اليوم غنشارككم بهاد الطبق اللي درت للغدا ايوا كنجمع الخبز اللي كيشيط ونقطعو ونديرو في الفركو لليوم الاسود ههههههه الله ينجينا وينجيكم
نبداو على بركة الله غنحتاجو
بصلة كبيرة مقطعة على الطول+3مطيشات متوسطين منقين ومقطعين+قزبر ومعدنوس مقبط+ملح+بزار+زعفران او خرقوم+سكنجبير نعملوهم فالكوكوت ونصيف ليهم الزيت وشوية السمن ونردوهم فوق البوطة يتشحرو
من بعد نضيف العدس ونخليوه يتشحر شوية ثم نصيف الفول يابس بطبيعة الحل يكونو منقين ومغسولين
ومن بعد نضيف الماء الكافي وضامة البنة بقري ونسد الكوكوت حتى يطيب القوام
ملي يطيب المرق نعمل الخبز مقطع في الكسكاس حتطلع الفورة ونزلوه في طبسيل اوو قصرية ونسقيوه بالمرق وهاهو الطبق النهائي
مشكور اخي اعلا الصفة