كيف حال زوار منتدى الديكور ؟الحمد لله اليوم عندنا ديكور لمدينة العلمة فقد رزقها الله حلة بيضاء ربي يرزقكم
اكيد كل العائلات الجزائرية تعتمد على غرفة الجلوس وكانها الرئيسية في المنزل وتحرص على نظافتها اليوم في جعبتي بعض الافكار لعلها تساعدك في ترتيب غرفة جلوسك
1 اختيار غرفة الجلوس اذا كان صاحب البيت شاب وعريس جديد فانصحك باختيار الوان جريئة كاللون الاحمر 
او درجات اللون الزهري
او الاخضر الهادئ 
واكيد ان تكون مريحة وتبعث على التفاؤل والحيوية
ويمكنك اللعب بالالوان باختيار سجاد راق ومعاصر 
2 اذا كان صاحب المنزل يتعدى عمره الاربعين فانصحه بالكنبات المصرية الراقية فهي جد مريحة سعرها يترواح من 69 مليون الى 100 مليون في سطيف
اما بالنسبة للسجاد فاعتماد سجاد تركي راقي مثل هذا سعره 18000 في العلمة 
3 الصالون المغربي متاح للعرسان و واصحاب الاربعينات
4اعتماد علاقة لملابش 
وبهذا تكون(ي) انتهيت من غرفة الجلوس اتمنى نكون فدتكم
ا
لا أحبذ الصالونات المصرية -_- ، الأسعار مرتفعة قليلاً يا هيام ( بالعقل علينا )
اذا كان صاحب المنزل يتعدى عمره الاربعين فانصحه بالكنبات المصرية الراقية فهي جد مريحة سعرها يترواح من 69 مليون الى 100 مليون في سطيف
هههههههه
يا اختي 69 مليون حتى 100 مليون على جال "كنبات"
لاه مخدومين بالذهب و لا واش ؟
حقيقة أذهلني السعر .
اختي الفكرة مليحة ، لكن كون توسعتي اكثر في الستايلات ، كذلك في الأذواق ، وتاني كون درتي تدرج في فئات المجتمع يعني من الطبقة المتوسطة للغنية، صراحة انا 69 مليون كون تكون عندي نعمر بيها داري كاملة ، هاذي تاع الطبقة الغنية
شكرًا حبيبتي على الموضوع و على المجهود و مازال عندك الوقت تتوسعي فيه ، و أسفة على التدخل هذا رايي فقط و يحتمل الخطأ
حسيت روحي نكذب كي قلت سعر الكنبات اذا كاينة وحدة تسكن في سطيف تروح لمحل محمود المصري في منطقة اولاد براهم وترد خبر
بالنسبة للزرابي محل القلعة الذهبية شارع دبي العلمة
والصور اخذتها من النت والسعر من اصحاب المحلات
وشكرا على مروركن
|
المشاركة الأصلية كتبت بواسطة هيام الريحان
 حسيت روحي نكذب كي قلت سعر الكنبات اذا كاينة وحدة تسكن في سطيف تروح لمحل محمود المصري في منطقة اولاد براهم وترد خبر
بالنسبة للزرابي محل القلعة الذهبية شارع دبي العلمة والصور اخذتها من النت والسعر من اصحاب المحلات وشكرا على مروركن |
|
المشاركة الأصلية كتبت بواسطة [ السَحابةٌ البيضاءْ ]
يا هيومة مكلاه تزعفي مقلناش تكذبي حاشى استغربنا فقط
|
هههههههههههه لالا مازعفتش حبيت نذكر المصدر باه تكون شفافية
صراحة عن نفسي ممكن نشري الزربية بصح الكنبات يلزمها نبيع ذهب ههههه
هيام موضوع حلو لكن رانا نستناو تحطيلنا تاع الفقراء هههههه زيدي حوسي و ديريلنا اسعار مناسبة لينا و الفكرة هايلة خاصة انه نعرفو الاسعار تاع الموديلات بارك الله فيك
|
المشاركة الأصلية كتبت بواسطة هيام الريحان
هههههههههههه لالا مازعفتش حبيت نذكر المصدر باه تكون شفافية
صراحة عن نفسي ممكن نشري الزربية بصح الكنبات يلزمها نبيع ذهب ههههه |
هههههههه انا ذهب تاعي نبيعوا كامل و مانقدرش نشريها واااااع و لي عندو ماشي خسارة يفرح روحو و يسقم دارو
44444444444444444444444444444444444
|
المشاركة الأصلية كتبت بواسطة هيام الريحان
حسيت روحي نكذب كي قلت سعر الكنبات اذا كاينة وحدة تسكن في سطيف تروح لمحل محمود المصري في منطقة اولاد براهم وترد خبر
بالنسبة للزرابي محل القلعة الذهبية شارع دبي العلمة والصور اخذتها من النت والسعر من اصحاب المحلات وشكرا على مروركن |
لالا اختتي و الله ماصارت
منيش مكذباتك حاشا لله
بصح كيما قلت السعر أذهلني
يعني فوتايات راهم 6 ملاين و ما قدرناش نشروهم (نحكي على روحي)
و فظلت نشري شهرة نتاع 3 ملاين
و الصور ما خرجوليش
لالا حبيبتي ابدا و الله ما كذبناك راني نسكن في سطيف ، علابالك انا مرة رحت نشري غرفة نوم للأطفال، و عجبتني الصراحة وحدة تحففففففة ، قالي راجلي شوفي انا مانفوتش عشر ملاين ، قتلو انا ماعليش اذا فوقهم مليون و لا زوج نزيدهملك انا، علابالك شحال لقيناها 78مليون يعني لوكان نخدم عمري كامل مانقدرش نشريها،
يعني حبيبتي اغلب الشعب الجزائري راهو قيس قيس ، لوكان تحطي لنا صالونات يكونو في المتناول و رايحين ندعيولك
مشكورة اختي الفاضلة جزاك الله خيرا
يا جماعة الخير والله عندكم حق قالي بابا هاذوك الكنبات شراوهم للرئيس بوتفليقة في مطار سطيف
ظك راهم كلاهم الغبار (( تاع رؤساء ورجال اعمال ))(( على العموم غاليين صح عندكم الحق وسامحوني اثرت جلبة
كي نزوج و ندير الدار راني نخمم في موضوعك ههههههههههههههههه