بسم الله الرحمان الرحيم أما بعد اتمنى أن تعجبوا بهذه النبّذة عن ولايتي الحبيبة سكيكدة
تقع سكيكدة، روسيكادا حسب التسمية الفينيقية، شرق الشريط الساحلي الجزائري. وهي عاصمة لولاية سكيكدة.
تمتاز بشطآن روعة في الجمال. وميناء سكيكدة حاليا من الموانئ الرئيسة في الجزائر.
أنشأت المدينة على موقع نهر زرامنة وهي محصورة بين تلال بويعلي سبع بيار في الغرب وتلال سكيكدة الموادر، المسماة بوعباز في الشرق. ما زال الجزء الأكبر من المدينة الفينيقية والمدينة الرومانية التي بنيت على أطلالها مطمورا. ولم يظهر من تلك المدينة الفينيقية الكبيرة سوى بعض الآثار الجنائزية الواقعة في في أعالي أستورا قرب مبنى الساعة.
أجمل ما قيل عنها:
رُوسِيكادا عَرُوسُ البَحْر
بابُور وبحر فوقُه غيومْ – وحُوته عَذْرا في شَطُّه تعُومْ
قالوا عليها جيرانْها – هذي عروسة بلادنا اليومْ
بصمَة لَحباب في قفطانْها – جَلْوَه بفَتْلَه ومَجْبُوذ مختومْ
موشْمَه بطيبة خِلاّنْها – وضيفها في رحابها مخدومْ
أهلي وناسي في حنانْها – والله يتغمد المرحومْ
لَفراح تحلى في أيامْها – "بْكُرنيش" في حزامها مبرومْ
زغاريتْ لَمواج في سلامْها – وريحة أنفاسها في لخشومْ
وفيها "السَّلام" عَرْش مقامْها – بُرجُه يسامي "ربعه" نجومْ
وبحرها ساجد قدامْها – وفي احْضان "سطورَه" ديما يهومْ
سيرة لَجيالْ سلسالْها – و"خيام الفن" راويها يرومْ
تاجها الإيمان وخيالْها – خلى "السردوك" عليها مكتومْ
"لَفراز" خانَه في جبالْها – وعطر "السردينه" فيها يحومْ
"اقْصر بن قانه" خَلخالْها – وتاريخ طويل معاها يدومْ
شمس "مْسِيْوَنْ" حنّاتْها – وتخجل في حَضرة لَغيومْ
ومن "غار سطورَه" هوّاتْها – نسمة الليل كِهْجَرْها النومْ
شهْلا بقمحات "رملاتْها" – ونُوّارها "التينه" و"لَكرومْ"
تسْحر بمناقش "نخلاتْها" – واللي عشقْها عن غيرها يصومْ
هذي "سكيكدة" يا محلاها – "روسيكادا" سمّاتْها الرومْ
بابُور وبحر فوقُه غيومْ – وحُوته عذرا في شطُّه تعومْ
هذي سكيكدة يامحلاها – "روسيكادا" عروستنا اليومْ
سلّمْ عليها وابدَأ من "البُورْ" – "طريقْ ليزاليي" و"الفُوبُورْ"
سلّمْ لي علَى "بنْ حُوريّه" – "ليزوليفْيي" و"القُبيّه"
"بالُو" و"الـ 700 " و"السِيسَالْ" – و"الـ 500 " دايْما في البَالْ.
وفي "لاسيَا" ريحَة لَجدَادْ – والله يَرحَم سَهْرَاتْ "الوَادْ"
حُبي الأول فيها بادِي – مع يمّى وبابا يا اسيادِي.
"بوالكروَه" "الماتْش" و"الزرامْنَا" – وربي يَرحَم أهْل "زفزافْنَا"
"كامِي" "الـ 20 أوتْ" و"مرج الديبْ" – والله يرحم "سيد علي الديبْ".
سلامي عا "الكُور" "حومَة الطليانْ" – "طلعَة الحبْس": دروج وبيبانْ
"السْويقه" "بلاغْ" "سبع بيارْ" – "بويعلى" "بني مالك" "باطوارْ"
وجبَل "بُوعَبّازْ" عَسّاسْهَا – يستنّى الغايَبْ منْ نَاسْهَا.
بابُور وبحرْ فوقُه غيُومْ – وحُوتَه عذْرا في شَطُّه تعُومْ
هذي "سكيكدة" يامَحْلاها – "روسيكادا" عروستْنَا اليُومْ
في النهاية اتمنى ان تزورونا فناس سكيكدة مكانش كيفهم يضيفوكم les 
:1
les Fraises
ويلا متحبوهمش
les crevettes…………
ويلا متحبوهومش aussi…………………………..
A vous de choisir!:
kalamar
sardine
والقائمة تطول
ان شاء الله راح يكون لي الشرف نزور سكيكدة,,,,,,,ياليت توضعي صور حتى نتعرفوا عليها و على مناطقها الجميلة أيضا
شكرااااااااااااااااا لك
تحيااااااااااااااااااااااااااااااتي
شكراااا يا غالية بس انا جديدة نازملي 30 مشاركة لفرجيكي صور روعة واتمنى فعلا تزورينا
ان شاء الله أخيتي ,,,,,,,,و لما لا اذا أتيحت لي الفرصة بصح نجي لعندك ,,,,,ياك تقبليني,,,
الله يعزك
مالا فوق الراس ولوو بنت لبلاد
الله يخليك حبيبتي ,,,,,,,,,شكرااااااااااااااا لك
^—————————————————————————————-^
جزيل الشكر لك
العفو اخي you are welcome
العفو You Are Welcome
شابة جرتنا سكيكدة خصتها شوية وقفة وخدمة
(ثقافة السياحة بالنسبة للمواطن ميتة فسكيكدة والجزاير بصفة عامة)
وي عندك الحق وشكرا على حسن المرور
سكيكدة ، تُنافسُ تيبازا بالفعل
يا حسرة على سكيكدة وناسها
كيما سكيكدة ماكاش الله الله عليك سكيكدة وناس سكيكدة
ربي يخليها ويخليهم
آمين