السلام عليكم
اختى ام رامى رانى حابة الوصفة نتاع السوفلى )كالازون من عائلة البيتزا(كيما الى يتباع برة انا جربت بصح يجينى كيما الخبز من الداخل مش كيف الى يتباع يجى منفوخ ومافيهش العجين من الداخل الله يخليك متنسينيش
مساء الخير اختي
اعتمدي هذه العجينة وكوني متهنية خفة وهشاشة شكليها كيما السوفلي واحشيها كيما تحبي باللحم المرحي الطون الدجاج مع الصوص والجبن اكيد وخليها تخمر مليح بعد التشكيل
موفقة
حبيبتي اولا تحياتي ليك وللاخت ام رامي الي نعتز بوصفاتها واكيد الوصفة الي مدتهالك ناجحة لكن انا عندي وصفة اخرى في صنع السوفلي طبعا احيا نا نخدمها باي عجينة من انواع المعجنات الي نعتمدها لكن تبقى الوصفة الاصلية الناجحة كالتالي
500غ فرينة وشوية ملح
ملعقة كبيرة و نصف خميرة الخبز مدابة في شوية حليب دافي
3 ملاعق زبدة دائبة
3ملاعق كبيرة زيت
ملعقة حليب مجفف
بيضة
تجمع العجينة بحليب دافي
وتخرج ليك فارغة من الداخل وطرية
شكرا على السؤال و شكرا على الاجابة
السلام عليكم ورحمة الله
حبيت نحط رابط تع وصفة السوفلي ممكن انك تجربيها وانا مجربتها تجي هايلة وهي نفس الوصفة تجي بيها البيتزا الايطالية نفس العجينة والسر فيها انك تعجنيها بكاس قازوز ابيض يعني نصف الكمية ماء ونصفها قازوز اذا حبيتي تجيك خفيفة بزاف واذا نورمال عاذي بالما برك تجي هايلة
https://www.djelfa.info/vb/showthread.php?t=1021340