السلام عليكم من فضلكم حبيباتى اريد طريقة صنع عجينة لمقرطفة والرشتة والشخشوخة اعرف انا المقادير هى دقيق وماء وملح ولكن لا اعرف هل عند العجن تقطع العجينة ام لا ولا اعرف هل من الاحسن الدقيق يكون الرقيق ولا لا وكدلك ماهى الارقام التى نستعملها فى مشينة لمقرطفة ومارسى يا لحراير تعيشوا
,وينكم يا الفحلات
المقطرفة جامي درتها
اما الرشتة فلازم اديري الملح رقيق جدا باه كي تحليها في المشينة متتقطعش و انا انديرها في 9 تم 4 تم1 المهم متكونش بزاف رقيقة باه كي تفوتيها في الرشتة تزيد تتحل شوية
ان شاء الله نكون قد افدتك و لو بقليل
|
المشاركة الأصلية كتبت بواسطة randy fatima
 المقطرفة جامي درتها
اما الرشتة فلازم اديري الملح رقيق جدا باه كي تحليها في المشينة متتقطعش و انا انديرها في 9 تم 4 تم1 المهم متكونش بزاف رقيقة باه كي تفوتيها في الرشتة تزيد تتحل شوية ان شاء الله نكون قد افدتك و لو بقليل |
مارسى حبيبتى مبصح ما قولتيليش كى اديرى لعجينة تعجنى وتقطعى ولا لا
السلام عليكم
من الاحسن انك كي تعجني و تخليهم يرتاحو شوية بعد مديريهم كويرات متوسطين الحجم و تغطيهم و من بعد تدي كل وحدة و تحليها و كي تكمليها تروحي للاخر ام الغجيبن متتقطعش بالعكس تخرج مليحة المهم نصيحة الملح كيما قلتلك لازم اكون كي الدقيق
شكـــــــــــــــــــــــــرا
;كل هده المشاهدات والاجابات قليلة وقيلا خطيكم العجائن التقليدية كى حالتى هههههههههههههههههههههههه
شوفي أختي : كي تعجني اعجني في اليابس يعني العجينة تكون يابسة و من بعد زيدي الماء بالشوية وأعجني بأسفل كفي يديك بلا تقطاع لآنه كون تقطعيها رايحا تتقطعلك في الطريح كي تطرحيها أطرحيها بعمود مصلحة جديد خصصيه لهذه العملية على طابلة باه تربحي وقت و الجهد و ما تستعمليش العجان لآنه عجينوا لهذا النوع من العجائن ما هوش مليح و كي تطرحي أطرحي بالنشا . تلك نصائح أمي رحمها الله و أسكنها فسيح جنانه, أرجوا أنني أفدتك باه ما تقوليش بلي ما كانش الفحلات ,,,,,,
انا جامي درت المقرطفة والرشتة مي الشخشوخة توجور نديرها وتصلحلي ….بالسيف باش لقيت الوصفة السحرية ههههه
نقللك اختي …ادلكيها على اليابس يعني ماديريلهاش الماء بزاف في لمرة الاولى زيديلها غير بالشوي وبلا ماتقطعيها
واذا حبيتي دقة اكثر انا ندلكها بالطريقة لي قتلك عليها حتى تولي تدير فقاعات صغيرة تالمو مدلوكة مليح و تشبعت بالماء وهنا نعرف بلي لعجينة صلحتلي
سلااام