السلام عليكم يا لحراير
ايا شكون الشاطرة فيكم توريلي كيفاش نطيب كاش طاجين فيه البسباس و الجاج
و اجركم عند الله
شوفي اختي هاد الطريقة اخوتي مايحبوهش خلاص مي غير نديرو هاكا ميبقا فيه والو نحكم البسباس نقيه و نقطعو دوائر و نفورو مليح مع الملح و الفلفل و الكمون ومن جهة اخري ف طاجين نقطع الجزر دوائر رقاق نقليهم ف شوية زبدة ولا سمن يجي و حبة بصل نقطعها رقيقة توم حبة طماطم مسكرفجة .ملح فلفل اسود زعفران طرف جاج مليح باه ف الاخير نحيه و نفتو .نزيد شوية زيت نقليهم و من بعد نضيف الماء ماشي بزاف و نغطي حتي يطيبو نحي الجاج نفتوفوق المرق لي عندي و نجيب تاني البسباس المفور ومن جهة اخري كنتي قليتي حبة بطاطا مكعبات صغار ضيفيهم نخلط بيدين الطاجين برك باه يتجانسو المكونات نضيف المعدنوس و نكسر عليهم البيض .و هدا هو والله متحسي ب بنة البسباس هايل بزاف.مي كتري من الكمون يجيك هبال.
يا عمري بارك الله فيك
تسلمي
يبارك فيك الزينة ان شاء الله تجربيه و تقوليلي عجبك وين راكم ي الفحلات قولولنا كيفاه ديروه.
ههههههههههههههه يعطيك الصحة يا الفحلة
راني درتو في العشا
و كوفتهم بالبسباس ما كاش لي فاقلو
و المفيد بزاااااااااااااااااااااف بنين
بصحتكمممممممممممممممم اختي هداك هو المفيد مافاقوش و اكيد البنة.
يعطيك الصحة