طلب مساعدة من البجاويات او اهل البرج 2024.

السلام عليكم
اخواتي البرجيات او البجاويات اريد مساعدة منكن بخصوص طبق تقليدي خاص بالمنطقة و هو تكربابين
لي صديقة راها تتوحم و تو حمت على التكربابين ذاقتها مرة عند وحدة من البرج و انا عمري ما درتها و راني باغية نديرهالها و راني خايفة ما نعرفش و الا تتفتت لانني اطلعت على الوصفة في النت بغيت تعطيوني نصائح ووصفة مضمونة باش ننجح فيها و اجركم على الله

ام طيري الجنة تقصدي هدا حنونة

نعم اختي لينا اللي يجيو فيه دي بولات بالسميد

ربي يحفظك لينا هذا وين شفت الوصفة نتاعك هااايلةو يعطيها الصحة اختك و مشكورة على النصائح و راكي سخفتيني انا تاني و على اكثر تقدير غدوة انديره ان شاء الله و بصحتك مسبقا و ادعيلي بالتوفيق

khti la3ziza hna malfin ndirouh kima ta3 lina mais tjrs beljaj w les boules hadouk ta3 smid nchemkhouhoum b la souse ta3 les legumes li tayebnaha w tji bnina thabal

اقتباس:

المشاركة الأصلية كتبت بواسطة hanane ite khti la3ziza hna malfin ndirouh kima ta3 lina mais tjrs beljaj w les boules hadouk ta3 smid nchemkhouhoum b la souse ta3 les legumes li tayebnaha w tji bnina thabal

شكرا اختي بارك الله فيك على المساعدة رمضان كريم

سلام يا أخت ، سوف أعطيكي وصفة ناجحة جدا ، تقوم جدتي بإعدادها :
وجدي مرقة حمرة ، تتكون من البصل ، اللحم ، الفلفل أكحل ، ملح ، قرفة ، فلفل عكري ، زيت ، طماطم حب و طماطم مصبرة ، و قلي ثم مرقي ، و عندما تمرقي كثري الما تاع التمراق خاطر تسحقي مبعد لصوص .
خذي سميد خشين نتاع المقروط ، و دوزنيه بالشحمة تاع الغنمي مقطعة رقيق ، نعناع ( لازم) ، فلفل عكري ، فلفلف أكحل ، ملح ، كاس ماشي كبير مخلط ما بين زيت و سمن ، و بسي مليح ، و عندما تغلي المرقة نتاعك ، خذي لالوش و بداي رفدي منها و صبي على الخليط تاع السميد و عجني بأطراف أصابعك حتى تتحصلي على عجينة متجانسة ماشي يابسة بزاف و مائي طرية ، يعني تقدري ديري بيها دي بول ، مبعد خذي قدرة و كسكاس ، و صنعي دي بول و فوريهم لمدة 10 دقائق ، و لا زم تدهني الكسكاس نتاعك ، و تبداي تحطي في الحيات ، يكونو قد حبة البطاطا المتوسطة ، و حطي فوق بعضاهم و متخافيش يلسقو ، و مبعد لي تخرج الفورة نتاعهم ، نحي الحبات و حطيهم ، أرجعي للصوص نتاعك ، أرمياها الحمص و كل الخضر اللي تحبي ( لفت ، زرودية ، قرعة ) و في الوقت الخرشوف نديريو الخرشوف .
كي تطيب المرقة أرمي الحبات نتاع الكرباب ذاخلها و تركيها تغلي لمدة حوالي 15 دقيقة ، و طفي ، كي تكوني تقدمي في الطبق ضعي حبة كرباب في الصحن و سقيه بشوية مرقة و اللي يكون ياكل يقطع الحبة و يسقيها باللصوص ، و شهية طيبة .

شكرااااااااااااااااا