بسم الله الرحمن الرحيم
السلام عليكم
بطلب من أخواتي الغاليات في ركن واش طيبتي اليوم هاأنا نحط بين أيديكم وصفة ديسار إبتكاري السريع و لذيذ في نفس الوقت
نحكيلكم قصتو : أسيدي قالك زوجي كي روح من البلاد جاب معاه فواكه خوخ و برقوق و زعرورة و دلاع كبير أمالا حنا عائلة صغيرة و الحمد لله قعدوا في الثلاجة حبات قريب رايحين يفسدوا …. البارح حوست في النت لقيت وصفات كلها بالجلاتين و كيفيات طوال و تخلاط و أستناي 6 سوايع في الثلاجة إيييييييييييييه أيا و أنا ندور في الدار جاتني فكرة روحت نجري فتحت البلاكار و بديت هههههههه خفت تروحلي من مخي
شوفو هنا قشرت حبات خوخ و برقوق و جبدت بسكوي و عصير هذاك من البلاد علابالي عرفتوه ههههه
و الحاجة لي لقيتها تجمدلي الديسار في بلاصة الجيلاتين هو الفلون نعم الفلون بطعم الفانيليا مممممم
رحيت الخوخ و البرقوق كيما تشوفو و كيلتوا باش تعرفو القيس جاني نصف لتر…. حطيتو في طاوة زدتلوا كأس عصير خطرش عاقد + كيس فلون كميته تستعمل لنصف لتر سائل +ملعقة سكر و خلطت فوق النار بالفوي حتى الغليان
ممبعد غطست البسكوي بسرعة في ا لعصير و حطيتو فيالكؤوس الشفافة ثم فرغت خليط الخوخ و الفلون و خرجتهم يتبردوا ههههه
في هذه الأثناء طلعت شوية شانتيي و حطيتها تبرد في الثلاجة
شوفو هنا بعد ما بردو و جمدو مممم
درت الشانتييفي بوش طبعا أنا نخدمهم وحدي و زيني … ماكاش عندي قمع مشرشف حتى نهبط للبلاد و نشري باطة كيما نتاع أم ماجد هههههه عناد … نتي إذا عندك أستعمليه و زيني ثم درت خطوط بالشيكولاطة تقدري ديري كراميل و عاودي دخليهم للثلاجة لحين التقديم
ذوقه رهيب حتى زوجي تعجب فيه ههههه خوخ و فلون الفانيليا و شانتيي مممممم
ماشي شرط تتقيدي بالمقادير لعندي كيما البسكوي أستعملي واش عندك في البيت يا لوكان بيمو و العصير كذلك
السكر ذوقي درجة الحموضة و ديري عينك ميزانك و حسب ذوقك
سلاااااام
الله يبارك على المخ والمخيخ هههههههه
يعطيك الصحة ام انس رووووووووووعة
راني ديت حقي قبل مايهجمو
راني ديت قسمتي قبل ما يسبقوني هههههههههههههه
|
المشاركة الأصلية كتبت بواسطة ام بسومة
 الله يبارك على المخ والمخيخ هههههههه
يعطيك الصحة ام انس رووووووووووعة راني ديت حقي قبل مايهجمو |
|
المشاركة الأصلية كتبت بواسطة kokotg
راني ديت قسمتي قبل ما يسبقوني هههههههههههههه |
هههههههههه بصحتكم آآآآآ هاذي هي الدنيا مع الشاطرين هههه سعدت بكم كثيرا 
: dj_17:
يعطك صحة تسلم ايدك نجربو انشاء الله
نسيت التقييم والخمس نجوم
تستاهلي كل وصفاتك ماشاء الله
يعطيك الصحة الله يبارك شاطرة بزاف وتعجبيني بزاف شكرا على الوصفة هذو لرمضان وقعدات رمضان باش نشبعهم زوخ ههههههههههههههههه
وصفة رائعة شكرا يعطيك الصحة
يعطيك الصحة الله يبارك
تهبل حنونة كيما انت وبرافو يا أم الاختراع
بارك الله فيك
الله يبارك
يعطيك الصحة الله يبارك……………….عجبتني حكاية عصير البلاد………………..هههه
وهل الوصفة تقتصر على شلتك…………؟؟؟؟؟
شكرا أخواتي يعطيكم الصحة على التشجيع و المرور الطيب فرحتوني بزاف أستناو إخترعاتي الجاية هههههههههههه
أم ياسين ضحكتيني بصح على من الزوخ ههههههه
|
المشاركة الأصلية كتبت بواسطة البنت الجلفاوية
يعطيك الصحة الله يبارك……………….عجبتني حكاية عصير البلاد………………..هههه
وهل الوصفة تقتصر على شلتك…………؟؟؟؟؟ |
ههههه شكرا أختي بنت الجلفاوية لالا رانا كامل هنا شلة وحدة سررت بتواجدكي كثيرا