عندي استفسار بخصوص الحجامة للنساء لي يسكن في ولاية ميلة او قسنطينة يقولي وين بلاصة يديروها
ننتظر ردودكم بفارغ الصبر
في ميلة كاين ثلاث لي يديروها
كاين السيدة بن الشريف راهي كما الكوميسارية في الطريق لي تدي للسبيطار لقديم ايام الحجامة للنساء يومي الاثنين و الاربعاء
و كاين السيدة بوسطيلة راهي تحت الملعب البلدي مفابلة وين يخلصو الكهرباء ايام الحجامة للنساء الاحد و الاثنين
و كاين وحدة في الخربة كي تفوت من لاكاديمي و تلحقي للقطاع الصحي تدوري لليمين راكي تلقايها و تخدم كل يوم
بارك الله فيك اخي عبد الله كمال على المساعدة جزاك الله الف خير
زوج الاولين ر اهم في طريقي بصح مانعرفش ميلة مليح تعيش قصدك السبيطار القديم وين لي جي ناف تع الديانسي ؟ ظاهرتلي ماشفت حتى كوميسارية لتم و بلاك ما تولهتش
و الثانية نسقسي و نشوف الملعب وين يحبسو الكار تع شلغوم و العثمانية والا غالطة يعني طريق صناوة
لي مع السبيطار القديم كما لي جي 9 تاع الدي ان سي هاهي الخريطة باش تفهمي
و هادي تاع بوسطيلة مقابل سونغاز فوق جامع المرابو كما الدايرة القديمة
و هادي تاع الخربة
اذا حابة تروحي غدوة تديري الحجامة لازم تبعتي كاش واحد من عندكم يسجلك في القائمة باش تفوتي مع الاوائل
لانو كاين بزاف غاشي خاصة هاد الايام لانها افضل ايام الحجامة في السنة
و اذا ماتسكنيش في ميلة ولا مكاش لي يسجلك بكري نروح انا نسجلك الصباح ان شاء الله
بارك الله فيك اخي و ربي يعطيك واش تتمنى ساعدتني بزاف
راني وفقت فالاولى و الثانية كيما عرفتهم لي فالخربة ما نعرفش نروح ليها
الثانية على حساب وصفك الصباح برك رحت لعندها مي لقيت بلي وقت الرجال روحت
بارك الله فيك اخي على المساعدة راني باغية نهدر معاها سع باه نعرف واش من وقت نروحلها لاني رايحة ندير الحجامة الطبية
فهمتني اخي مشكور كي نتفاهم معاها احكملي اذا مافيش مشكل ؟
بلاما تتفاهمي معاها كي تدخلي عندها راهي تقولك واش تديري حجامة وقائية ولا علاجية
و وقت ما حبيتي اجي راسليني انا نسجلك الصباح بكري
و اذا حبيتي تجي غدوة تاني ماشي مشكل
بارك الله فيك و ربي يجعلها في ميزان حسناتك
|
المشاركة الأصلية كتبت بواسطة maiar
 بارك الله فيك و ربي يجعلها في ميزان حسناتك
|
اسال الله العظيم رب العرش العظيم ان يشفيك شفاءا لا يغادر سقما انت و كل مرضى المسلمين