السلام عليكم 
البارح درت كيكتين و زينتهم بعجينة السكر لعيد ميلاد ابن أختي نشالله يعجبوكم.
لطلباتكم سأضع خطوات كيكة سبايدر مان و الكيكة الأخرى أعتذر لم أصور خطواتها
بالنسبة للجينواز و عجينة السكر الوصفة من هنا https://www.djelfa.info/vb/showthread.php?t=1771856
أنا حبيت ندير الكيكة عالية و لهذا درت 3 جينوازات بالمقادير لي راهم فالوصفة و جينواز وحدة للرأس تاع سبايدر مان، أما عجينة السكر درت 3 بالمقادير لي درتهم 2 لونتهم بالأزرق و 1 بالأحمر، ونحتاجو أيضا ملون أسود.
كريمة الزبدة أنا ما درتش الكريمة العادية درت كريمة الزبدة لي جي بالشاربات و مقاديرها:
500غ زبدة من الأحسن ماني
125مل ماء
500غ سكر
5 بيضات
الطريقة :
نضع السكر والماء فوق النار و نخليه حتى يعقد و يدير النبابل يشبهو لعقاش نضرب شويا البيض تاعي و كي يطيب السكر نبدا نضيف فيه بشويا على البيض و نخلط بالباتور و نكمل نخلط حتى يبرد الخليط، كي يبرد نبدا نضيف الزبدة بشوية حتى نكمل كامل الكمية و في الأخير ديرولها الذوق لي تحبوه انا درتلها 2 ملاغق صغار فاني.
كي يطيبولنا الجينوازات كامل نحضرو شاربات ب كيلة سكر و 2 كيلاات ماء أنا كيلت ب طبسي تاع الشربة لأنو حبيتها تكون مشمخا مليح ماشي ناشفة، نشربو الجينوازات و ندهنوهم بكريمة الزبدة مليح و نغلفوهم و نحطوهم فالثلاجة يبردو عالأقل ساعتين أو ليلة كاملة، وبالنسبة لرأس سبايدر مان أنا شفت الصورة تاع الرأس تاعو فالأنترنت و رسمتها و حطيتها فوق الكيكة و قطعتها و شربتها و غلفتها بكريمة الزبدة.
نغلفو الكيكة الكبيرة بالعجينة الزرقاء و نليسيوها مليح
ونفس العملية للكيكة الصغيرة، بعد ما نغلفها نحكم بانسو صغير و نرسم الشبكة تاع سبايدر مان على الرأس تاعو بالملون الأسود، ونسيت ماقلتلكمش خليو شويا عجينة بيضاء باه تعملو بيها العينين و هذه الصورة اللي خدمت عليها
و في الأخير حطيت الرأس فوق الكيكة الزرقاء و زدت عملت بالعجينة الحمراء دوائر و رسمت عليهم شبكة سبايدر مان و نلصقوهم بشويا ماء ونشالله تجربوها.
انا الاولى ندي الطارطا بصح للأسف للذكور وانا عندي لبنات
ما شاء الله خرجت روعةةةةةة تسلم ايدك
احلى تقييم
4444444444444444444444444444444444444444444444444
ولا اروع يا ريت لو صورتينا المراحل
ماشاء الله روعة
ربي يحفظهملكم ان شالله
4444444444444444444444
تحفة يعطيك الصحة
السلام عليكم ورحمه الله وبركاته. يعطيك العافية حبيبتي لو تضيفي مراحل التزيين خطوة بخطوة من فضلك
ما شاء الله اهبلو تسلمي
يعطيك الصحة ربي يحفضهم
ya3tik sahha
haylin
الله يبارك هايليين
حبذا لو صورتينا الكواليس
|
المشاركة الأصلية كتبت بواسطة اسمهان79
 انا الاولى ندي الطارطا بصح للأسف للذكور وانا عندي لبنات
ما شاء الله خرجت روعةةةةةة تسلم ايدك احلى تقييم |
يعطيك الصحة أختي على الرد المشجع و التقييم نشالله تجربيهامو يفرحو بيهم بناتكم و ربي يشدهملك
|
المشاركة الأصلية كتبت بواسطة انيسة 3
4444444444444444444444444444444444444444444444444
ولا اروع يا ريت لو صورتينا المراحل |
يعطيك الصحة أختي لقد تم وضع الخطوات
|
المشاركة الأصلية كتبت بواسطة ام ملاك.
ماشاء الله روعة
ربي يحفظهملكم ان شالله |
ربي يبارك فيك أختي يعطيك آمين
|
المشاركة الأصلية كتبت بواسطة فوفو معلم
4444444444444444444444
|
شكرااا أختي