عرضتي ناس و حيرتي وش راح اديريلهم ان نعطيك الحل . 2024.

المقادير

صدر دجاج
سلق
دبشة+معدنوس و لا وش عندك
2بيض
بصلة
ثوم
ملح +توابل’فلفل السود+فلفل احمر بودرة+شوية صغيرة كمون+كسبر ‘ ‘التوابل ديري وش تحبي
خبز يابس مرحي
موتارد’انا ديرت moutarde de dijon+moutarde à l’ancienne’
فرماج رابي

1) تحضير الدجاج
نضع الدجاج +بصل +ثوم +ملح+توابل +موتارد+بيضة+الخبز اليابس المرحي و نرحيه في الروبو

2) تحصير السلق

نقلي شوية بصلة مع ثوم و مبعد نلوحو السلق و نقليوه حتى يذبل ماتنسايش تبليه بالملح + فلفل اسود + دبشة +معدنوس

في نفس الروبو نرحيو السلق + 1 الى 2 مغرف من الدجاج المرحي + بيصة

3) المونتاج

نفرشو ا نيلو نحطو عليه الجاج و نغطيوه بالنيلو و نشكلوه على شكل مستطيل كما هو موضح في الصورة

و نحطو فوقو السلق

و نحطو فوقو فرماج رابي و نروليه

و نغلفو بورق المنيوم و نثقبو بالبرة و نحطو في مول فيه شوية ماء و الى الفرن الى ان ينضج

كي يطيب نخليه يبرد نحيلو الألمنيوم و في نفس البلا نخليه و نحط عليه شوية زبدة و لا زيت و نرجعو يحمار

نخليه يبرد شوية و نقطعوه

انا لهنا قدمتو مع صلصة بيضاء راني ديرتها من قبل

https://www.djelfa.info/vb/showthread.php?t=1254919
الفرق الوحيد انو
حكمت شوية زبدة +شوية فرينة و مبعد زيدت شوية شوية مرق الدجاج’العظم تع الجاج ليبقا ديرت مرق دجاج يعني 1/2 بصلة +ثوم حبات+شوية توابل ‘فلفلاسود+ملح+كمون"شوية"+باقة عطرية+جزرة" ولا ديريها كيما تحبي انا نعطيك الفكرة وانت بدلي كيما تحبي لأنو انت سيدة مطبخك

نسيت الحشو ديري وش تحبي انا مرة ديرتو بالفطر و الزيتون جا روعة