………………………………………
اهلين حبيبتي نعطيك طريقتي ونشالله تعجبك الكورجيت نقيها مليح و نفرغها من الداخل ومن بعد نقسم الحبة على 2 بالعرض و نحمرها في الزيت و نكون موجدة اللحم مرحي كيما تاع البوراك و نحشي بيه الكورجيت و من بعد نستفهم فالمول و نسقيهم بالصوص تومات و ندخلهم للكوشه حتان يطيب الحم و تخثار الصوص و تقدميها مع الفريت نشالله نكون افدتك حنونة
اين هي الكوسة
السلام عليكم
اريد طريقة تحضير الكوسة(الجريوات) المحشية بالفرن تكون عن تجربة.
وشكرا مسبقا.
انا نفور الكوسه و البطاطا و من بعد نفرغهم من الوسط و نعمرهم بالخلطه و هي عباره عن لحم مفرم بصل مفروم طماطم مفرومه فلفل اسود ملح معدنوس مفرم
و من بعد ديريهم في قالب خاص بالفرن و خليهم يطيبو نحب بزاف هدا الكيفيه كليتها عند عجوزتي عجبتني
السلام عليكم عندي طريقة عمل الكوسة
احكمي حبات الكوسةاغسليهم و اقسميهم على زوج فرغيهم وديريلهم فلفل اكحل وملح شوية برك خليهم ساعة حاتان يطراو
ومن بعد عمريهم بالكفتة متبلة (فلفل اكحل ملح بصل ثوم بيض زبدة شابلير معدنوس)وعمريها واقليهم
كي يطيبو طيري فوق كل نصف صوص تومات وفرماج روج والصوص تكوني حضرتيها قبل والله تجي هايلة خير من تاع الفور ورديلي الخبر