شفتها عرفتها بنينة
فمابلك فيها القارص
الف شكر
روعة حنونة ريحة القارص وصلت لينا منورة وبوركتى
يعطيك الصحة
اممممممممممممممممممم على ريحة وبنة القارص يعطيك الصحة
امممم تشهي بارك الله فيك
يميميمي يعطيك الصحة