مساء الخير للجميع وكيف احوالكم
اليوم حبيت نسال الخبيرات بالقسم على بعض الوصفات وكيفية التطبيق
حبيت نخدم هاذو المقرقشات
كنت جربتهم قبل في العيد والبنة روعة لكن مشكلتي الوحيدة اني ماعرفتش نطيبهم ويحمارولي بالخف وما يتحلوش بسهولة
وانا حابة نتحصل على لونهم يكون كيما هكا
من فضلكن انصحوني باه نعرف نقليهم ونحلهم مليح اثناء القليان
وثاني شيء حبيت نعمل مقرقشات الوردة
كمان كنت جربتهم من قبل لكن بطريقة القليان والعجينة فيها الخميرة
وشفت هاذ الوصفة نتاع ام اماني
والصراحة تساعدني لانو نخليهم يرتاحو مدة طويلة ومين نرجع نطيبهم
والطياب في الكوشة نتحكم فيه افضل من القليان
لي جربت الوصفة او الاخت ام اماني ممكن تمدولي نصائح لانو حابة نجربها
تان هاذ الحلوى نتاع ام اماني
https://www.djelfa.info/vb/showthread.php?t=1237194
ممكن تقولولي اذا جربتوها هل الحشو مايخرجش على الجوانب خاصة انو ماراحش نغلقوها بالكل
وهل كي تتنفخ ماتتحلش
يعني في الزاوية كي نغلقوها نرصو برك ولا نعملو بياض بيض
والف شكر للجميع مسبقا
هذا يساعدك باش ما تحمارش عند القلي
|
المشاركة الأصلية كتبت بواسطة zaklam
 أحسن حل أنك تضيفي ملعقة خل للعجينة اللي تتقلى
هذا يساعدك باش ما تحمارش عند القلي |
وين الخبيرات نظن راكم عطلة
للرفع
انا تاني نقلك اضفي شوية خل مايخلهاش تحمار
شكرا اختي نجمة البحر لكن المشكلة انو اضفت ملعقة خل كبيرة في العجينة ومع هاذاك حمارت
أو أضفتي السكر للعجينة ؟………
موفقة
الله يعطيك الخير يا فيفي شوفي
الاولى لازم النار تكون خفييييييفة و طيبي بالحبة كي تلوحيها في الزيت ارمي شوي عليها كي تتنفخ وقفيها على الاوراق و لوحي الزيت باه يتحلو الورقات مليح و تجيك بهذاك الشكل الجميل راني نخدمهم
الثاني نتاع الوردة مليح و يشد اليد و ناجحة خدمتها ثاني
الثالثة نتاع ام اماني روعة اخجمي كيما قاتلك راه الحشو ما يخرجش
و نصيحة المقرقشات طيابهم دايما على نار خفيفة لكن خلي الزيت تسخن مليح غير الحالة الاولى راهي نار خفييييييفة باه تبقى بيضاء صح نهايلة و تتفتت وحدها ديريهم على ضمانتي
الملتزمة بإذن الله,,,السلام عليكم أخواتي ,,عن تجربة شخصية انا جربت وصفة مقرقشات الوردة عدة مرات بالطريقة العادية اللي فيها الخل و الخميرة بنوعيها وكانت ناجحة و خرجو هايلين . . أما جربتهم مرة وحدة بطريقة أم اماني رب يحفضها في غيابها وللأسف تجربة فاشلة و ما خرجوش ملاح .رب يوفقك أختي و تنجحي في الوصفات .