أقدم لكم اليوم طريقتي الخاصة لصنع البيتزا بالمنزل ، و صنع البيتزا جد سهل و لا يأخذ وقتا طويلا على الإطلاق و خصوصا إذا نظمت ربة البيت نفسها و عرفت كيف تقسم الأعمال
و أول شيء نبدء به عند صنع البيتزا هي العجينة ، حتى ترتاح و تنتفخ و تصبح مشبعة بالهواء من الداخل ، و كلما تركناها ترتاح ، كلما كانت النتيجة أفضل
ثاني شيء يجب المباشرة بعمله فور الانتهاء من العجينة هو صلصة الطماطم ، حتى تجهز و تبرد قبل أن نستعملها ، لأن استعمال الصلصة الساخنة فوق العجينة يكون طبقة فوقية تبقى عجينة حتى بعد طبخها
و ثالث شيء تحضير الزينة ، حتى ننتهي تزامنا مع طهونا البيتزا و نقوم بتزينها و أكلها مباشرة
و إليكم المقادير و طريقة الإعداد لكل مرحلة خطوة بخطوة
المرحلة الأولى العجينة:
المقادير :
1 كغ دقيق " فرينة "
كأس من السميد المتوسط
فنجان صغير زيت
ملعقة صغيرة خميرة الخبز الفورية " يستحسن الخميرة ذات الحبيبات الصغيرة و التي توضع مباشرة في العجين دون إذابتها بالماء "
ملعقة صغيرة ملح
2 علب خميرة بيكين باودر " 2 باكي خميرة القاطو "
ماء دافئ قليلا فقط
التحضير :يخلط الدقيق " الفرينة " مع الزيت جيدا ثم نضيف الخميرة و نبلل بالماء حتى تتكون لدينا كرة تكون طرية قليلا ، نضيف الملح في جزء من السميد و نضيف له الماء ثم نخلطه مع بقية العجينة و نضيف باقي السميد ، حتى نتحصل على عجينة سائلة قليلا ، نتركها ترتاح 10 دقائق فيتشرب السميد الماء و نتحصل على عجينة طرية نقوم بعجنها مدة ربع ساعة، ثم نقسمها إلى خمس قطع متساوية، ندهن الصينية بالزيت ،و بالزيت الذي بقي في يدنا نقوم بتدوير العجينة بين كفنا حتى تصبح كرة ملساء و رطبة
نضعها في الصينية و ندهن وجهها بقليل من الزيت حتى لا تتشكل لدينا قشرة خارجية قاسية ، و نتركها لتختمر دون أن نغطيها في مكان دافئ ، فوق الموقد ، أو فوق الفرن ، أو قرب المدفأة
المرحلة الثانية الصلصة :
المقادير :
كيلو غرام و نصف من حبات الطماطم يكون لونها أحمر ، لأن التي لونها أخضر أو أحمر باهت مائل للإصفرار تعطي مذاقا حامضا للبيتزا
فص ثوم صغير
حبة بصل متوسطة
3 معالق زيت
فلفل أسود رشة فقط
ملعقة صغيرة ملح ممتلئة لأن الزينة مالحة
ملعقة كبيرة من صلصة الطماطم
التحضير :بعد الانتهاء من العجينة مباشرة نشرع بطبخ و تحضير الصلصة حتى تجهز الصلصة و تبرد قليلا و بنفس الوقت تختمر العجينة
نضع حبات الطماطم المقطعة و الثوم و البصل مع الملح و الفلفل الأسود في إناء طهي ، و نضعها على الغاز على نار قوية ، و عندما يخرج منها الماء نضيف الزيت و الطماطم و نتركها تطهى جيدا حتى تجف من الماء ، مع التحريك المستمر حتى لا تحترق بأسفل الطنجرة
نبعدها عن النار و نقوم بطحنها بالمطحنة اليدوية أفضل ، حتى تبقى الفضلات و القشور بالأعلى و ينزل معجون الطماطم الصافي فقط
إذا كانت الصلصة تحتوي ماء كثيرا يجب إرجاعها للنار حتى تنشف أكثر مع التقليب المستمر ، حتى نتحصل على صلصة خاثرة و ناشفة تقريبا من الماء
المرحلة الثالثة التزيين :
المقادير :
3 حبات من البيض
فلفل أخضر 4 حبات
بصل دائري الشكل 2 حبات متوسطة الحجم و يفضل البصل الأبيض لحلاوته
سلامي " كاشير "
جبن البيتزا " يباع عند جميع المحال " و لا يشترط أن يكون شيدر
زيتون أخضر و أسود مغسول جيدا و مقطر
مايونيز
التحضير :تحضير التزيين يجب أن يكون متزامنا مع تحضير الصلصة ، و يمكن صنع الزينة و الصلصة بيوم ، و تجهيز العجينة و تحضير البيتزا في اليوم الموالي .
نبرش الجبن برشا خشنا في المبرشة الكهربائية " الروبو "
نبرش السلامي كذلك في المبرشة الكهربائية
نسلق البيض
نقطع الزيتون الأسود إلى قطع صغيرة مع نزع النواة
نغسل الفلفل الأخضر و نقسمه نصفين و نزيل الخيوط الداخلية ذات اللون الأخضر الباهت لأنها تضفي نكهة مرة و نقطعه إلى شرحات كبيرة 1 سنتيمتر تقريبا
نقشر البصل و نغسله و نقطعه شرحات متوسطة
نضع البصل في طنجرة على النار و فوقه الفلفل الحلو ، نضيف إليهما فنجان ماء ، رشة ملح و رشة فلفل أسود ، و ملعقة زيت ثم نغطيهم دون تحريك
بعد أن يذبل البصل و يخرج الماء ، و يتغير لون الفلفل ، نحركهم بيت تارة و أخرى ، حتى ينضج الفلفل و البصل مع ، ثم نقوم بتقطيرهما من الماء و الزيت
المرحلة الأخيرة " تحضير البيتزا " :
بعد أن سخنا الفرن على الأقل لمدة ربع ساعة
نمد العجينة التي اختمرت في الصينية بأطراف أصابعنا حتى تتخذ الشكل الدائري
نضع أربع ملاعق كبيرة من الصلصة و نمدها على العجينة حتى تتوزع بالتساوي ، و لا تضيفي أكثر من أربع ملاعق ، ثم نقوم بثقبها بالشوكة جيدا حتى نخرج منها الهواء و لا تنتفخ
نضع الزيتون الأخضر على المحيط على حسب القطع لكل قطعة زيتونة
نتركها مدة ربع ساعة أخرى فوق الفرن حتى تختمر أكثر ، ثم ندخلها الفرن على درجة الحرارة القصوى لتطهى أولا من الأسفل ، ثم من الأعلى لأنها من فوق لا تحتاج سوى لخمس دقائق
و الأفضل أن تحضري جميع الصينيات بوقت واحد و تتركيها ترتاح و هكذا ، تخرجين الأول و تدخلين الثاني و هكذا
كما يمكنك مدها و تقطيعها بكاس عريضة و جعلها بيتزا لقيمات
بعد أن تخرجي البيتزا من الفرن أضيفي لها البصل و الفلفل الأخضر
ثم الجبن المبشور
ثم المايونيز ، ضعيها في قطعة نيلون أو كيس بالمنتصف، و اربطيها بإحكام ثم اثقبيها ثقبا جد صغير و اضغطي فتخرج تعرجات جميلة
ثم السلامي المبشور
نصف بيضة
و أخيرا قطع الزيتون الأسود
فتتحصلين على بيتزا منزلية روووووووووعة ولا أشهى و مغذية جدا
بألوان ولا أروع الأحمر و الأصفر و الأخضر و الأبيض و الأسود ، تجلب خصوصا الأطفال الصغار
ملاحظة : يمكن استعمال أي زينة تريدينها ، بتغيير ما تشائين ، و أنا خصوصا لا أستطيع الاستغناء عن الفلفل الأخضر في البيتزا
يمكنك استعمال اللحم المفروم المطبوخ
أو تكسير بيضات كاملة
أو الفطر
أو شرحات من المرتادلا " الباتي "
و كل واحدة حسب إمكانياتها
أرجو أن تجربوها و تعطوني رأيكم
و شهيتكم طيبة
المرة القادمة ان شاء الله اضيف الصور
بارك الله فيك لازم نزيدو الدقيق
شكرا عل المرور ام ماجد نورتي الصفحة
ايه الدقيق لازم يضاف
كاين البعض بفرشو الدقيق شايح باه يمدو العجينة بدل الفرينة
انا نفضل نوضعو فالعجينة احسن
الدقيق يعطي قوام و بنة للبيتزا
اشكرك على الرد
لا شكر على واجب عزيزتي ام ماجد ربي يحفظو ان شاء الله
نحن هنا في للخدمة و للتعاون
يعطيك الصحة اختي في انتظار الصور باذن الله
ربي يحفظك
يعطيك الصحة اختي في انتظار الصور باذن الله
ربي يحفظك
بارك الله فيك
مشكووووووووووووووووووووووووووووووووووووووووووووووو وووووووورة
يعطيك الصحة
شكرا لمروركن اخواتي نورتن الموضوع
مملكة لينة
تيارت
لينا
لمياء
يعطيك الصحة اختي على الوصفة ان شاء الله نجربها في القريب العاجل
كي تخمرلك العجينة تكسريها ولاتخدميها بصباعتيك بلاماتكوني كسرتيها ؟
نقدر نحلها بالحلال ولا الافضل اني نحلها بيديا ؟
وكي تحليها وتخليها تخمر في سنيوة ماتخافيش عود تخرجلها الخميرة ؟ لخطرش سبقلي وخليت عجينة تخمر قبل مانتدخلها للكوشة وجاتني قارصة بعدما طابت لخطرش لخميرة خرجتلها
شكرا لمرورك اختي اسماء
انا عجينة البيتزا نخليها ترتاح 10 دقائق ماكسيموم باه تتشرب السوائل فقط و من بعد نعجنها و نقسمها الى 5 او ست قطع صغار لأنو كل ما كانت البيتزا صغيرة كل ما تطلع بسرعة و ما تروحش فعالية الخميرة
نحطها فالصينية المدهونة بالزيت و من فوق ندهنها بشوية زيت بين الكفين تاع يديا باه" الوجه يعني " اولا ما تعمليش قشرة و هي ماش مغطية
ثانيا هاداك الزيت ما يخليش الطبقة الفوقانية تجي مشمخة و معجنة بعد ما نحط الطماطم
نخليها تطلع شوية و نقرصها فالصينية و هي ماش طالعة مليح تقرصها من الوسط للحواف
نحطلها الطماطم و الزيتون و نثقبها و نخليها تخمر و يتضاعف حجمها
بعد هاذا مالازمش تزيدي تحركيها و لا تضغطي عليها لأنو لما تختمر مليح و تقرصيها او تحركيها راح تهبط
خليها تخمر 15 حتى 20 دقيقة على حسب الجو
استعملي صبعط فقط لكان صبتيها طرية و طالعة و حجمها تضاعف حطيها الطيب
و ما تخافيش تخرجلك الطلعة و تفسد لخميرة لأنو فيه ملعقة فقط
و خميرة الحلو ى راح تزيد تعاون العجينة فالطلوع
انا و الله نعملها جميعا في نفس الوقت 5 او 6 صينيات بجنب بعض
و نقرصهم و نعمل فوقهم الطماطم و الزيتون و نخليهم فوق الطاولة و نروح نكمل شغلى مرات حتى ساعة
و لما نرجع يكون الفرن ساخن جدا نرتبهم فقط الاول لي قرصتو و خليتو يخمر الى الأخير
الصراحة انا نستعمل الموقد " الكويزينيار " نطيبها من الاسفل نخرجها نحطها فالفرن نطيبها من الاعلى
و هكذا الصينيات في 6 ما ياخذليش نصف ساعة طياب خخخخخخخخ باه نسرع
ان شاء الله غدا او بعد غد رح نصور الخطوات و النتيجة باه تفهمو اكثر
و نسيت نقولك على الحلال
الحلال هو لي يفسد العجينة عزيزتي لأنو لما تضغطي الهوا لي تشبعت بيه العجينة و يخليها خفيفة و هشوشة كامل راحل يروح و تنزل العجينة
و خصوصا اذا خليتيها خمرت مليح ماش رح تعاود تطلع كيما الاول