السلام عليكم
أريد أن أسألكم عن غسالة آرثر مارتن أين يتم تصنيعها ؟
أنا أنوي شراء واحدة بحول الله 8 كلغ وجدتها 4.5 ملاين كاش و بالتقسيط 5.5 ملاين .
هل هذا سعرها ؟
و هل يجب أن أنتبه إلى شيء مثلا أن تكون مقلدة أو غيره.
بماذا تنصحونني؟
بارك الله فيكم
كانت عندي واحدة ولكن بعد خمس سنوات تعطلت رغم الاعتناء بها قالولي راهم كامل مقلدين لذلك اشتريت lg راه هايلة لذلك انصحكي بشرائها راهم تقريبا بنفس السعر
عندي واحدة عندها اكثر من 10 سنوات تعمل جيدا خسرت عليها في هده المدة كاملة حوالي 700 الف فقط
لكن اسال اكثر
|
المشاركة الأصلية كتبت بواسطة مومي23
 عندي واحدة عندها اكثر من 10 سنوات تعمل جيدا خسرت عليها في هده المدة كاملة حوالي 700 الف فقط
لكن اسال اكثر |
شكرا لك أختي على الرد
و لكن فاش خسرتي 700 الف واش تقصدي
؟؟؟؟؟؟
شكرا
كانت عند اهلي وحدة ماكملتش عامين وخسرت برغم امي من النوع الى يحافظ على الحاجة بزاف
بعدها شراو سامسونغ أرخس و هايلة تخرج الحوايج مليح وعملية وزيدي شوفي رأي البنات انا حكيت فقط من تجربة اهلي
بالهناء عليك والصحة
انا املك واحدة عندها خمس سنوات ولم اصادف معها اي مشكل وهي من صنع فرنسا اشتريتها في العلمة بسعر3 ملاين 700الف وزن 5.5كلغ وربي يوفقك ان شاء الله.
انا عندي هذا النوع من الغسالات عمرها الان 10 سنوات و لم تخسر يوما هي صنع فرنسي
عند حميتي من 15 سنة و عمرها تبارك الله ما قالت يا رأسي و هذا الصوالح زهر و بتوفيق
بارك الله فيكم
على حساب واش شفت في المنتدى….
حتا سامسونج راهم يشكرو فيهم
المهم إن شاء الله نديرلها خرجة و لي كاتبة تلحق
شكراااااااااااا
اختي على حساب ما قالي اللي شريت من عندو انو اغتوماغتان اصبحت مقلدة والاصلية ا
اصبح لديها اسم اخر انا شريت سامسونغ ولله غير مهنيتني والغسيل فيها اقل من ساعة
يخرج يشعل والله يوفقك
راهي عندنا في شحال من عام مصرالها والو صنع فرنسي تخافي من المقلدة
ان اردت النصيحة
فنقلك اخطيك
هي من ناحية عمرها
نقلك اي غسلة على حسب استحفاظك تطول
انا و والدتي و اختي شريناها في نفس اليوم من 13 سنة
نتاع اختي و والدتي راهم مازالهم جدد
و نتاعي رميتها
كنت نغسل فيها بزاف بزاف و بما اني كنت في منطقة جوها رطب زنجرت "يعني تصدأت"
و الطومبور تاعها ساع على ساع يخسرلي
اخيرا خسرت عليها 750 الف و صدقتها
……………
نصيحتي مش على عمرها
نصيحتي على غسيلها
الكل يشهد انه الغسالة تريد من يساعدها
يعني اذا لحتي دراوات او زور او قش نظيف يطلع يشعل
و الا قش نص نص راح تلقايه كيما راهو
اما اذا قش موسخ فمانحكيلكش خير
على هك كنا نقولو احنا الي نساعدوها مش هي الي تساعدنا
ثان بالطولة تصير فيها رائحة مش مليحة و لازمك ديما تنظفيها و تهويها
درك عندي سامسونج اوتوماتيك بلاستيك تتفتح من فوق
كلمة رائعة قليلة فيها
تنظف و تشلل و تعصر روووووعة
من 3 سنين و انا معاها هايلة باتم معنى الكلمة بكل صراحة هاد وين ريحت من لغسيل
نصيحتي اصرفي النظر عليها عجوزتي عندها كل مرة تفسدلها وزيد الحوايج كيما دخليهم كيما تخرجيهم خسارة الضو برك مثلا كونديا شوكو يسيح فوق درا تغيليه بيدك غير بالما احسن١٠٠ مرة ملي تغسليه فيها احسن ماركة سامسونغ ماما عندهااو lg
بارك الله فيكم
كفيتو و وفيتو
شكرا
يا ريت أختي أريج المسك تقوليلي الفرق الجوهري بين سامسونج الي تنحل من الفوق و الي تنحل من الامام
في الحقيقة قبل ما تحطي ردك كنت رايحة نشري سامسونج تاع حديد
و درك راني نعاود التخميمة
سلام
|
المشاركة الأصلية كتبت بواسطة * دموع الشوق *
بارك الله فيكم
كفيتو و وفيتو شكرا يا ريت أختي أريج المسك تقوليلي الفرق الجوهري بين سامسونج الي تنحل من الفوق و الي تنحل من الامام في الحقيقة قبل ما تحطي ردك كنت رايحة نشري سامسونج تاع حديد و درك راني نعاود التخميمة سلام |
لمزية درتيلي شكرا نسيت بلكل بلي رديت هنا
الفرق الجوهري يا اختي في النظافة و الوقت و التبذير او الاقتصاد اذا بغيتي الايجابية
النظافة الي من تتفتح من فوق تنظف خير
الوقت اقل بالنص تقريبا يعني في سع تكمل
الاقتصاد
كي يعود عندك قش و بغيتي تقسميه في المشينة الي تتفتح من فوق تقدري تقسميه و تلوحي بالطرف
عكس الاخرى كل غسلة واحدها ماتقدريش تقسميه
الغسالة الي تتفتح من فوق ننصحك
خليها تعمر الما بلا قش و تديريلها نص غسلة
يعني بالدارجة يتحرك الصابون وحده مع الما و يولي "جر"
و من بعد لوحي القش و ارواحي رديلي الخبر القش يخرج يبرق او ادعيلي دعوة خير :d
المشينة الي تتفتح من فوق تليق لواحدة عندها ولاد صغار اكثر لانه قشهم يكون متفاوت التوساخ على هك قتلك تغسلي و تنحي و تلوحي قش اخر في نفس الغسلة
حبيت نقلك على سومتها لكن نسيت شوفي يا مليون و 6مية او مليون و 9 مية والله غير نسيت
المشينة لخرى انا ما شفتلها حتى ايجابيات
لانه كاين الي يقلك تغسل الزور لكن صدقيني في عصرهم صح مليحة اما في غسيلهم وااااااااااااااالو
المهم اسمعيني مليح راهي سامسونج بلاستيك اوطوماتيك فيها باب واحد من فوق تعودي تشري حاجة اخرى
نضن راني عطيتك التفصيل تاع التفصيل 
غير اشريها و ما تندميش و ادعيلي
و ربي يعاونك