اليوم درت لي كورني محشيين بالسلاطة ممممم كامل عجبوهم
قولولي واش رايكم ؟؟؟
المقادير:
العجينة:
3 كؤوس فرينة+ملح+ 1 م ك خميرة الخبز+5 م ك زيت+1 م ص خميرة القاطو و نخلط كلش مليح + ماء دافئ حتى تتلم العجينة نعجنها شوية برك باش تتداخل امكونات مع بعض و ترطاب ..نغطيها و نخليها تتخمر .. ثم نحللها بالحلال لسمك حوالي 5 مم ثم نقطعها شرائط و نلف كل شريط حول الكورني حتى نكمل كل العجينة … نستفهم في بلاطو مدهون بالزيت ثم ندهنهم بالبيض و نذري من فوق الجلجلانية و إلى الفرن حتى يحمارو من تحت ثم نشعلو من فوق حتى يصبح اللون ذهبي كيما فالصورة و نخليهم يبردو و نخرجوهم من الكورني و نخليهم على جنب
الآن نحضر الحشو : و هذا يعتمد على واش عندكم و إمكانياتكم
في طبسي غامق= سلاطة خضرة مقطعة صغيرة جدا+خيارة مقطعة مربعات صغار+ماييس+بصلة صغيرة مقطعة مثل التشكتشوكة مذبلة في شوية زيت زيتون+2 بيضات مغليين و مرابيين+شوية طون+فرماج قرويار قطع صغيرة+كورنيشون قطع صغيرة+زيتون أخضر و أسود …. و إلخ ……
(طبعا أنا مادرش هاذ الخير كامل هههه ماكانش متوفر عندي كلش بصح جات مممممم بشهادة أهل البيت )
ننصحكم جربوه … مش رايحين تندمو عليه … يصلح أيضا للضياف يحمر الوجه
و فالاخير نتمنى تدعيولي دعوة خير حبيباتي
سلام
يعطيك الصحة
جزاك الله خيرا. .يبانوا هجوسين
شكرا لك يا ام نيفين.
بارك الله فيك
الله يسلمكم …شكرا على المرور
الله يعطيك ويرضيك نشاله
شهيتيني. طيابك فور اممممم
شكرا حبيباتي …نورتو
الله يباركككككك
ya3tik lsaha bninaaaaa
شكرااااااااااااااااااااااااااااااااااااااااااااااا ااااااااااااااااااااااااااااااااااااا
الله يبارك فيكم …يعطيكم الصحة
الله يبارك فيكم يعيشكم