هاذي الشخشوخة قديمة خلاص ونظن هي اول نوع تاع شخشوخة ومن بعد بداو
يبدل فيها اليكم الطريقة
نحضر العجين سميد + ملح + شوي زيت ما نكثرش ونبل بالماء من غير ما نعجن نلم فقط ونقرص ونطيب ما نخليهاش تريحطول نبدا نطيب في طاجين الطين
وبع ما طيب نحطها في منشفة تاع الكسرة ونضربها باليد تاع المهراس باه تتقسم وتتفترش
ومبعد نلم المنشفة كيما الصرة
ونضغط عليها باليد كاني كانك تكسري في حاجة نتحصل على هاذ النتيجة
و الطروف لي يبق كبار نزيد نفتتهم بيدي ونتحصل في النهاية على هاذ الشخشوخة
اما المرق فهو كالتالي نقطع بصل خشين ونقليه ونقلي الطماطم تاع الحكة ورثخة تاع الفاح والثوم ونمرقونخليها تغلي
وكي تخثار نضيف ليها الفرماس مرنخ في المء الساخن نحيه من الماء ونضيف للمرق ونقطع فلفل خشين ونرميه حتى يطيب ونطفي النار وعلى قد ما تكون حارة تكون ابن واحلى
التقديم كي باش نسقوها نفوروها تفويرة خفيفة
ونصمغها بشوي دهان عربي ولي ما يحبش الدهان يدير الزبدة عادي
ونسقي بالمرق وناكل بالصحة والهناء
ان شاء الله تعجبكم انا نموت عليها خاصة كي تكون عليها لمة تشهي
يعطيك الصحة جات مليحة
بصحتكم جاتك هايلة
يعطيك الصحة باينة هايلة
جربي ديريها بدقيق القمح تجي بنينة
هذي شخشوخة امرزايم….. تجي بنينة وحارة وتنفع في البرد ….. بارك الله فيك
وهذي طريقتنا اذا بغيتي تجربيها …..
https://www.djelfa.info/vb/showthread.php?t=935421
|
المشاركة الأصلية كتبت بواسطة بوعنينبة
 يعطيك الصحة جات مليحة
|
الله يسلمك اختي شكرا
|
المشاركة الأصلية كتبت بواسطة مونية ك
بصحتكم جاتك هايلة
|
الله يسلمك عزيزتي مونية شكرا
|
المشاركة الأصلية كتبت بواسطة ام فريال
يعطيك الصحة باينة هايلة
|
الله يسلمك اختي شكرا
|
المشاركة الأصلية كتبت بواسطة أم ياسين الزهراء
جربي ديريها بدقيق القمح تجي بنينة
|
يعطيك الصحة اختي ايه وين دقيق القمح كانش ما تجينا صابة ان شاء الله
|
المشاركة الأصلية كتبت بواسطة zahra30
هذي شخشوخة امرزايم….. تجي بنينة وحارة وتنفع في البرد ….. بارك الله فيك
وهذي طريقتنا اذا بغيتي تجربيها ….. https://www.djelfa.info/vb/showthread.php?t=935421 |
ربي يحفظك اختي شكرا
يعطيك الصحة هذه شخشوخة الرخساس بنينة بالفعل
|
المشاركة الأصلية كتبت بواسطة maiss toussa
يعطيك الصحة هذه شخشوخة الرخساس بنينة بالفعل
|
الله يسلمك اختي شكرا لك وربي يحفظلك البنوتة
اليلام عليكم…الله يحفظك اختي ذكرتينا بام الرزايم الزينة وخاصة في وقت البرد مع الفلفل الحار والدهان الحر….يا سلااااااااااااااام…