سلام حنوناتي متقوليش مكانش لي تفسد ليها الخضرة في البراد خاصة الفلفل على خاطر الراجل يموتوا على شريانوا و ماشوا غير يشريو شوي من يقضيو يشريو الفلفل الحار وانا تاني كيفكم و مناش عيلة و مناش وكلين الفلفل الحار ياسر نطيبوا في البرمة يبقى كيما راه مال قلت نديروا فجوخ و الفجزخ هو فلفل حار مرقد و اليكم الطريقة
تجيبي الفلفل الحار لي عندك تنقيه و اكيد ماشي بيديك تلبسي ليقوا باه متتحرقش يديك و تتحطيه في الربوا يترحي و تهوا في الربوا ضفيلوا====شوفي في كيلوا تع فلفل حار حطي 2 قرون فلفل حلو و 1 حبة طماطم و 2 مغارف كبار ملح و تخلطيهم و تحطيهم في كسكاس كيما في الصورة شوفوا و نرجعلكم
حطي حاجة تحت الكسكاس باه يستقطر فيها الماء لي في الفلفل و هذا من اسرار نجاحوا
و خليه يبات ليلة كاملة يستقطر مليحو في الصبا ح تلقايه بالشكل هذا
شوفوا واش خرج منوا ماء
افرمي راس كامل تع ثوم ضفيه للفلفل و 3 مغارف زيت زيتون و 2 مغارف خل و حطيه في علبة و خليه يرقد حنا في الشتا نخليوه البرة حتى يولي لونوا اصفر وندخلوه للثلاجة و ناكلوا منوا لكن درك راهوا الحال سخن دريه و حطيه طول في الثلاجة باه ميقراصش و تمتعي باطيب فجوخ يجي بنين و المقلي معاه يا سلام مممممممم
الماكلة معاه روعة ابن من المرقد انا دايما نديوا مخطانيش خاصة في رمضان مممممممم
yaatek essaha ala elwasfa
امممممممممممممممممم يشهي ماشاء الله
|
المشاركة الأصلية كتبت بواسطة مونية ك
 امممممممممممممممممم يشهي ماشاء الله
|
ميغلاش عليك يا جميل كلوا ليك
ممممممممممممممممم دائما عندنا مشكل الفلفل بالزايد شكرا لك اختي فكرة جديدة بارك الله فيك
|
المشاركة الأصلية كتبت بواسطة soriaalg
ممممممممممممممممم دائما عندنا مشكل الفلفل بالزايد شكرا لك اختي فكرة جديدة بارك الله فيك
|
و فيك تبارك الله حنونتي ربي يخليك
الله الله الحرارة والبنة راهي وصلتني حتان هنا راجلي يممممممممممممممممممممممممممموت على الحرور وراني وصيتو باه يجيبهولي باه نجربو بصح يخي ميطيبش الفلفل في الاول وفي الاخر
رغم اني مانكلش الحار بصح كاكانت عجوزتي ديرو ناكلو امممممممممممم سخفتيني وفكرتيني بيه هي كانت ترحيه في الرحيوة تاع الغرس يعطيك الصحة
شكرا اميره عندي كميه مليحه منو في الثلاجه نطبقو بطريقتك شكرااااااااااااااا
|
المشاركة الأصلية كتبت بواسطة اماني السلام
الله الله الحرارة والبنة راهي وصلتني حتان هنا راجلي يممممممممممممممممممممممممممموت على الحرور وراني وصيتو باه يجيبهولي باه نجربو بصح يخي ميطيبش الفلفل في الاول وفي الاخر
|
ههههههههههههه لا لا حنونتي ميطيبش ارحيه و هو نيئ درك الخل والثوم هوما لي يخليوهيطرا جربيه راهوا بنيييييييييييييييييين
|
المشاركة الأصلية كتبت بواسطة *أم مصعب*
يعطيك الصحة امممممممممممممممممم يبان يشهي
|
الله يسلمك حنونتي شكرا ليك
|
المشاركة الأصلية كتبت بواسطة أم ياسين الزهراء
رغم اني مانكلش الحار بصح كاكانت عجوزتي ديرو ناكلو امممممممممممم سخفتيني وفكرتيني بيه هي كانت ترحيه في الرحيوة تاع الغرس يعطيك الصحة
|
ايه الكبار هوما لبراكة وحنا نتعلموا منهم دريه مدامني فكرتكفيه هكا تتفكري ايام عجوتك كان حبيتي تتفكريهم ههههههههههههههههههه