رجاء الى كل الاخوات
راني حاصلة مع الشوكولاطة البيضاء ماحبتش تذوبلي كيما درتلها ماصلحتش وفسدلي القاطو
حابة نعرف نتوما كيفاش تذوبوها الله يوفقكم قولولي
ارجو المساعدة من فضلكم
انا انتظر الردود بسرعة
أهـلا أختي =)
أنا والله منكذب عليك جامي ذوبت الشكولاطـة البيضاء بصح كي بحثت كيفاه نذوبو الشكولاطة البيضة ف النت هاذا وش لقيت،
قالك ديري كسرونـة كبيرة ومن بعد ديري كسرونة ثانية صغيرة عليها وديري في الشكولاطة وخليها حتى تذوب بصح عندك لا يدخلها الماء ! ومتعرضيهاش لحرارة قاوية بسكو تيبس و كي تكملي نحيها وديريليها شوية زيت وخليه حتى يذوب ويمتزج تماما مع الشكولاطـة
سيي هاذي الطريقة بكميّة صغيرة وشوفي النتيجة إذا عجباتك ديري وش تحبي ^_^
و كاين اخت دارت موضوع خاص درك نجيبلك الرابط و شوفي
طريقة إذابة الشكولاطة البيضاء
نتمنى نكون عاونتك
صح فطورك
شكرا للمساعدة جزاكم الله خيرا