اخواتي الغاليات
اوطلب منكم مساعدة في طريقة الحفاظ على الحلويات
لمدة طويلة شهر تقريبا
علما ان الحلويات
هي دزيريات
عرايش معسلة
غريبية
وقاطو بنوادو كوكو
ربي يجازيكم كل الخير
محتاجة ضروري ساسافر باذن الله
وحبة نخدم قاطو لجارتي كأختي رايحة تزيد
بعد شهر
ان شاء الله
لاتبخلن علي بافكاركن وتجاربكن
اخواتي
اذا عندك كونجيلاتور اخدمي وخبي فيها راني جربتها والقاطو ما يصير بيه والو وانما نحيه 3ساعات هكذاك قبل ما تقدميه
|
المشاركة الأصلية كتبت بواسطة كريمة21
 اذا عندك كونجيلاتور اخدمي وخبي فيها راني جربتها والقاطو ما يصير بيه والو وانما نحيه 3ساعات هكذاك قبل ما تقدميه
|
بارك الله فيك اختي على الرد
ممكن تشرحيلي كيفاش تحطيه في علب بلاستيكية ولا علب كارطون
وعندي سؤال بالنسبة للحلويات المعسلة كيما القنيدلات تخبيها معسلة ولا بلا عسل
والقاطو بالقلاصاج يبقى طري مييبسش القلاصاج نتاعو
وجزاك الله الجنة
شوفي اختي نعطيك طريقة لحفظ الحلويات حتى 3 اشهر وتبقالك جديدة ان شاء الله
حطي الحلوى المراد حفظها بعلب حديدية حتى لا يتغير طعمها لان علب لبلاستك تغير من طعم الحلويات وهاذ عن تجربة
حطي طبقة من الحلويات ثم غطيها بورق زبدة و ضعي طبقة ثانية وغطي وغطيها بورق زبدة غطي كل العلبة بفيلم اليمونتار اي النيلون الخاص بالطعام اللذي يمنع دخول الهواء و الرطوبة
ثم غطي بطبقة ورق المنيوم ااغلقي العلبة وحطيها بكيس بلاستيكي ودخليها الكونجيلاتور بهذه الطريقة لن يصلها رطوبة الكونجيلاتور وتحافظ على طعمها وشكلها قبل التقديم طلعيها من الكونجيلاتور ب 4او 5 ساعات قبل التقديم
اذا حلوى معسلة عاودي عسليها وقدميها راح تحسي انها جديدة وكانها حضرت بالحين
بالنسبة للغريبية و الحلويات لخفيفة ما تحطيش في العلب طبقات كثيرة فوق بعض
باش ما تتكسرش او ما تتفتتش
العلب الحديدية احسن علب لحفظ الحلويات لهذا نجد ناس زمان كانو يستعملوا الاواني النحاسية مثل المحبس لحفظ حلوياتهم لاطول مدة ممكنة دون ان تفسد او تتلف
لهذا اذا عندك محبس نحاس تقدري تحفظي فيه الحلوى بنفس الطريقة وانت مطمئنة
اما علب لبلاستك تغير من طعم الحلوى وتعطيها نكهة غير مستساغة و رطبة تخليها تبان بلي قديمة
هذه تجربتي وان شاء الله تنجح معك
وان شاء الله تفيدنا الاخوات بتجاربهن للاستفادة اكثر والله اعلم
بارك الله فيك اختي امازيغية على الشرح المفصل
لكن الكمية كبيرة وعلب الحديدية غير متوفرة
هل يمكن تعويضها بعلب بلاستيك مغلفة من الداخل بورق الالمنيوم ؟؟؟؟؟
انتظر تفاعلكن وردودكن اخواتي جزاكن الله جنة الفردوس
واش بيكم اخواتي حرام عليكم المشاهدات بالمئات والردود زوج
لاحول ولاقوة الا بالله
انا جامي جربت كمية كبيرة وخبيتها مانقدرش نفيدك اسمحلي برك حبيت نقلك الحلويات المعسلة كاين لي يقولو خبيها وهي معسلة وقبل ماتحطيها عودي ديريلها لعسل وكاين لي لي يقولو لالا الله اعلم
ايه تقدري لكن بين الطبقات حطي ورق زبدة او ورق مشمع و موفقة
أختي أنا نحطو في الثلاجة في علب بلاستيك يقعد نفسو والله أعلم
حنا نحطوه في علب بلاستيك لكن ماحسيتش بنتو تتبدل ممكن مانطولوش بزاف في حفظ اكثر من شهر
والمعلومات الي قالت عليها الاخت امازيغية وافتخر عجبتني بحول الله نجربها
الأخت أمازيغية راهي كفت و وفت و الحمد لله
نعم تقدري اديريهم في علب بلاستيكية ما يصرا لهم ولو عن تجربة وما كان حتى ريحة بصح اغلقي مليح عليهم
والاخت امازيغية عندها الصح كقالت كانو ناس زمان يحافظو عاى الحلويات في اواني نحاسية بصح كانويحطو الاواني في لبلاكار تع المطبخ مشي في الالكونجيلاتور لان تجميد الحلويات راه حاجة حديثة
ويعطيها الصحة امازيغية راه شرحت لك كفاش اجمديه تبعي الطريقة وربي يوفقك
عزيزتي انا بحطهم بعلب حديد متل مل تفضلت الاخت امازيغيه بزبط
ولو لم يتوفر عندك علب حديد ممكن تحطيها بورق الزبده اولا ثم لفيها بورق القصدير ثم لفي ورق القصدير بنايلون المخصص لطعام حتى تتأكدي انه لن يدخل اي هواء الى الحلويات وتتأكسد وبتالي يتغير لونها وطعمها
وممكن تحتفظي فيها لمده طويله بهذه الطريقه لجميع انواع الحلويات
اما بالنسبه لعلب البلاستك فلا انصحك الاحتفاظ فيها لمده طويله ممكن تحتفظي فيها ل ثلاث الى اربع اسابيع بعد ذلك بتغير طعمها وهذا عن تجربه
وموفقه حبيبتي وصحه وهنا مقدما بتمنى اكون افدتك ولو بشئ بسيط
يعطيك الصحة