و بعد الصلات و السلام علي سيدنا محمد صلي الله عليه و سلم نبدا علي بركة الله
فن المعجنات بانامل حراير الجزائر نحن في قسم الكروشي عندنا دوما ورشات لحرائر الجزائر باه نتعاونوا و نشطاروا و نبركاو تفنيين " اضربوا طلة كي تحتاجوا كاش صدر ولا اي جات درك الصيف"
و انا قلت حتي هنايا تولي عندنا فن الحلويات بانامل حراير الجزائر " تسمي ماشي حراير خايبات الجزائر في الطبخ ههههه"
و هنا اليوم درت قاطو رولي و العشوة درتلهم بيتزا
مقادير العجينة
6 كيسان فرينة كنزة
1 مغرف متوسطة سكر
2 مغرف صغار ملح
1 خميرة الحلويات
2 مغرف خميرة الخبز كبار
3 مغارف ريت و +3 مغارف ريت زيتون
2 عضمات " بيضات"
حوالي 2 ميسان ماء دافئ
اولا نضع الفرينة و السكر و الملح و الخميرة في 2 و نخلطهم تم نضع البيضتان و نخلط تم نضع الزيت
و نخلكهم جيدا حتي يصبحوا مرملين
نضيف الماء الدافئ بالتدريج حتي الحصول علي عجينة طرية لا تلتصق باليد
و نغطيها و نتركها تخمر
و في الاتناء نحضر الحشو لم اصور الخطوات كل واحد و امكانياتوا و كوزينتوا واش فيها " اما استعملت طماطم و بهارات و زيتون و عضام مشرشمين و دبشة """
نرجع للعجينة نلقاها خمرت جيدا نقسمها الي 4 اقسام او علي حجم السنيوات نتاعك
انا درتها علي 4 " سنيواتي كبار "
و هادي وحدة منهم
و نتركها 15 دقيقة و نبدا نطرحها فوق سطح مرشوش بالفرينة
حتي تصبح 3 ملم تقريبا الي 5 مم
انا خفت و لكنها في الطياب طلعت و ولات مليحة فقك ماهي خشينة و ماهي رقيقة
و نضعها في السنسوة بمساعدة القنوط او الحلال و ننقبها بالفرشات جيدا و نضع صلصة الطماطم و الزيتون و ما وجد لديكي
و هاهي طايبة
الصور غدا ارفقهاا بالموضوع ان شاء الله
البتزا ناجحة و لن تندمن عليها حربنها جات خفيفة خلاص و ماتتشبعش 
الوصفة من كل بستان زهرة جبت القيلة كامل و انا نقري في البيتزات حتي قررت في النهاية و كنت حاكمة كرشي
بصح جات مليحة في النهاية شكرا لكل البنات الي جزت بمواضيعهم بارك الله فيكن
ليلتكن سعسدة و في امان الله و لا تنسونني من صالح دعائكن هاذا هو مبتغايا و شكرا لكن
حرة الله يبارك
يعطيك الصحة
|
المشاركة الأصلية كتبت بواسطة *أم كوثر*
 حرة الله يبارك
يعطيك الصحة |
وايييييييي فرحت بردك شكرا اختي ام كوتر غالية علي قلبي دوما
بارك الله فيكي
جزاك الله كل خير
|
المشاركة الأصلية كتبت بواسطة قفص النسيان
جزاك الله كل خير
|
|
المشاركة الأصلية كتبت بواسطة دموع تائبة
كاين فرينة اسمها كنزة ؟؟؟؟؟
|
و بارك الله فيكن
دموع اختي كاينة اه هاديك الي تيجي صفراء