اول شيء اتمنى تجربوه وانشاء الله ماتندموش انا الفكرة اديتها من عند وحدة حطت تورت السلق انا ما استعملتش العجينة نوجه ليها الف شكر على الوصفة وهذا الرابط
https://www.djelfa.info/vb/showthread.php?t=1689814
المقادير حسب عدد الافراد انا استعملت
زوج ربط سلق النوعية الكبيرة
زوج حتى ثلاثة حبات بطاطة
لحم مفروم انا شريت قيس 200دينار
جبن شيدار مبشور
جبن مثلثات النوع الي عندك
ثوم و بصل
فلفل اسود هريسة حسب الذوق فرينة وزبدة للبيشاميل
الطريقة
طبعا نغسل السلق نقطره من الماء نقطعه ونضعه في المقلاة ونضيف شوية زيت ونغطيه ونقص النار ونخليه يذبل
من جهة اخرى نقشر ونقطع البطاطا مكعبات صفيرة ونملحها ونقليها عادي
نذبل شوية بصل ونضيفلو اللحم المرحي ونتبله بالملح والفلفل الاسود والثوم و الهريسة 
في هذا الوقت لا ننسى اشعال الفرن يسخن
ولا ننسى البيشاميل انا شخصيا نحضرو بنفس كمية الزبدة والفرينة نضع الزبدة في وعاء نذوبها نضيف لها الفرينة
ونخلط جيدا ثم نضيف الحليب ونخلط بالخفاقة جيدا حتى نتفادى الكتل نستمر في التحريك حتى يثقل المزيج ونحصل
على بيشاميل اكيد لا ننسى الملح والفلفل الاسود والجبن النوع الي عندك ماشي شرط
الجبن يمدلك بنة للبيشاميل
جينا للصح 
كي يذبل السلق نضيفولو الثوم المسكرفج وشوية ملح حذااااري تكثروا الملح والهريسة حسب الذوق 
هههه مدمنة هريسة الله غالب
نخلط السلق والبطاطا واللحم المفروم معا والبيشاميل ونضيف قطع جبن نصب الخليط في بلاطو يدخل للفرن نضع فوقه كمية معتبرة من الجبن الشيدار والى الفرن
نشعل عليه من تحت مدة ربع ساعة ممكن اكثر ممكن اقل ومن بعد نحمروه من فوق
نتركه يبرد قليلا حتى يشد روحوا وبالهناء والشفاء
طلب صغير اذا جربتوه وعجبكم دعوة خير انشاء الله 
سلااااااااااااااااااااااااااااااااااااااااااام 
:m h31:
شكرا لك أختي على الوصفة ، تبدو شهية
|
المشاركة الأصلية كتبت بواسطة صبرا
 شكرا لك أختي على الوصفة ، تبدو شهية
|
لا شكر على واجب شكرا على المرور
جزاك الله خيرا تستاهل التجريب
تبدو شهية انشالله نجربها بس لو حطيتي لنا الصور يكون حسن المرة الجاية صورينا اوكي
لكن ياريتك صورتنا الوصفه تكون ساهلة الرفع في المحمول
تسلم الايادس
ندعيلك اختي قبل ما نجربو رانا اخوة في الاسلام
ربي يوفقك ويحفضلك اهلك وذريتك
ويرزقك من حيث لا تحتسبي
ويسترك دنيا ودين
أمين يا رب
[quote=ام ياسمين10;3992627313]جزاك الله خيرا تستاهل التجريب[
شكرا اختي بارك الله فيكي انشاء الله تجربيها وترجعيلنا الخبر واكيد راح تعجبك
|
المشاركة الأصلية كتبت بواسطة nabila222
تبدو شهية انشالله نجربها بس لو حطيتي لنا الصور يكون حسن المرة الجاية صورينا اوكي
|
والله كتير شهية انشاء الله تجربيها وترجعيلنا لخبر انشاء الله المرة الجاية نحط الصور
[QUOTE=نائلة;3992627870]
لكن ياريتك صورتنا الوصفه تكون ساهلة الرفع في المحمول
تسلم الايادس
[/QUOTE
مشكورة اختي انشاء الله المرة الجاية الله يسلمك
|
المشاركة الأصلية كتبت بواسطة اسمهان79
ندعيلك اختي قبل ما نجربو رانا اخوة في الاسلام
ربي يوفقك ويحفضلك اهلك وذريتك ويرزقك من حيث لا تحتسبي ويسترك دنيا ودين أمين يا رب |
ولكي بالمثل اختي بارك الله فيكي امين اجمعين
شكرا لك حبيبة
بصحتكم رووووووووعة
دعوة الخير نعطيوهالك بلا ما نجربوه وبعد التجراب نزيدولك هههههههههه
ربي يفتحها عليك
ya3tik el saha mé habite bark nkoulek beli ana men bekri ndir el selk b la béchamel w ydji raw3a baraka alah fik