السلام عليكم ورحة الله تعالى وبركاته وددت مناقشة قضية في مجتمعنا وفي معظم الاسر الا وهي عقلية لازم البنت الكبرة هي اللي تزوج اولا وتلقى البنت رغم انه عايلتها ماهيش مطبقا هاد العقلية بصح تلقاها تتأثر بالمجتمع وتحط في بالها لازواج قبل زواجها يعني لازم هي والا ماكانش هي برك يرزقها ربي وزيد تبقى تخير و تختار على كيفها هذا لسبب طوله هذا لسبب قصره هذا لسبب امه الخ الخ وكاين منهم اللي يبدا السن تعهم يزيد يوليو في صراع مع اللي اقل منهم من الاخوة او الاخوات وخاصة الاخوات تقولك لازم انا هل هذه انانية؟ ام حسد ام تكبر على الله كي رزق هاد الاخت او الاخ لان الزواج رزق مكتب من عند الله هل يجب على الاخوة والاخوات الصغار يتحملوا هاد الشيء ويأنبهم ضميرهم ويضيع عمرهم لا لشيء لان هاد الاخت رح يغيضها عمرها كون تتزوج ختها الصغيرة قبلها انا اظن هاد العقلية حسد وغيرة وانانة وضعف ايمان بالله لانه حرام الواحد يربط مصيره بانسان اخر
وشكرا
حنا معندناش العقلية هادي في عايلتنا ,…
كل وحدة ومكتوبها ونصيبها ….
ليس بالضرورة الكبرى ثم الصغرى ….
لكــن انا وحدة بيني وبين نفسي عندي اختي وحدة برك واكتر مني مي منقدرش نتزوج قبلها ,,,,,
شكرا
|
المشاركة الأصلية كتبت بواسطة staifia
 حنا معندناش العقلية هادي في عايلتنا ,…
كل وحدة ومكتوبها ونصيبها …. ليس بالضرورة الكبرى ثم الصغرى …. لكــن انا وحدة بيني وبين نفسي عندي اختي وحدة برك واكتر مني مي منقدرش نتزوج قبلها ,,,,, شكرا |
شكرا جزيلا للمرور الكريم حبذى لو قلتيلنا علاش مكيش حابة تزوجي قبلها وهللو جاك ولد الحلال الذي ترضين دينه وخلقه ترفضيه على جال اختك؟
شكرا مرة اخرى
حنا تاني مكاش هذي العقلية في عايلتنا لي جا مكتوبها مرحبا بيه
وتاني كاين 2 خواتاتي صغار عليا وحدة مزوجة ووحدة مخطوبة والله شيء عادي
و المؤمن لازم يفرح لأخيه كيما يفرح لنفسوا
ادعولي ربي يرزقني انا تاني الزوج الصالح
|
المشاركة الأصلية كتبت بواسطة كاميلا
شكرا جزيلا للمرور الكريم حبذى لو قلتيلنا علاش مكيش حابة تزوجي قبلها وهللو جاك ولد الحلال الذي ترضين دينه وخلقه ترفضيه على جال اختك؟
شكرا مرة اخرى |
العفو اختي …
انا منيش حابة نتزوج قبل اختي رغم اني نعرف اختي جيدا وحتى لو اتزوجت قبلها راح تفرحلي بزاف و مش راح تحس بشي بالعكس
لكن انا منقدرش نشوف روحي متزوجة قبلها …. نحب نفرحلها هي قبل انا …..
شكرا جزيييييييييييلا
السلام عليكم اختي فالحقيقة العقلية هذي تقريبا خلاصت كانت زمان لما كانو كاينين الرجال لكن ضرك العقلية نقصت لانو نسبة الزواج خفت يعني راهم يحلو على الزواج وتلقاي لبنات هوما يقولو للرجال ارواح برك يعني ختها قبلها او هي قبلها ما يهمش إحنا من زمان ما عندناش من العقلية هذي كل وحدة ومكتوبها وعلى العكس الكبيرة تفرح لختها وعادي نورمال بارك الله فيك
وين راه المشكل اللي جا مكتوبها ربي يسهل
انا الاخت الكبرى لاكان جا مكتوب اختي لولى مرحبا و الله نفرح ليها من كل قلبي ياخي رزق من عند ربي
اختي حنا معندناش العقلية هذي اللي جاها المكتوب تتسهل لبيت زوجها
لا لا ليس امر اجباري و لكن هذا العقلية خلاصت كانت زماان و كانو رادينها امر فوق الاجباري
و لكن الحمد لله تخلصنا منهاا
هاذيك كانت بكري ضرك نورمال اللي جاها مكتوبها تتزوج واذا الكبيرة ماجاهاش مكتوبها علاش تخلي خواتاتها يستنو معاها الي جاها مكتوبها الاولى الله يسهل
===========
عن نفسي
انا اكبر اخواتي ولن امانع لو تزوجت اختي الصغرى بالعكس ساكون اسعد اخت فالعالم وشكرا
ليس امر اجباري
السلام عليكم
من بكري خاطينا هادي الفكرة امي الوسطى في خواتاتها تزوجت هي الاولى فيهم ودروك انا الكبيرة وما عنديش مشكل ادا اختي الصغرى تزوجت قبلي
الله يهدينا
وكي تكون في العيلة 7ولا 10بنات واش يديرو يستنو هذم كامل اختهم الكبيرة حتى توصل ل40 واش راح يخرجهم مساكن
انا اختي اصغر مني تزوجت وعادي راهي متزوجة وانا مازلت بالرغم تخطبت قبلها ومتزوجتش فرحت ليها واش نحكمها دير عندي في الدار
كلش مكتوب ربي
الامر ماشي اجباري حنا عندنا
يعني مزال في دارنا الى زوج كامل صغار انا لكبيرة
بثح كل وحدة ومكتوبها