السلام عليكم
واش راكم حبيباتي، نتمنى تكونو كامل بخير
البارح جربت وصفة الكوكا بالعجينة المورقة وخرجت روعة خفيفة وبنينة بناتي ماتو عليها وراحت طايرة
نخليكم مع الوصفة بالصور للتوضيح:
العجينة المورقة:
المقادير:
300غ فرينة
150غ زبدة التوريق
ملعقة خل
ملعقة سكر
وقرصة ملح
ثلاثة أرباع كأس ماء بارد يعني أكثر من النصف بقليل ديري وشوفي حساب ما تلمتلك العجينة
التحضير:
خلطي الماء والخل والسكر والملح وضيفيهم للفرينة بالتدريج حتى تتحصلي على عجينة طرية، أتركيها ترتاح مدة ربع ساعة ثم بالسكين ضعي علامة +
وافتحيها بالحلال من الجوانب كما في الصورة:
حاولي تقطعي الزبدة مستطيلات وشكلي مستطيل في الوسط بالزبدة واغلقي الجوانب
حليها بهدوء في اتجاه واحد
واطويها كيما في الصورة وهدا إسمه le double toure
واتركيها في الثلاجة ترتاح مدة نصف ساعة أو في المجمد مدة ربع ساعة
ثم حليها واطويها على ثلاثة
ورجعيها للثلاجة ترتاح أيضا نصف ساعة وكري هاذ العملية 5 مرات
وهاذا شكلها في الأخير
نقسمها نصفين نحل النصف الأول ونضعه في سني ونثقبها بالشوكة
ونكونو حضرنا صلصة الطماطم:
حبة بصل كبيرة مقطعة أومبشورة وحبة كبيرة طماطم و2 سنينات ثوم ورقة رند زعتر ملح فلفل أسود قليل من الطماطم المصبرة نصف كأس ماء فوق النار حتى تعقد وتنشف شوية
يتبع…
الحجم كبير ولم يتقبل المنتدى الموضوع بكل الصور ولذلك قسمت الموضوع .
يتبع………
ونضع الحشو فوق العجينة ونضع الزيتون الأخضر مقطع والجبن وأي شيء تحبيه تونة أو لحم مفروم تكوني قليتيه، لكي الحرية في الإبداع والإختراع
ثم نحل النصف الثاني من العجينة ونضعها فوق، بالسكين نحدد مربعات دون أن نقطع ونضع زيتونة في كل مربع وندهنها بصفار بيضة وندخلها الفرن ، وفي نصف الطياب نخرجها ونقطع الأماكن لي كنا حددناها ونرجعها تكمل الطياب،
وهاذو شكلتهم من البقايا
وهذا شكلها فور خروجها من الفرن
نسيت نقولكم أن من الاحسن تقدم مع المايونيز
وفي الأخير دعاء بظهر الغيب يكفيني
تحياتي لكن
أختكم أم سرور
يعطيك الف عافية فعلا راااااائعة يسلمو
باينة هايلة وبنينة 444444٤ يعطيك الصحة اختي بصحتكم
|
المشاركة الأصلية كتبت بواسطة oum ibrahim
 يعطيك الف عافية فعلا راااااائعة يسلمو
|
وجودك في الموضوع يشرفني ويسعدني.
ربي يسر أمورك ويسهلك الولادة ويرزقك مولود سليم ويجعله من الصالحين
تحياتي إليك.
رووووووووووووووعة
|
المشاركة الأصلية كتبت بواسطة ام صابرين
باينة هايلة وبنينة 444444٤ يعطيك الصحة اختي بصحتكم
|
فعلا بنينة، نتمنى تجربيها شكرا على الرد تحياتي
|
المشاركة الأصلية كتبت بواسطة مغتربة uk
رووووووووووووووعة
|
الروعة وجودك في الموضوع أختي مغتربة تقبلي تحياتي
جاتك هايلة بصحتكم
يعطيك الصحة
|
المشاركة الأصلية كتبت بواسطة om najib
جاتك هايلة بصحتكم
|
|
المشاركة الأصلية كتبت بواسطة تفاحة12
يعطيك الصحة
|
شكرا على الرد تحياتي
بارك الله فيك بدون مجاملة رااااااائعة
بصحتهم سرور و اخواتها
|
المشاركة الأصلية كتبت بواسطة r i a d
بارك الله فيك بدون مجاملة رااااااائعة
بصحتهم سرور و اخواتها |
يسلمك بناتي 2 سرور وياسمين وأخوهم الصغير إبراهيم حتى هو أخذ قطعة من الكوكا ودار بيها حالة كيما تعرفي العجينة المورقة تتفتت.
شكرا على الرد أختي تقبلي تحياتي
الله يبارك اسمائهم هاييلة
سرور و ياسمين و ابراهيم ربي يحفظهم لك و يفرحك بهم ان شاء الله
|
المشاركة الأصلية كتبت بواسطة r i a d
الله يبارك اسمائهم هاييلة
سرور و ياسمين و ابراهيم ربي يحفظهم لك و يفرحك بهم ان شاء الله |
آمين ، إن شاء الله أختي
الله يبارك فيك أختي ويحفظك وعائلتك.