طلعولي المورال 2024.

[color="darkslategray"]اولا السلام عليكم ورحمة الله تعالى وبركاته
واش راكم خاوتي مع الامتحانات هادو ……..
والله انا حالتي ما تفرحش خلااااااااااااااااااااص
خربتها في المواد العلمية كامل ….وحتى الادبية ما خليتلها والو
معدلي نتاع الفصل الاول 17.37اما الثلاثي هذا فانا متاكدة انو مش سقوط حر بصح طيران حر………الى الاسفل طبعا
انا مورالي راه زيرووووووووو
عادت عندي عقدة من الرياضيات والله
تخيلو عطانا تمرين على دراسة دالة
غلطت في المشتقة باش نديرها 2 تهفيت ودرتها -2 وراحلي تمرين عليه 10 نقاط كامل
فيزياء حدث ولا حرج اذا جبت 12 راني مليحة …….الثلاثي الاول جبت 19 زعما
علوم نفضل نخلي البير بغطاه
نروحو للمواد الادبية
فرنسية في الثلاثي الاول جبت 19.5 ودرك ان شاء الله نوصل ل 16
انجليزية المرة لي فاتت 19 ودرك بالاك 17…..مقبولة
ادب كيما المرة الاولى كيما الثانية ما تفرحش
اجتماعيات لالا الحق صححلي ورقتي وشاعت في الليسي كامل سلمى جابت اعلى نقطة ……17 هههه
شريعة الثلاثي الاول 20 ودرك ان شاء الله نجيب مليح برك

ملحوظة هامة ……مساءا عندي اختبار علوم وراني قاعدة صايي كرهتتتتتتت [/color]

انت جايبة 17 وخايفة وحنا شا نقولوا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هذه نكتة 17 وما شو عاجبك الحال

7amdi rabi a7ssan men al7assra

اللهم نجحنا ونجح شباب الجزائر

واش نقولك اختي العزيزة هادا ما كتبلك ربي سبحانوا كريم ارضاي بيه و ما تخليش الرياضيات تفسد عليك العلوم حاولي باه تقدري تعوضي لان حتى العلوم ماتنسايش بلي المعامل تاعها 6 الله يبارك…………..وكون نقولك عليا انا و على النقاط لي رلح نستقبلهم السمانة الجاية تقوليلي ادفن روحك خير …………اولا الرياضيات درلنا موضوع التمرين الاخير ما قريناش حتى شتكينا بيه و الفيزياء التمري الاخير ما درتوا ويا عالم ادا لخرين جبتهم صحاح اما العلوم سفا جبت روحي شويا ونساي الانجليزية والفرنسية راني قفلة فيهم…المهم احمد ربي على نتائج تاعك و ماتخميش فيهم و منا للباك بربي نشالله يفرجها ربي.نتمنى نكون تلعطلك شويا المورال.اختك رغداء

اقتباس:

المشاركة الأصلية كتبت بواسطة h.abdou انت جايبة 17 وخايفة وحنا شا نقولوا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

17 في الفصل الاول ومن 17 ل 15 يعني مشكلة ….مشي بالنسبة ليا برك مي ولديا على بالي مي يتقبلوهاش
شكرا على المرور

اقتباس:

المشاركة الأصلية كتبت بواسطة عدنان سات هذه نكتة 17 وما شو عاجبك الحال

لالالالالالالا شكون قالك ماكانش عاجبني الحال والله يا مت بالفرحة
ودرك اذا جبت 15 لازم يعجبني الحال بالسيف عليا والحمد لله على كل شيء

اقتباس:

المشاركة الأصلية كتبت بواسطة اسيـ الذكريات ـر 7amdi rabi a7ssan men al7assra

سبحانو
الحمد لله على شيء اختي بصح شوي غاضتني برك
نورتي الموضوع

اقتباس:

المشاركة الأصلية كتبت بواسطة جبور عبد الحاكم ماتخافيش تنقيط الرياضيات موش بالضرورة النتيجة صحيحة 100% الشي على المنهاجية والفهامة اما العلوم التنقيط هو سبب الكوارث مولانا كريم توكلي على الله وقولي الحمد لله وتعنيش روحك بروحك اللهم نجحنا ونجح شباب الجزائر

اولا شكرا خويا على مرورك
ثاني شيء والله نحمدو ربي على كل حال وماهيش حاجة grave a ce point
اما تنقيط الرياضيات فعلابالي بالاستاذ يروح طووووووووول للنتيجة وما يخحوس ني على منهجية ني والو ………اصلا صايي منها الرياضيات
بالتوفيق ليك انت ثاني

اقتباس:

المشاركة الأصلية كتبت بواسطة رغداء واش نقولك اختي العزيزة هادا ما كتبلك ربي سبحانوا كريم ارضاي بيه و ما تخليش الرياضيات تفسد عليك العلوم حاولي باه تقدري تعوضي لان حتى العلوم ماتنسايش بلي المعامل تاعها 6 الله يبارك…………..وكون نقولك عليا انا و على النقاط لي رلح نستقبلهم السمانة الجاية تقوليلي ادفن روحك خير …………اولا الرياضيات درلنا موضوع التمرين الاخير ما قريناش حتى شتكينا بيه و الفيزياء التمري الاخير ما درتوا ويا عالم ادا لخرين جبتهم صحاح اما العلوم سفا جبت روحي شويا ونساي الانجليزية والفرنسية راني قفلة فيهم…المهم احمد ربي على نتائج تاعك و ماتخميش فيهم و منا للباك بربي نشالله يفرجها ربي.نتمنى نكون تلعطلك شويا المورال.اختك رغداء

تعيشيييييييي اختي والله عجبتني هدرتك ياسر
انت ثاني بربي ان شاء الله تجيبي مليح ربي يوفقك اختتي
وشكرا مرة اخرى

أختي ما تقطعيش الأمل أنا كنت في السيام نجيب 18 و التلاثي الأول جبت 13 تخيلي ، مخي شعرة لا خرج من عقلي
و هدرة الناس ( واش صرالك ؟ و علاش هكا؟ )
كي كنت نجيب مليح ما كانوش يهدرو معايا و ما يقيمونيش أصلا و مبعد كي هبطت ……….. ما نكملش خير
بصح انا صبرت و وثقت في ربي سبحانو و درك راني معولة نسكتهم كاااااااااامل و نفرح بابا لانو أستاذ في الليسي تيعي و حشمتو في التلاثي الأول
درك خلاص حطي في بالك حاجة وحدة ، الزعاف ما عندو ما يعمل ، بالعكس و زيد المات نوغمالمون تتعاقبي مرة وحدة مثلا غلطتي في سؤال عليهم 1.5 خلاص باينة تروحلك مي مبعد الأسئلة المرتبطة بيه الكل كي تخدمي بالنتيجية ( مثلا لقيتيها 08 و خدمتي بيها و هي 05 ) تتحسبلك صحيحة و الله غير كيما نحكي معاك في القانون ( الخطأ يعاقب عليه مرة واحدة ) هادي كرهتنا بيها الأستاذة تع الفيزيك ههههههه
أختي احمدي ربي و قولي دائما ( لن يصيبنا إلا ما كتب الله لنا ) و تبعي المقولة اللي فادتني بزاف و اللي ان شاء الله راح تكون سبب في معدل 17 ( قولوا آمين ) هي بعد القرآن طبعا :
اصنع من الليمون شرابا حلوا

والله اختي راكي كيفي انا الفصل الاول جبت 14.90 اول مرة نجيب 14 مداري من 15 لفوق
وهاد الفصل راني خايفة بزاف على خاطر ما خدمتش في الرياضيات انا تاني
واليوم درنا العلوم كارثة غير على الانقسام المنصف
مي الفيزياء مازال ان شاء الله نهار الاحد نعوض في الفيزياء
وربي يكون معانا جميعا

اقتباس:

المشاركة الأصلية كتبت بواسطة فريال المحتاجة عفو الله أختي ما تقطعيش الأمل أنا كنت في السيام نجيب 18 و التلاثي الأول جبت 13 تخيلي ، مخي شعرة لا خرج من عقلي و هدرة الناس ( واش صرالك ؟ و علاش هكا؟ ) كي كنت نجيب مليح ما كانوش يهدرو معايا و ما يقيمونيش أصلا و مبعد كي هبطت ……….. ما نكملش خير بصح انا صبرت و وثقت في ربي سبحانو و درك راني معولة نسكتهم كاااااااااامل و نفرح بابا لانو أستاذ في الليسي تيعي و حشمتو في التلاثي الأول درك خلاص حطي في بالك حاجة وحدة ، الزعاف ما عندو ما يعمل ، بالعكس و زيد المات نوغمالمون تتعاقبي مرة وحدة مثلا غلطتي في سؤال عليهم 1.5 خلاص باينة تروحلك مي مبعد الأسئلة المرتبطة بيه الكل كي تخدمي بالنتيجية ( مثلا لقيتيها 08 و خدمتي بيها و هي 05 ) تتحسبلك صحيحة و الله غير كيما نحكي معاك في القانون ( الخطأ يعاقب عليه مرة واحدة ) هادي كرهتنا بيها الأستاذة تع الفيزيك ههههههه أختي احمدي ربي و قولي دائما ( لن يصيبنا إلا ما كتب الله لنا ) و تبعي المقولة اللي فادتني بزاف و اللي ان شاء الله راح تكون سبب في معدل 17 ( قولوا آمين ) هي بعد القرآن طبعا : اصنع من الليمون شرابا حلوا

بارك الله فيك اختي
عندك الحق في المقولة لي قلتيها
نتي ثاني بربي ان شاء الله تشرفي والديك وترضيهم
وبربي ان شاء الله العام الجاب الباك هدرة اخرى

اقتباس:

المشاركة الأصلية كتبت بواسطة نور الهدى ايمان والله اختي راكي كيفي انا الفصل الاول جبت 14.90 اول مرة نجيب 14 مداري من 15 لفوق وهاد الفصل راني خايفة بزاف على خاطر ما خدمتش في الرياضيات انا تاني واليوم درنا العلوم كارثة غير على الانقسام المنصف مي الفيزياء مازال ان شاء الله نهار الاحد نعوض في الفيزياء وربي يكون معانا جميعا

بربي ان شاء الله تخدمي في الفيزياء ركزي برك خاصة في مجال المغناطيس
العلوم حنا اليوم وباين على الانقسام نتاع الهم هادا
وش نقولك بالتوفيق ان شاء الله وشكرا على المرور