السلام عليكم
طريقتي في طبخ الارز الاسود
https://www.djelfa.info/vb/showthread.php?t=1601228
درت زوج كيسان روز اسود في الماء وخليتو يتشمخ 3سوايع فما فوق((لااااازم يتشمخ))لانو ياخذ وقت في الطياب وزدت طيبتو في الماء نص طياب ((نص ساعة تقريبا))
https://im87.gulfup.com/SSFF5X.jpg
وللمعلومة تني كي شمختو رجع الماء لونو اسود
وكي غليتو في الماء رجع لونو اسود ايضا مما جعلني بدلتو الماء وشللتو باش درتو في المرق
حضرت مرق بالبصل مقطع وثوم ولحم قليهم مليح ملح فلفل اكحل كسبر فلفل احمر حار مرحي (اختياري))حبة طماطم مكرفجة مغرفة طماطم مصبرة زرودية مقطعة وجلبانة وحبات زيتون اخضر وتمرقيهم وخلي المرقة تطيب
وكي تطيب المرقة نحي اللحم وشوية مرقة على جيهة((تستعملها من بعد اذا نشفلك الروز
صفي الروز هذاك لي طاب نص طياب وديريه في المرقة ل بقات وخليه يتشرب حتان تشوفيه طاب
https://im87.gulfup.com/JOnMFa.jpg
https://im87.gulfup.com/cf3nxG.jpg
https://im87.gulfup.com/MbrDOV.jpg
ان شاء الله يعجبكم
ارز اسوووووود !!!!!!!!!!
أين الطريقة
بارك الله فيك اختي
لكن اين المقادير
ضعي الكيفية
مليح التغيير
الله يسلمكم
راني كتبت الطريقة
بصحتك اختي تفاحه
تفاجة بفداه سعره وينين ؟؟؟؟؟؟؟؟؟؟؟؟؟
الله يجازيك
و طعمو وش هو ه
أول مرة نسمع بيه و نشوفو
بارك الله فيك اختي تفاحة ولكن الأرز هذا يتقدم مخلط مع الأرز الابيض والبني ان امكن ما يجيش وحدو
بصحتك تفاحة شفتي راكي شاطرة طيبتيه
|
المشاركة الأصلية كتبت بواسطة أم ماجد
 تفاجة بفداه سعره وينين ؟؟؟؟؟؟؟؟؟؟؟؟؟
الله يجازيك |
اختي ام ماجد سعرو نسيتو للاسف 
لاننا شريناه وسط اشياء كثيرة من السونطر 
|
المشاركة الأصلية كتبت بواسطة أم معاذ أم معاذ
و طعمو وش هو ه
أول مرة نسمع بيه و نشوفو |
طعمو اختي يختلف عن الارز الابيض
قالابيض يكون خفيف وهاذا الارز لانو ارز كامل جاني شوية ثقيل يعني تاكلي منو كمية قليلة تشبعي
وذوقو ايضا جاني يشبه للقمح المغلى (((حنا نسموه لشرشم عرفتيه)))
لكن انا عجبني وحسيت اني ناكل في بنة ماذقتهاش من قبل
يعني كاين فرق بينو وبين الابيض
عليها يقولو الارز الكامل لاحتوائه على فيتامينات اكثر من الابيض
|
المشاركة الأصلية كتبت بواسطة ابتسام23
بارك الله فيك اختي تفاحة ولكن الأرز هذا يتقدم مخلط مع الأرز الابيض والبني ان امكن ما يجيش وحدو
|
وفيك بارك الله
ماكنتش نعرف نطيبو اختي هاذي اول تجربة ليا فيه
وعلى حساب ماشفتو ربما فعلا ماطيبش وحدو ولازم يتخلط مع الابيض والبني ان امكن لانو الاسود وحدو جاني شوية ثقيل حبة تاعو تشبع
لكن كيفاش يخلطوه الله اعلم
اذا عندك كاش طريقة اخرى للطياب نتمنى تفيديني بيها
|
المشاركة الأصلية كتبت بواسطة MINA-NINA16
بصحتك تفاحة شفتي راكي شاطرة طيبتيه
|
الله يسلمك اختي
مدام شريتو كان لازم عليا نحاول نجربو ونشوف كيفاش يخرج
يعطيك الصحة هذه اول مرة نسمع به
يعطيك الصحة حبيبتي هو فعلا يشبع و صحي اكثر على الروز الأبيض و حتى الروز البني راه صحي و بنين،، و باش تخلطيهم مع بعض تغلي كل نوع وحده في كمية من الماء و الملح و الرند و شوية زيت و تكوني وجدتي الصلصة تاعك و مين يقربو يطيبو صفيهم و خلطيهم مع بعض فالصلصة لي طيبتيها و خليهم يكملو الطياب غير شوية و طفي راح يزيدو يتشربو الصلصة و النكهات و تقدميه بالصحة و العافية
والله يا تفاحة هذه خرجة جديدة اول مرة نسمع بيه و نشوفو يعطيك الصحة و بصحتكم
بارك الله فيك اختي