الله يجازيكم زوجي جابلي شحم وتشهى كسرة الشحم وانا مانفهم في هذي الاكلة والوا سمعت بلي تتفور الله يجازيكم رانا محتاجا الوصفة لتعرفها تساعدني قادرا ندير في قوقل ولكن بغيت من حراير المنتدى لي طيبتها تقولي على تجربتها مشكورين راني في الانتظار مانتحركش من هنا حتى تمدولي الوصفة
https://www.djelfa.info/vb/showthread.php?t=1109890
https://www.djelfa.info/vb/showthread.php?t=1744384
https://www.djelfa.info/vb/showthread.php?t=1516311
https://www.djelfa.info/vb/showthread.php?t=267058
شوفي هذي الروابط
مشكورة اختي
انا سمعت بانه الشحم يتفور ولكن ماعرفتش كيفاش
هذي طريقة قديمة تاع عجايز زمااااان
يحطو الشحم في كسكاس ويحطو القدرة فيها الماء ويخليو الشحم يدوب على البخار مليح ملييييح
لازم النار قليلة مرة على مرة طلي على الماء ما لازمش تنشف القدرة من الماء
نحي الكسكاس وخلي القدرة تبرد بلا ما تحركي الشحم مع الماء
دخليها تبات في الثلاجة مش في المجمد وفي الغد اثقبي الشحم بسكين وتخلصي من الماء الزايد
عاودي ذوبي الشحم على نار هادئة وحطيه في بلارات زجاجية معقمة ودخليه للثلاجة بعدما يبرد طبعا واغلقي البلارة جيدا
نتمنى نكون افدتك ولو بالقليل
اذا هذي هي الطريقة لي تحوسي عليها ادعي لاولادي بالنجاح
|
المشاركة الأصلية كتبت بواسطة oum islem
 هذي طريقة قديمة تاع عجايز زمااااان
يحطو الشحم في كسكاس ويحطو القدرة فيها الماء ويخليو الشحم يدوب على البخار مليح ملييييح لازم النار قليلة مرة على مرة طلي على الماء ما لازمش تنشف القدرة من الماء نحي الكسكاس وخلي القدرة تبرد بلا ما تحركي الشحم مع الماء دخليها تبات في الثلاجة مش في المجمد وفي الغد اثقبي الشحم بسكين وتخلصي من الماء الزايد عاودي ذوبي الشحم على نار هادئة وحطيه في بلارات زجاجية معقمة ودخليه للثلاجة بعدما يبرد طبعا واغلقي البلارة جيدا نتمنى نكون افدتك ولو بالقليل اذا هذي هي الطريقة لي تحوسي عليها ادعي لاولادي بالنجاح |
ما شاء الله !!!
هذا ما كانت تفعله جدتي تماما
رحمها الله تعالى
يسّر الله لكِ و أسعدك بنجاح أولادك جميعا
الله ييسر حالك ويخليلك ولادك وينجحهم باذن المولى ويفرحكم بيهم ان شاء الله ويسعد حياتك يارب والله غير ساعدتيني بلبزاف مشكورة ولك مني الف تحية سيدتي