صديقتي السورية تسألكم .ربي يعيشكم ماتبخلونيش بالإجابة 2024.

السلام عليكم
بالمختصر …صديقة سورية تريد أن تأتي مع زوجها وأولادها للعيش بالجزائر بعد ما غلقت أمامها جميع الأبواب …لكن لما سألت بعض السوريات قالولها بأنو معاملة الجزائرين للسوريين سيئة ……
هي الآن تسألكم مما وضع الجالية السورية بالجزائر ، وزوجها يعني من السهل يلقى عمل وأولادها مقبولين في المدارس الجزائرية …..ربي ييجازيكم اللي ييعرف يجاوب هي راح تقرأ تعليقاتكم …والسلام عليكم

أسلم عليكم ورحمته الله

أخت من سورية من قال هدى كلام على الجزائريين

غير صحيح امتلات الجزائر بي سوريين كلكم

مرحباً بيك أخت من سورية

الجزائر بلدكم التاني

الجزائر أم اليتمة

تحياتي لك

كوريين و افارق لقو عمل فما بالك بالسورين

مرحبا بالسوريين اولا ما قيل غير صحيح وانا شاهد على معاملة عائلة سورية يومبا امامي حتى من دون عمل لا يتركونهم يحتاجون شيئ

لكن ماقلتوليش الأطفال مقبولين في المدارس…وهل كاين مساعدات من طرف الدولة للعائلات السورية ???

السوريين راهم عايشين في الجزاير ماشاء الله ، بالعكس المعاملة من احسن مايكون و حتى المساعدات ، الأولوية ليهم و هذي لاحظتها بزاف ، قوليلها جي مرحباً بيها و راهم على العين و الراس هي و كل السوريين ، الجزاير بلادهم كيما بلادنا ، و ربي يتولاهم و يفرج عليهم يا رب

مرحبا بيها بيناتنا
بالنسبة للمدارس نعم يقبلوهم عادي
كاينة وحدة سورية تقرا في مدرسة ابتدلئية مع اختي

السلام عليكم
صراحة اختي ما رانيش نشكر في بلادي لكن لي جي ليها يعيش .لدرجة الماليين لي كانوا هنا ورجعوهم لبلادهم لقاوهم في الحدود راجعين وهذا دليل على سهولة العيش في الجزائر …..ننصحك حاجة اختي يليقلك يكون عندك نتي وعائلتك اوراقكم الشخصية وكلش ساهل
القانون في الجزائر يساعدكم في كل شيء تعليم مجاني .صحة مجانية لانوا لقيت وحدة سورية راحة دزيد عادي وكي سقسيتها قاتلي الحمد لله .اكيد اختي تجدي بعض الصعوبات في البداية ثم تتفرج عليك
حنا جزايريين سهلين في العشرة …………………ونتمنا لك اقامة جيدة

اقتباس:

المشاركة الأصلية كتبت بواسطة ام ياسين187 السلام عليكم بالمختصر …صديقة سورية تريد أن تأتي مع زوجها وأولادها للعيش بالجزائر بعد ما غلقت أمامها جميع الأبواب …لكن لما سألت بعض السوريات قالولها بأنو معاملة الجزائرين للسوريين سيئة …… هي الآن تسألكم مما وضع الجالية السورية بالجزائر ، وزوجها يعني من السهل يلقى عمل وأولادها مقبولين في المدارس الجزائرية …..ربي ييجازيكم اللي ييعرف يجاوب هي راح تقرأ تعليقاتكم …والسلام عليكم

يخي كذب يخي يجيونا هنا يقاسمونا في كلش يء ويزيدوا يكذبوا
والله يا اختي انا شخصيا تعرضت للوقاحة منهم وقلة الادب بدون ذكر واش صرا مرة في السيارة عطيتها النقود وكي حكمتهم زادت دورت لزوجي تتعامل معاه بوقاحة كي كي قالها مدينالك ربي ينوب عادت تدعي علينا واش ديري معاهم قوليللي يرحم باباك يجيوك لبلادك ويزيدوا يشركوا فمهم

هذا مثال بسيط

تسمى قوليلها الجزاير فاتحة ابوابها هنا الشناوة اللاتراك الهنودا الناس كامل راهي هنا ونصيحة اخرى لكان حبت تعيش مليح تحفظ ادبها هنا يعني الجزايري راهو ميكرديش تغلطي يعطيك الحس في الدقيقة بصح من بعد يفوتها اللي في قلبنا على لسانا

با النسبة للدراسة كل اطفال العرب والجالية العربية مقبولين في المدارس الجزائرية بدون استثناء با شرط واحد و وحيد احضار الوثائق الازمة للتسجيل كا شهادة الميلاد وشهادة اقامة تسلم من وزارة الخارجية الجزائرية

الخدمة على حسب المؤهلات + واش حاب تخدم

فلن يشعروا هنا أنهم غرباء